.jpg)
ចម្លាក់បុរាណដែលមានប្រវត្ដិតាំងពីចុងសតវត្សរ៍ទី ៤ ឬដើមសតវត្សរ៍ទី ៣ មុនគ្រិស្ដសករាជ។ រូបថត AFP
ក្រុងអាថែន: ចម្លាក់ព្រះកេសអាទិទេពបុរាណក្រិក Hermes ត្រូវបានធ្វើកំណាយអំឡុងពេលការជីកកកាយអភិវឌ្ឍប្រព័ន្ធលូភាគកណ្ដាលក្រុងអាថែន។ នេះបើយោងតាមក្រសួងវប្បធម៌បានឲ្យដឹងកាលពីថ្ងៃអាទិត្យ។
សេចក្ដីថ្លែងការណ៍មួយបានបង្ហាញថា៖ «ចម្លាក់បុរាណដែលមានប្រវត្ដិតាំងពីចុងសតវត្សរ៍ទី ៤ ឬដើមសតវត្សរ៍ទី ៣ មុនគ្រិស្ដសករាជ ស្ថិតនៅសភាពល្អស្អាត»។
ព្រះកេសម៉ាប ត្រូវបានរកឃើញកប់ក្នុងដីក្រោមផ្លូវដ៏មមាញឹម ១,៣ ម៉ែត្រ Aiolou កាលពីថ្ងៃសុក្រ ដោយបង្ហាញពីអាយុកាលដ៏យូរលង់របស់អាទិទេព និងគឺជាផ្នែកមួយនៃដែនកោះហេម។
Herms ឬ Hermas ជាឈ្មោះសំដៅលើចម្លាក់ ដែលរមែងជាព្រះកេសរបស់អាទិទេព Hermes ហើយជួនកាលជាដងខ្លួន ដែលត្រូវបានប្រើជាសសរជ្រុងបញ្ឈរនៅតាមផ្លូវប្រសព្វ។
ទិដ្ឋភាពភាគកណ្ដាលក្រុងអាថែងក្បែរផ្លូវមេត្រូក្រោមដីនាពេលរាត្រី. រូបថត AFP
យោងតាមទេវកថាក្រិក បានឲ្យដឹងថា អាទិទេព Hermes គឺជារាជបុត្រារបស់ស្ដេចមេឃា Zeus និងជាអ្នកនាំសារពីទេវ ដែលជួយការពារដល់អ្នកដំណើរ និងអាជីវករ។
ក្រសួងវប្បធម៌មិនបានប្រាប់តម្លៃអំពីចម្លាក់ព្រះកេសឡើយ តែវាត្រូវបានបញ្ជូនទៅកាន់ឃ្លាំងរក្សាទុកវត្ថុបុរាណភ្លាមៗ។
កាលពីថ្ងៃសៅរ៍ អភិបាលក្រុងអាថែន កូស្ដាស បាកូយ៉ាននីស បានបង្ហោះរូបថតព្រះកេស Hermes មួយស្លឹកលើទំព័រហ្វេសប៊ុក។
លោកបានប្រាប់ AFP ថា៖ «ក្រុងអាថែនដ៏អស្ចារ្យ!»៕ AFP/HR
ចម្លាក់ព្រះកេសអាទិទេពបុរាណក្រិក Hermes ត្រូវបានធ្វើកំណាយអំឡុងពេលការជីកកកាយអភិវឌ្ឍប្រព័ន្ធលូភាគកណ្ដាលក្រុងអាថែន. រូបថត AFP
