The Phnom Penh Post Search

Search form

Logo of Phnom Penh Post newspaper Phnom Penh Post - ផលិ​តករ​រឿង​ខ្មោច​ដើម​ចេកជ្វា​និពន្ធ​ និង​សម្ដែង​រឿង​វិកល​ចរិត




ផលិ​តករ​រឿង​ខ្មោច​ដើម​ចេកជ្វា​និពន្ធ​ និង​សម្ដែង​រឿង​វិកល​ចរិត

Content image - Phnom Penh Post
ផ្សារ​ធំថ្មី និ​ង​កន្លែង​មួយ​ចំនួន​ទៀត​ក្នុង​រាជធានី​ភ្នំពេញ​ត្រូវ​បាន​ជ្រើសរើស​ជាទីតាំង​ថត​រឿង​វិកលចរិត។ រូប សហការី

ផលិ​តករ​រឿង​ខ្មោច​ដើម​ចេកជ្វា​និពន្ធ​ និង​សម្ដែង​រឿង​វិកល​ចរិត

ភ្នំពេញ: ផលិតករ​ភាពយន្ដ ហ៊ុយ យ៉ាឡេង វ័យ ៣៦ ឆ្នាំ ទើប​បានចាប់​ផ្ដើម​ផលិត​ភាពយន្ដ​ព្រឺព្រួច​ថ្មី​ក្រោម​ចំណង​ជើង​ថា «វិកល​ចរិត»។

លោក យ៉ាឡេង ដែល​ជាអ្នក​និពន្ធ​ផង និង​ជាអ្នក​សម្ដែង​ផងធ្លាប់​បាន​ផលិត​ភាពយន្ដ​ខ្មោច​ និង​កំប្លែង​ក្រោម​ចំណង​ជើងថា «​ខ្មោច​ទិញ​ផ្ទះ» «ខ្មោច​ដើម​ចេកជ្វា» និង «​ម៉ៅ​ស្វិត»។

ប៉ុន្ដែ​លោក​បាន​និយាយ​ថា នេះ​គឺជា​លើក​ដំបូង​ដែល​លោក​ផលិត​ភាពយន្ដ​បែបវាយ​ប្រហារ​ដ៏​រន្ធត់​ដោយ​ផ្អែកលើ​ដំណើរ​រឿង​ជីវិត​ពិត។ចំពោះ​សាច់​រឿង លោក​បានយក​លំនាំ​តាម​បទពិសោធ​ជីវិត​ផ្ទាល់ខ្លួន​ដែលរស់​នៅក្នុង​ជំរំជន​ភៀសខ្លួន​ដើម​ទសវត្សរ៍​ឆ្នាំ ១៩៩០។

ក្បែរ​ជំរំនោះ គ្រួសារ​ជួបបញ្ហា​វិបត្ដិ​ផ្លូវចិត្ដ​មួយ​ដែល​រងគ្រោះ​ពី​សោកនាដ​កម្ម​អតីត​កាល​បង្កឡើង​ដោយ​របបខ្មៅ​ងងឹត។ សមាជិក​ម្នាក់​របស់​គ្រួសារ​ចេះ​តែរត់​វង្វេង​វង្វាន់​គ្មាន​គោល​ដៅ​រហូតដល់​បានធូរ​ស្រាល​ពីអាការ​រោគ។

ក្នុង​ភាពយ​ន្ដនេះ​លោក យ៉ាឡេង សម្ដែង​ជាតួ​ឈ្មោះ​ សុភាព ដែលកើត​ជំងឺ​ផ្លូវចិត្ដ​ក្រោយ​ពីគ្រួសារ​របស់​លោក​ត្រូវបាន​សម្លាប់​ពីកុមារ​ភាព​។

លោក​មាន​មិត្ដម្នាក់​ឈ្មោះ វិចិត្រ (សម្ដែង​ដោយ​ផលិតករ​ភាពយន្ដ​ វ៉ាន់ឌី ពិសិដ្ឋ) និង​ធ្វើការ​នៅការ​ដ្ឋាន​សំណង់​ក្រុង​ភ្នំពេញ តែ​ត្រូវបាន​មិត្ដរួម​ការងារ​ និង​មនុស្ស​ជុំវិញខ្លួន​មាក់ងាយ។

Content image - Phnom Penh Post
លោក ហ៊ុយ យ៉ាឡេង ជាអ្នក​និពន្ធ និង​សម្ដែង​រឿង សង្ឃឹម​ថា​នឹង​អាច​ដាក់​បញ្ចាំង​ភាពយន្ដ​នៅ​ខែ​ធ្នូ។ ផា លីណា

វិកលចរិត» ត្រូវបាន​ថតនៅ​តាម​ទីតាំង​នានានៅ​ជុំវិញ​រាជធានី​ភ្នំពេញនៅ​ផ្សារធំ​ថ្មីវិថី​ព្រះ​មុនីវង្ស​ និង​ការិយាល័យ​ប្រៃសណីយ៍​។ នៅក្នុង​ឈុត​មួយដែល​ សុភាព​កើត​ជំងឺ​ផ្លូវចិត្ដ​ និង​ផ្ដើម​រត់​ប្រកាច់​ប្រកិន​ពេញ​ផ្សារ​នោះលោក​យ៉ាឡេង ជាតួ​អង្គ​នោះរអិល​ដួល​ស្ទើរ​តែរង​របួស​ធ្ងន់។

លោក យ៉ាឡេង បាន​និយាយ​ទាំង​អស់​សំណើច​ថា៖ «​ក្រោយពី​សម្ដែង​រឿង​នេះ ខ្ញុំយល់​កាន់តែ​ច្បាស់ពី​មូលហេតុ​ដែល​ពួកគេត្រូវ​ប្រើ​តួជំនួស​ក្នុង​ភាព​យន្ដ​ហូលីវូដ​ហើយ»។

ភាព​យន្ដ​បែប​រន្ធត់​តក់ស្លុត​រយៈ​ពេល ៩០ នាទី​ដែល​លោក យ៉ាឡេង អះអាង​ថា​ បង្កប់​នូវសារ​អប់រំ​នេះ​ចំណាយ​ពេលថត ១ ខែ​ ហើយលោក​សង្ឃឹម​ថា វានឹង​ត្រូវ​បាន​ដាក់​បញ្ចាំង​នៅ​តាមរោង​កុននានា​នៅ​ខែធ្នូ។

លោកបាន​ឲ្យដឹង​ថា៖ «​ខ្ញុំ​ផលិត​រឿង​នេះ​ឡើង​ដើម្បី​បង្ហាញ​អំពី​ជីវិត​ពិត​នៃអ្នក​កើត​ជំងឺ​ផ្លូវចិត្ត​ដែល​ត្រូវ​ការការ​ថែទាំ​យ៉ាង​យកចិត្ដ​ទុកដាក់​ ហើយ​វាអាច​ជះ​ឥទ្ធិពល​អាក្រក់​ជា​ច្រើនបើ​ពួកគេ​មិន​ទទួលបាន​ការព្យាបាល​នោះទេ​»៕HR

អត្ថបទគួរចាប់អារម្មណ៍