.jpg)
ក្រុងស៊ីដនី : អ្វីដែលធ្វើឲ្យផ្ទះមួយខ្នងដែលមាន ៣ បន្ទប់នៅជាយក្រុងស៊ីដនីភាគខាងលិចទទួលងារជា «ផ្ទះអព្ភូតហេតុ»។ ផេះ និងប្រេងជ្រាបតាមជញ្ជាំងជាបាតុភូតដែលអ្នកវិទ្យាសាស្ដ្រសុំគ្មានយោបល់។
ម្ចាស់ផ្ទះឈ្មោះ ចច និងលីណា តាននូស ជឿថា បាតុភូតចម្លែកនេះជាសញ្ញាពីព្រះជាម្ចាស់ដែលលោកព្រះរាជទានជាផ្ទះវេទមន្ដ។ យោងតាមប្ដីប្រពន្ធទាំង ២ ផ្ទះនេះមានអព្ភូតហេតុពិសេសក្នុងការជួយអ្នកប្រាថ្នាមានគភ៌ ទោះពេទ្យជំនាញផ្នែកវិទ្យាសាស្ដ្រអស់លទ្ធភាពយ៉ាងណាក៏ដោយ។ មានទាំងសេចក្ដីរាយការណ៍ថា ផ្ទះវេទមន្ដនេះអាចព្យាបាលជំងឺមហារីកឲ្យស្ដ្រីម្នាក់ថែមទៀតផង។
ប្រេងអាថ៌កំបាំងបានជ្រាបចេញតាមជញ្ជាំងដំបូងក្នុងឆ្នាំ២០០៨ ក្រោយពីកូនប្រុសរបស់លោក ចច និងអ្នកស្រី លីណា អាយុ ១៧ ឆ្នាំ ឈ្មោះ ម៉ៃ បានស្លាប់ដោយគ្រោះថ្នាក់ចរាចរណ៍។
ពួកកគេជឿថា ប្រេងនេះកើតពីអភីនីហារបស់កូន និងបានអះអាងថា អស់រយៈពេលជាច្រើនឆ្នាំ ព្រលឹងយុវជនរូបនេះ បានសរសេរថ្ងៃកំណើតលើជញ្ជាំងដោយប្រើប្រេងនេះ ព្រមទាំង និម្មិតរូបសាសនាគ្រឹស្ដជាច្រើនទៀត។
ប្ដីប្រពន្ធទាំងពីរ បានបន្ដថា៖ «ព្រលឹងកូនប្រុសខ្ញុំស្ថិតនៅក្នុងផ្ទះនេះ។ គាត់មកផ្ទះនេះ ហើយប្រេងលើជញ្ជាំងជាព្រលឹងរបស់គាត់»។
ថ្វីដ្បិតតែការពិសោធប្រេងត្រូវបានធ្វើឡើងជាច្រើនឆ្នាំយ៉ាងណាក៏ដោយ ក៏គ្មានការពន្យល់ជាក់លាក់អំពីប្រភពប្រេងនោះឡើយ។ អ្វីដែលបានរកឃើញនោះគឺ ថា វាមានជាតិទឹក មាស និងសារធាតុអ៊ុយរ៉ានីញ៉ូមក្នុងកម្រិតទាបបំផុត។
អព្ភូតហេតុសំខាន់មួយគឺថា មានស្ដ្រីម្នាក់ ដែលមានផ្ទៃពោះកូនទី ៣ ក្រោយពីបែរបន់នៅទីនោះ ទោះវេជ្ជបណ្ឌិតនៅតែទទូចថា ដំណើរមានគភ៌នោះពិតជាសមទំនងសោះ។
ការពិតគឺថា ប្ដីប្រពន្ធអូស្ដ្រាលីទាំងពីរ មិនបានប្រើផ្ទះវេទមន្ដនេះដើម្បីរកចំណូល ឬទាក់ទាញចំណាប់អារម្មណ៍អ្នកណាឡើយ ហើយពួកគេថែមទាំងបដិសេធមិនផ្ដល់បទសម្ភាសអស់រយៈពេលជាច្រើនឆ្នាំហើយ៕ HR
ប្រភព៖ odditycentral.com
