The Phnom Penh Post Search

Search form

ប្រាំអង្គ​ជា​គម្រោង​ភាព​យន្ត​ខ្នាត​ខ្លី​ឆ្លុះ​ប​ញ្ចាំង​ជីវិត​កុមារ​កម្ពុជា ៥ ពិភព

Content image - Phnom Penh Post
ឈុត​មួយ​របស់​ខ្សែ​ភាព​យន្ដ​ខ្លី​​រឿង​វាសនា​នៃ​គម្រោង​ប្រាំអង្គ ។ រូប សហការី

ប្រាំអង្គ​ជា​គម្រោង​ភាព​យន្ត​ខ្នាត​ខ្លី​ឆ្លុះ​ប​ញ្ចាំង​ជីវិត​កុមារ​កម្ពុជា ៥ ពិភព

ភ្នំពេញៈ គម្រោង​ភាព​យន្ត​ខ្នាតខ្លី​ច្របាច់​បញ្ចូល​គ្នា ៥ រឿង​រួមគ្នា​ក្រោម​ចំណង​ជើង​មួយ​ថា «ប្រាំអង្គ» ដែល​រៀបចំ​ដោយ​​ផលិត​កម្ម​កុនខ្មែ​រកូន​ខ្មែរ នឹង​ចាក់​បញ្ចាំង​ជា​សាធារណៈ​ និង​អាចចូល​ទស្សនា ដោយ​ឥតគិត​ថ្លៃ​ ចាប់​ពី​ថ្ងៃទី ១ ទៅ​ដល់ទី ៧​ ខែ​កក្កដា​ ឆ្នាំ ២០១៦​ ខាង​មុខនេះ​ នៅ​រោងកុន Major Cineplex by Cellcard ​នៅ​ផ្សារ​ទំនើប​អ៊ីអន​ នៅ​ជាន់​ទី ២ ជា​លើក​ដំបូង។

លោក ស៊ុំ​ ស៊ីថែន សហ​ផលិត​ករ​នៃ​គម្រោង​ប្រាំអង្គ និង​ជា​អ្នក​ប្រឹក្សា​ទូទៅ​របស់​ផលិត​កម្ម កុនខ្មែ​រកូន​ខ្មែរ បានឲ្យ​ដឹងនៅ​ក្នុង​សន្និសីទ​សារព័ត៌មាន​​ កាល​ពីព្រឹក​ថ្ងៃទី ២៧ ​ខែមិថុនា​ កន្លង​ទៅនេះ​ថា៖ «ប្រាំអង្គ​គឺជាគម្រោង​ភាពយន្ត​ខ្លី​ប្រាំ​រឿង​រួមគ្នា​ ដែល​បាន​លើក​ឡើង​ពីខ្សែ​ជីវិត​របស់​ក្រុម​កុមារ​កម្ពុជា​ ៥​ រូប និងក្តី​សុបិន​អនាគត​​បស់​គេ។

គោល​បំណង​នៃ​គម្រោង​នេះ​គឺដើម្បី​ជំរុញ​សមិទ្ធ​ករ​ ឬ​ផលិតករ​វ័យ​ក្មេង ​ដែល​ទើបតែ​លេច​ពន្លក​លើ​វិស័យ​ភាពយន្ត​នៅ​កម្ពុជា​ ឲ្យ​ខិតខំ​ផលិត​ខ្សែ​ភាពយន្ត​បន្ថែម​ទៀត​ ដោយ​ប្រើ​គំនិត​ផ្តួច​ផ្តើម​របស់ខ្លួន»។

