The Phnom Penh Post Search

Search form

Logo of Phnom Penh Post newspaper Phnom Penh Post - ផ្ទះ​កូន​ប្រសា​ស្រី​បង្រៀន​នារី​ខ្មែរ​នូវ​វិជ្ជា​ធ្វើ​ជា​កូន​ប្រសា​ដ៏ប្រពៃ




ផ្ទះ​កូន​ប្រសា​ស្រី​បង្រៀន​នារី​ខ្មែរ​នូវ​វិជ្ជា​ធ្វើ​ជា​កូន​ប្រសា​ដ៏ប្រពៃ

ស្ថាបនិក​សាលា «ផ្ទះ​កូន​ប្រសាស្រី» អ្នកនាង លឹម មូលីរតនា។
ស្ថាបនិក​សាលា «ផ្ទះ​កូន​ប្រសាស្រី» អ្នកនាង លឹម មូលីរតនា។ រូបថត Kimberley Mccosker

ផ្ទះ​កូន​ប្រសា​ស្រី​បង្រៀន​នារី​ខ្មែរ​នូវ​វិជ្ជា​ធ្វើ​ជា​កូន​ប្រសា​ដ៏ប្រពៃ

ភ្នំពេញៈ លីម មូលីរតនា ជា​ស្ថាបនិក​សាលា​ «​ផ្ទះ​កូន​ប្រសា​ស្រី​» ស្ថិត​នៅ​ផ្លូវ​លេខ​ ៤៣២ បាន​ចំណាយ​ពេល​ ១៤ ​ឆ្នាំ​ព្យាយាម​បង្ហាត់​បង្រៀន​កុមារី និង​ស្ដ្រី​ខ្មែរ​ក្នុង​ទីក្រុង​ដ៏ច្រើន​នូវ​តម្លៃ​នៃ​ជំនាញ​ដូនតា និង​សីលធម៌​សង្គម​។

ស្ដ្រី​វ័យ​ ៣៦ ​ឆ្នាំ​រូប​នេះ​បាន​ពន្យល់​ថា៖ «ថ្នាក់​រៀន​នេះ​ជា​លក្ខណៈ​​គ្រួសារ ពីព្រោះ​ខ្ញុំ​អាច​បង្រៀន​សិស្ស​ផង​ និង​ឆ្លៀត​ពេល​ថែទាំ​កូន​ទើប​សម្រាល​ផង​ដែរ​»។

បច្ចុប្បន្ន «​ផ្ទះ​កូន​ប្រសា​​ស្រី​» ហាក់បី​ដូចជា​ស្ទូឌីយោ​ទូរទស្សន៍​ជា​ជាង​ផ្ទះ​សម្បែង​សម្រាប់​រស់នៅ​។ ថ្នាក់​រៀន​ដែល​រចនា​ពណ៌​ស្រស់​ឆើតឆាយ​ និង​ធំ​ទូលាយ​មាន​តុ​ធំ​មួយ​កណ្ដាល​បន្ទប់ និង​សម្ភារ​ផ្ទះ​បាយ​សម្បូរ​បែប​នៅ​ជ្រុង​ម្ខាង​។ នៅ​ជាន់​ខាង​លើ​មាន​ហាង​សម្អាង​កាយ​ដែល​សិស្ស​អាច​រៀន​ធ្វើ​សក់ និង​ផាត់​មុខ​មាត់​ហើយ​បន្ទប់​មួយ​ផ្សេង​ទៀត​សម្រាប់​បង្រៀន​អំពី​វិធី​ម៉ាស្សា​។

អ្នកស្រី មូលីរតនា ដែល​បាន​ជួយ​ដុះ​ខាត់​ជំនាញ និង​អត្ដចរិត​របស់​ពិធីការិនី​ទូរទស្សន៍​ម្នាក់​បាន​និយាយ​​ថា​៖ «​សិស្ស​ ៩០ ​ភាគរយ​មកពី​គ្រួសារ​ស្ដុកស្ដម្ភ​។ ពួកគេ​ចង់​រៀន​ជំនាញ​ទាំងអស់ ជាពិសេស សីលធម៌ ពីព្រោះ​ពួកគេ​ស្គាល់​ច្បាស់​តម្លៃ​នៃ​ប្រពៃណី និង​ទំនៀម​ទម្លាប់​ខ្មែរ​»។

ថ្នាក់បង្រៀន​ឆ្លាក់​ផ្លែឈើ​។
ថ្នាក់បង្រៀន​ឆ្លាក់​ផ្លែឈើ​។ រូបថត Kimberley Mccosker ​​

