The Phnom Penh Post Search

Search form




Logo of Phnom Penh Post newspaper Phnom Penh Post - ផ្ទះ​សត្វចាប​នៅ​កាណាដា​ម៉ូដ​ទំនើប​អស្ចារ្យ​មាន​បន្ទប់​ដល់​៧០

ផ្ទះ​សត្វចាប​នៅ​កាណាដា​ម៉ូដ​ទំនើប​អស្ចារ្យ​មាន​បន្ទប់​ដល់​៧០

ផ្ទះ​សត្វចាប​នៅ​កាណាដា​ម៉ូដ​ទំនើប​អស្ចារ្យ​មាន​បន្ទប់​ដល់​៧០

ក្រុងអនតារីយ៉ូ: សំណង់​ប្រាសាទ​បុរាណ​នៅលើ​ដើមឈើ​មាន​បន្ទប់​តូចៗ​ចំនួន​៧០ និង​មាន​ការ​បំពាក់​អំពូល​ភ្លើង​ប្រើ​ចរន្តអគ្គិសនី​ដូច​លោក​អ្នក​បាន ឃើញ​ក្នុង​រូប​នេះ គឺជា​ជម្រក​សត្វ​ចាប ឬ​បណ្ដា​សត្វ​បក្សាបក្សី​ដ៏​ល្អ​វិសេសវិសាល​កម្រ​មាន​នៅលើ​លោក។

​​ជម្រក​​​ចាប​ស្អាត​បំផុតក្នុងលោក​មាន​៧០​បន្ទប់។
​​ជម្រក​​​ចាប​ស្អាត​បំផុតក្នុងលោក​មាន​៧០​បន្ទប់។

តាមរយៈ​សំណង់​ប្រាសាទ​លើ​ដើមឈើ​នេះ​អ្នក​និពន្ធ អាននី ស្មូស បាន​ប្រមែប្រមូល​ថត​ជាច្រើន​ដើម្បី​ដាក់​បញ្ចូល​ទៅក្នុង​កម្រង​សៀវភៅ ដែល​មាន​ចំណងជើង​ថា ផ្ទះ​បក្សី​ដ៏​អស្ចារ្យ​នៅក្នុង​លោក (Birdhouses of the World) ថ្មី​របស់​គាត់​ផង​ដែរ។ សៀវភៅ​នេះ​បាន​ចុះ​ផ្សាយ​នូវ​រូបភាព​ជម្រក​សត្វចាប​ដ៏ស្រស់ស្អាត​ជាច្រើន​នៅ​ទូទាំង​ពិភពលោក តួយ៉ាង​ដូចជា ជម្រក​សត្វ​ស្លាប​ប្រកប​ដោយ​ក្បូរក្បាច់​គួរ​ឲ្យ​ទាក់ទាញ​ដែល​ត្រូវ​បាន គេ​ប្រទះ​ឃើញ​មាន​នៅ​ទឹកដី​កាណាដា សហរដ្ឋអាមេរិក ដាណឺម៉ាក និង​ជប៉ុន​។

ចំពោះ​រូប​ទាំងនេះ​ភាគច្រើន​ត្រូវ​បាន​អ្នក​ថតរូប ចចឡូកាស ផ្តិត​យក​មកពី​តំបន់​ស្កាយវ៉កឃើរ​ក្នុង​ក្រុង​វីលមីនតុន​នៃ​រដ្ឋ​ដេឡាវើរ សហរដ្ឋអាមេរិក។ ចំណែក​សំណង់​ប្រាសាទ​ជា​ជម្រក​សត្វ​ស្លាប​បែលគ្រេវអ៊ីន​(Belgrave Inn) នៅឯ​រដ្ឋ​អនតារីយ៉ូ ប្រទេស​កាណាដា​នោះ​ក៏​មាន​បន្ទប់​តូចៗ​ចំនួន​៧០​បន្ទប់​ដែរ ហើយ​វា​ក៏​មាន​ក្បូរក្បាច់​រចនា​យ៉ាង​លម្អិត​ផង​ដែរ។

ផ្ទះ​សត្វ​ចាប​នៅក្នុង​ក្រុង​កូម៉ូរ៉ូ​នៃ​ប្រទេស​ជប៉ុន​នេះ​មាន​ទម្ងន់​៤៥៣,៥​គីឡូក្រាម។

អ្នកនិពន្ធ អាននី ស្មូស មកពី​រដ្ឋ​ញូវម៉ិកស៊ីកូ​សហរដ្ឋអាមេរិក​នោះ ក៏​បាន​បង្កើត​ផ្ទះ​សត្វ​បក្សាបក្សី​របស់​ខ្លួន​មួយ​មាន​ឈ្មោះ​ថា Wild Birds Unlimited ហើយ​កញ្ញា​ក៏​បាន​ចងក្រង​រូបភាព​ផ្ទះ​បក្សី​ជុំវិញ​ពិភពលោក​ដែល​មាន​ការរចនា​គួរ​ឲ្យ​ស្ងើចសរសើរ​ផង​ដែរ៕

អត្ថបទគួរចាប់អារម្មណ៍