សហ​ផលិត​កររូប​នេះ​​ បាន​លើក​ឡើង​សាច់​រឿង​ត្រួសៗ​ថា៖ «ប្រាំអង្គ​មាន​វណ្ណ​កម្ម​ចំនួន​ប្រាំគឺ​រឿង​វេលា​មួយ ដែល​និយាយ​ពីដំណើរ​ជីវិត​របស់​ក្មេង​ប្រុស​ម្នាក់​ដែល​បាត់បង់​ម្តាយ ខណៈឯ​​រឿង​ទឹកថ្នាំ​ក្រហម ជាវណ្ណ​កម្ម​របស់លោក​លី ប៉ូឡែន ដែល​ជា​ម្ចាស់​ជយ​លាភី​របស់ Top Fest SEA 2015 ស្តីអំ​ពីជីវិត​របស់​កុមារី​រស់​នៅឯ​ទីជន​បទ​ ដែលត្រូវ​រងគ្រោះ​ដោយ​សារ​ការរំលោភ​បំពាន​។ ចំពោះ​រឿង​ប្រុសធំ​ ស្តី​ជីវិត​កុមារ​រស់​នៅក្នុង​សម័យ​​ខ្មែរ​ក្រហម។ ចំណែកឯ​រឿង​វាសនា បាន​និយាយ​ពី​ជីវិត​​ក្មេង​កំព្រា​មួយរូប​មានក្តី​ប្រាថ្នា​ចង់​ក្លាយ​ជាគ្រូ​បង្រៀន ហើយ​រឿង​វឌ្ឍនៈ ស្តីពី​ដំណើរ​ជីវិត​ក្មេង​ដើរ​ខាត់​ស្បែក​ជើង​ដែល​ចង់ក្លាយ​ជា​អ្នក​ជំនួញ​នា​ពេលអ​នាគត»។​

Content image - Phnom Penh Post
ឈុតមួយ​របស់​ខ្សែ​ភាព​យន្ដ​ខ្លី​​រឿង​ប្រុសធំ​នៃ​គម្រោង​ប្រាំអង្កស្តី​ពីជីវិត​កុមារ​នា​សម័យ​របប​ខ្មែរ​ក្រហម​​។ រូប សហការី

ចំណោម​ភាព​យន្តខ្លី​ទាំង ៥ ​ខាង​លើ រឿង​វាសនា គឺ​ទទួល​បាន​ការ​ពេញ​និយម​ច្រើន​ យោង​ទៅតាម​ទិន្នន័យ​ដែល​ចែក​រំលែក​នៅ Facebook។

លោក ស៊ុំ​ ស៊ី​ថែន ថា៖ «យើង​ឃើញទិន្ន​ន័យ​ទាំង​ចូល​ចិត្ត និង​ចែក​រំលែក​វីដេអូ​រឿង​វាសនា ច្រើន​គួរឲ្យ​កត់​សម្គាល់ជាង​រឿង​បួន​ទៀត»។​

លោក លី ប៉ូឡែន អ្នកដឹក​នាំ​រឿង​ ទឹកថ្នាំ​ក្រហម ក៏​បាន​ថ្លែងពី​ដំណើរ​ផលិត​រឿង​របស់​ខ្លួនដែរ​ថា៖ «យើង​បាន​ប្រឈម​នឹង​បញ្ហា​ជា​ច្រើន​ដើម្បី​ផលិត​រឿង​ខ្លី​បែបនេះ ដោយ​ប្រើ​ធនធាន​មាន​កំណត់ផ​ង។ ទោះ​ជា​យ៉ាងណា នៅទី​បំផុត​យើង​អាច​សម្រេច​វា​បាន​ ហើយ​អាចឲ្យ​ខ្សែ​ជីវិត​របស់​កុមារ​កម្ពុជា​ បាន​ស្គាល់​ជាសាធារណៈ​តាមរយៈ​ផ្ទាំង​សំពត់ស»។

គួរ​បញ្ជាក់​ដែរថា សម្រាប់​គម្រោង​ប្រាំអង្គនេះ​ បាន​ផ្តើម​កាល​​ពីខែ​សីហា​ ឆ្នាំ ២០១៣ ហើយ​​បញ្ចប់​នៅ​ខែ​សីហា​ ឆ្នាំ ២០១៤​ តាម​រយៈការ​ជ្រោម​ជ្រែង​ពីសំណាក់​បណ្តា​អ្នក​បរិច្ចាគ​ផ្សេងៗ​ ជាពិសេស​នោះ​គឺតាម​រយៈ​អង្គការ​ឈ្មោះ «ទស្សនៈ​ពិភព​លោក​​កម្ពុជា» និងជា​ការ​រៃអង្គាស​ពីមហាជន​ ខណៈ​ថវិកា​ចំនួន​ ២ ម៉ឺន ដុល្លារ ដើម្បី​ប្រើ​ប្រាស់លើ​ការ​ចំណាយ​ផលិត៕​