ទទួល​ការ​អប់រំ​នៅ​ «​ផ្ទះ​កូន​ប្រសា​ស្រី​» មិន​មាន​អារម្មណ៍​ធុញ​ទ្រាន់ និង​អផ្សុក​នោះ​ដោយសារ​តែ​រៀង​រាល់​ថ្ងៃ​ពុធ​សិស្ស​ទាំងអស់​នឹង​បាន​រៀន​ជំនាញ​ឆ្លាក់​ផ្លែ​ឈើ​ និង​បន្លែ​។

អង្គុយ​ជុំវិញ​តុ​ធំ​អ្នកស្រី មូលីរតនា បាន​ជួយ​បង្ហាត់​បង្ហាញ​សិស្ស​ឆ្លាក់​ក្បាច់​ផ្កា​ និង​សរសេរ​អក្សរ​ខ្មែរ​លើ​ផ្លែ​ ការ៉ុត​ ស្វាយ និង​ខ្ញី​ជាដើម​។ ពួកគេ​មិន​ចាំបាច់​ត្រូវការ​ជំនួយ​ច្រើន​នោះ​ទេ​។ ការ​ឆ្លាក់​ផ្លែ​ឈើ​គឺជា​មុខវិជ្ជា​ពេញ​និយម​មួយ​នៅ​សាលា «​ផ្ទះ​កូន​ប្រសា​ស្រី​» ហើយ​សិស្ស​ទាំងអស់​រមែង​មក​រំឭក​ជំនាញ​នេះ​ឡើង​វិញ​។

ប្រធានបទ​សំខាន់ៗ​ដែល​អ្នកស្រី​បង្រៀន​គឺ​ផ្ដោត​លើ​សិល្បៈ​នៃ​ការ​តុបតែង​។ សិស្ស​របស់​អ្នកស្រី​​រៀន​ពី​វិធី​ធ្វើ​នំ បង្អែម​ខ្មែរ និង​ការ៉េម រៀបចំ​ផ្លែឈើ​ បត់​ក្រដាស និង​ក្រណាត់​ជូត​មាត់​ជា​រូប​ផ្សេងៗ​។ អ្នកស្រី​ក៏​​មាន​បង្រៀន​របាំ​ខ្មែរ និង​បរទេស​ ចម្អិន​ម្ហូប និង​សម្អាង​កាយ។

អ្នកស្រី​ថ្លែង​ទាំង​ទឹក​មុខ​ញញឹម​ញញែម​ថា​៖ «​សិស្ស​ខ្លះ​រៀបការ​រួច​មក​រៀន​ជាមួយ​ខ្ញុំ​ដោយ​មិន​ប្រាប់​ស្វាមី​ឡើយ។ បន្ទាប់មក នៅពេល​ពួកគេ​ធ្វើ​កិច្ចការ​ផ្ទះ​ ស្វាមី​របស់​ពួកគេ​សប្បាយ​ចិត្ដ និង​មាន​ការ​ភ្ញាក់ផ្អើល​យ៉ាង​ខ្លាំង​»។

អ្នកស្រី​បាន​ពន្យល់​ប្រាប់​ថា​ ខណៈ​ជំនាញ​សីលធម៌​​គឺជា​ប្រធានបទ​សំខាន់​បំផុត​សម្រាប់​សិស្ស​ដែល​ត្រូវ​រៀន​ ស្ដ្រី​មាន​តំណែង​នៅ​ចំ​កណ្ដាល​ផ្ទះ​ដែល​មាន​ន័យ​ថា ពួកគេ​ត្រូវ​រ៉ាប់រង​កិច្ចការ​ផ្ទះ​ចម្បងៗ​ទាំងអស់​។

អ្នកស្រី បាន​បន្ថែម​ថា​៖ «​ស្ដ្រី​ខ្លះ​ពូកែ​ខាង​ការងារ​ខាង​ក្រៅ ប៉ុន្ដែ​ពួកគេ​គ្មាន​ជំនាញ​ធ្វើ​កិច្ចការ​ផ្ទះ​ឡើយ​ ដែល​បញ្ហា​នេះ​បង្កើត​ជា​អពមង្គល​ក្នុង​គ្រួសារ​»។

អ្នកស្រី លីម មូលីរតនា លើក​ឡើង​ថា​៖ «​ពួកគេ​មិន​គួរ​គិត​ថា ពួកគេ​អាច​ចេញ​ទៅ​ទទួលទាន​ខាង​ក្រៅ​គ្រប់​ពេលវេលា​ឡើយ​។ ពួកគេ​គួរ​តែ​ដឹង​ថា​សុភមង្គល​កើតឡើង​នៅពេល​អ្នក​ចេះ​បំពេញ​កិច្ចការ​ផ្ទះ​»៕

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។