.jpg)
ក្រុងបាងកក: ខណៈដែលក្រុងបាងកកចាប់ផ្ដើមបើកដំណើរការហាងលក់ទំនិញ កន្លែងកម្សាន្ត និងទីប្រជុំជនជាហូរហែ ផ្សារលក់វត្ថុមន្តអាគម និងយ័ន្តកថា ក៏ល្បីល្បាញនៅក្រុងបាងកក ក៏បានចាប់ផ្ដើមបើកទ្វារស្វាគមន៍អតិថិជនស្វែងរកជំនួយផ្លូវងងឹងឡើងវិញផងដែរ។
ពលរដ្ឋថៃ ដែលជួបហានិភ័យការងារ ឬប្រាថ្នារបររកស៊ីកាក់កប នាំគ្នាមកជាវវត្ថុស័ក្ដិសិទ្ធិនៅទីនេះ។
មុនពេលមានការផ្ទុះវីរុសកូរ៉ូណា ផ្សារអាគមនេះក៏ជាទី ដែលភ្ញៀវទេសចរបរទេសនិយមមកទស្សនា និងស្វែងយល់ពីជំនឿផ្លូវងងឹតនៅអាស៊ីអាគ្នេយ៍ផងដែរ។
ដោយស្គាល់ជា ផ្សារអាគម នៅតាមរបៀងផ្សារ ដែលតាំងគ្រឿងស័ក្ដិសិទ្ធិគ្រប់មុខ ទីនេះមានលក់ទំនិញរាប់ចាប់ពីគ្រឿងអលង្ការពិសិដ្ឋរាប់ពាន់ប្រភេទ ដែលត្រូវបានពលរដ្ឋថៃមានជំនឿថា មានអានុភាពបារមីការពារខ្លួន។
ពលរដ្ឋថៃដែលកាន់ពុទ្ធសាសនា លាយឡំនឹងជំនឿផ្លូវងងឹង ជឿថា វត្ថុទាំងនេះមានអាគមការពារខ្លួនដ៏ពិតប្រាកដ ហើយវត្ថុស័ក្ដិសិទ្ធិនីមួយៗសុទ្ធតែមានលក្ខណៈខុសប្លែកគ្នា។
ក្នុងនោះ វត្ថុខ្លះត្រូវបានគេជឿថាដើរតួនាទីបណ្ដេញខ្មោចព្រាយបិសាចទាំងនៅបរិស្ថានជុំវិញ និងពីរាងកាយ។
ផ្សារអាគមពោរពេញទៅដោយក្រុមមនុស្សដើរ អតិថិជនស្វែងរកវត្ថុជំនឿផ្សេងៗ ដូចជា បណ្ដោងចែកាច់ ព្រះពុទ្ធរូប ឬចម្លាក់ដែលទំនងជាមានអានុភាពការពារចាប់ពីផលដំណាំ នាំភាពចម្រុងចម្រើន និងសុខុមាលភាពល្អ។
អ្នកខ្លះអះអាងថា ក្នុងវត្ថុទាំងនោះមានបំណែករបស់អារាមពិសិដ្ឋមកតាំងពីឆ្ងាយសែនឆ្ងាយ ដូចជា ល្អងធូបសេសសល់ និងយ័ន្ដពីព្រះសង្ឃជាដើម។
យ័ន្ដអាចជាទម្រង់ព្រះធម៌ព្រះពុទ្ធសាសនានៅលើឆ្អឹង បណ្ដោង ចម្លាក់ឈើ ចម្លាក់លិង្គស្ពាន់ ឬថែមទាំងកម្ទេចកម្ទីពីសរីរាង្គមនុស្សពិតៗ ដូចជា សក់ជាដើម។
សមាសធាតុទាំងអស់នេះត្រូវបានផ្សែផ្សំដើម្បីបង្កើតបានជានិម្មិតរូបសំណាងល្អ ដែលមានសមត្ថភាពការពារបុរសថៃកំពុងធ្វើការងារពីហេតុការណ៍អាក្រក់ៗកើតឡើងជាយថាហេតុ។
នៅផ្សារអាគម អត់មានគ្រូអាគមនៅក្បែរៗនោះ ដើម្បីជួយណែនាំ ឬទស្សន៍ទាយពីជោគវាសនាអនាគតអ្វីឡើយ។
វាអាស្រ័យលើបុគ្គលម្នាក់ៗថា តើពួកគេព្យាយាមស្វះស្វែងរកវត្ថុស័ក្ដិសិទ្ធិបែបណា បំពេញទៅតាមតម្រូវការរបស់ខ្លួន។
វត្ថុស័ក្ដិសិទ្ធិអាចមានតម្លៃថោកត្រឹម ៥ បាត ឬប្រមាណ ៦៥០ រៀល (តម្លៃថោកជាងការបង់ថ្លៃប្រើបន្ទប់ទឹកម្ដងផង) រហូតដល់រាប់រយបាត។
តម្លៃកម្រត្រូវបានដាក់បង្ហាញណាស់ ពីព្រោះវាស្រេចតែនៅលើការតថ្លៃគ្នា៕ HR