អត្ថបទគួរចាប់អារម្មណ៍

  • គម្រោង​ធំៗ​ជាច្រើន​អាច​នឹង​លេច​ឡើង​នៅ​តាម​មាត់ទន្លេ

    ក្រុមហ៊ុន​អភិវឌ្ឍន៍​ដ៏ធំ​មួយ​របស់​ចិន​មាន​ប្លង់​រចនា​ក្នុង​ការ​អភិវឌ្ឍ​នៅ​តាម​បណ្តោយ​ឆ្នេរ​ទន្លេ​ដែល​គម្រោង​នោះ​រួម​មាន​ខុនដូ​ប្រណីត អគារ​ការិយាល័យ ខណៈ​បច្ចុប្បន្ន​ទីតាំង​នោះ​ត្រូវ​បាន​គ្រប់គ្រង​ដោយ​កំពង់ផែ​ស្វយ័ត​រាជធានី​ភ្នំពេញ​។

  • ស្ថាបត្យកម្ម និង​វិចិត្រសិល្បៈ គឺ​មិន​អាច​ញែក​ដាច់​ពី​គ្នា​បាន​ឡើយ

    នៅក្នុង​បន្ទប់​សិក្សា​ក្នុង​ផ្ទះ​ធំ​មួយ​នៅ​តាម​មាត់ទន្លេ​ក្នុង​រាជធានី​ភ្នំពេញ លោក ថាង សុធា វ័យ​ ៣៥ ​ឆ្នាំ​កំពុង​ពិនិត្យ​មើល​ប្លង់​រចនា 3D របស់​បន្ទប់​គេង​នៃ​អាផាតមិន​មួយ​ដែល​ជា​ផ្នែក​នៃ​គម្រោង​កែលម្អ​ចុងក្រោយ​បំផុត​ដែល​លោក​បាន​ចូលរួម​ធ្វើ​កាលពី​ប៉ុន្មាន​ឆ្នាំ​មុន នៅ​លើ MacBook ដើម្បី​បំផុស​គំនិត​សម្រាប់​ការងារ​នាពេល​អនាគត​។

  • ត្រី​ចិញ្ចឹម​ប្រមាណ​ ១២ ​តោន​ងាប់​ដោយ​កម្ដៅ​ពេល​ទឹក​ស្រក

    កំពង់ឆ្នាំងៈ យ៉ាង​ហោចណាស់​ត្រី​ចិញ្ចឹម​តាម​ដង​ទន្លេ​ស្ថិត​ក្នុង​សង្កាត់​ខ្សាម និង​ផ្សារឆ្នាំង ខេត្ត​កំពង់ឆ្នាំង​ប្រមាណ​ជា​ ១២ ​ពាន់​គីឡួ​បាន​ងាប់​ក្នុង​រយៈពេល​ ៣ ​ថ្ងៃ ព្រោះ​តែ​ទឹក​បាន​ស្រក​ចុះ​ជា​គំហុក និង​ក្ដៅ​ខ្លាំង​។ នេះ​បើ​យោង​តាម​ការរៀបរាប់​របស់​ប្រជានេសាទ​ក្នុង​តំបន់​នោះ​ដែល​មាន​ប្រមាណ​ជា​ ៧០ ​គ្រួសារ​។

  • ព្រះរាជអាជ្ញា​ភ្ជាប់​រឿង​ហិង្សា​នៅ​ស្ពាន​នាគ​ជា​ចលនា​បដិវត្តន៍​ពណ៌

    ភ្នំពេញៈ សាលាឧទ្ធរណ៍​នៅ​ព្រឹក​ថ្ងៃ​ពុធ​ម្សិលមិញ​បាន​បញ្ចប់​សវនការ​ជំនុំជម្រះ​សំណុំ​រឿង​ហិង្សា​នៅ​ស្ពាន​នាគ​កាលពី​ខែ​កក្កដា ឆ្នាំ ២០១៤ ដោយ​ព្រះរាជអាជ្ញា និង​មេធាវី​ការពារ​ដើមបណ្ដឹង​សម្រេច​ភា្ជប់​ករណី​ហិង្សា​នោះ​ទៅ​នឹង​បដិវត្តន៍​ពណ៌ បន្ទាប់ពី​សវនការ​រយៈពេល​ ៣ ​ថ្ងៃ​ជាប់ៗ​គ្នា​។ ទោះ​ជា​យ៉ាងណា​ក៏ដោយ​ភាគី​ជនរងគ្រោះ​ថា​គ្មាន​អំពើ​កុបកម្ម​កើតឡើង​ទេ​ និង​ស្នើ​ដល់​តុលាការ​ឲ្យ​ដោះលែង​ពួកគេ​។