The Phnom Penh Post Search

Search form




Logo of Phnom Penh Post newspaper Phnom Penh Post - ពិធី​បុណ្យ​​​កាប់​ជ្រូក​បូជា​​​ប្រពៃណី​តៃវ៉ាន់​ ខ្សត់​ខ្សោយ​អ្នក​ចូលរួម​




ពិធី​បុណ្យ​​​កាប់​ជ្រូក​បូជា​​​ប្រពៃណី​តៃវ៉ាន់​ ខ្សត់​ខ្សោយ​អ្នក​ចូលរួម​

Content image - Phnom Penh Post
​​ជ្រូក​ឈ្នះពានរង្វាន់​មានទម្ងន់ដល់​ ៨៦០ គីឡូក្រាម​។ រូបថត AFP

ពិធី​បុណ្យ​​​កាប់​ជ្រូក​បូជា​​​ប្រពៃណី​តៃវ៉ាន់​ ខ្សត់​ខ្សោយ​អ្នក​ចូលរួម​

ក្រុង​ហ្ស៊ីងជូ៖ ពិធី​បុណ្យ​នៅ​តៃវ៉ាន់ ដែល​សត្វ​ជ្រូក​ធំៗ​ត្រូវ​បាន​កាប់​សាច់​តាំង​បង្ហាញ ​ឆ្នាំ​នេះ​​បាន​ទាក់ទាញ​មនុស្ស​ម្នា​តិចតួច​មក​ចូលរួម ខណៈ​ដែល​ក្រុម​អ្នក​តស៊ូ​មតិ​ការពារ​សិទ្ធិ​សត្វ​​បាន​បញ្ជ្រាប​ផ្នត់​គំនិត​​ពី​ការ​គោរព​សត្វ ​បន្សាប​​ប្រពៃណី​ដ៏​ចម្រូង​ចម្រាស​នេះ។

ពិធី​បុណ្យ​ប្រពៃណី​​ប្រចាំ​ឆ្នាំ​ ត្រូវ​​បាន​ប្រារព្ធ​ឡើង​ដោយ​សហគមន៍​​នៅ​កោះ Hakka ដែល​​មាន​ចំនួន​​ស្មើ​នឹង ១៥ ភាគរយ ​នៃ​ចំនួន​ប្រជាជន​សរុប​នៅ​តៃវ៉ាន់។ ​ការ​អនុវត្ត​ប្រពៃណី​​នេះ​​ត្រូវ​បាន​ក្លាយ​ពី​ ​១ ​ជំនាន់ ទៅ ​១ ជំនាន់។

ក្រុម​គ្រួសារ​នៅ​សហគមន៍​កោះ Hakka មាន​ទម្លាប់​ប្រកួត​​គ្នា​កាប់​ជ្រូក​ខ្នាត​ធំ​ និង​​ដាក់​តាំង​បង្ហាញ​ការ​ប្រកួត​គ្នា​ ដោយ​​អ្នក​ឈ្នះ​នឹង​វិល​ត្រឡប់​ទៅ​ផ្ទះ​វិញ​ជាមួយ​ពាន​រង្វាន់​​​។

នៅ​ក្នុង​ពិធី​បុណ្យ​​កាប់​ជ្រូក​បូជា​តាម​ប្រពៃណី​នេះ តន្ត្រី​បុរាណ​ត្រូវ​បាន​ប្រគំ​​ដោយ​សំឡេង​​គោះគង និង​ផ្លុំ​ស្នែង​។

Content image - Phnom Penh Post
ទិដ្ឋភាព​ក្នុង​​ពិធីបុណ្យ​កាប់ជ្រូក​បូជា​តាមប្រពៃណី​សហគមន៍​នៅកោះតៃវ៉ាន់​។ រូបថត AFP

ឆ្នាំ​នេះ​ពិធីបុណ្យ​កាប់​ជ្រូក​បូជា​​ត្រូវ​បាន​ធ្វើ​ឡើង​ចំ​ថ្ងៃ​ចន្ទ ដោយ​មាន​សត្វ​ជ្រូក​ខ្នាត​ធំ ១៨ ក្បាល ត្រូវ​បាន​កាប់​ និង​ដឹក​​ទៅ​កាន់​អារាម​ Hsinpu Yimin ភាគ​ខាង​ជើង​​កោះ។

សត្វ​​ជ្រូក​ដែល​មាន​ទម្ងន់​ធ្ងន់​ជាង​​គេ​ និង​ត្រូវ​បាន​កាប់​សាច់​ក្នុង​​ពិធី​បុណ្យ​ឆ្នាំ​នេះ មាន​ទម្ងន់​ដល់​ទៅ ៨៦០ គីឡូក្រាម ស្មើ​នឹង ​៣ ​ដង​នៃ​ទម្ងន់​ជ្រូក​ទូទៅ។

ជ្រូក​ដែល​កាប់​សាច់​រួច​ត្រូវ​បាន​ព្យួរ​ក្បាល​ចុះ​ក្រោម ដោយ​​មាត់​វា​មាន​ញាត់​ផ្លែ​ម្នាស់ ដើម្បី​​​តាំង​បង្ហាញ​​ដល់​អ្នក​ចូលរួម។

ក្រោយ​បញ្ចប់​ពិធី​បុណ្យ ជ្រូក​ងាប់​ត្រូវ​បាន​ម្ចាស់​វា​នាំ​ត្រឡប់​ទៅ​​ផ្ទះ​វិញ ដើម្បី​កាប់​សាច់​ចែក​ញាតិ​មិត្ត និង​អ្នក​ជិត​ខាង។

លោក សឹង ចេយុន ដែល​បាន​ចូលរួម​ប្រកួត​​​កាប់​ជ្រូក​ឆ្នាំ​នេះ​បាន​ចំណាយ​ពេល ៣ ឆ្នាំ ប៉ូវ​សត្វ​ជ្រូក​ដែល​ខ្លួន​ចិញ្ចឹម រហូត​ដល់​មាន​ទម្ងន់ ៤០០ គីឡូក្រាម។

Content image - Phnom Penh Post
អ្នកចូលរួម​ពាក់ម៉ាស់ និងមាន​ចំនួនតិច​ជាងមុនច្រើន។ រូបថត AFP

ការ​កាប់​ជ្រូក​ដ៏​ធាត់ ​១ ​ក្បាល​​ ​ដើម្បី​បូជា​​នេះ ជា​​កិច្ច​បំពេញ​បំណង​លោក​យាយ​វ័យ ៨៦ ​ឆ្នាំ​របស់​លោក។

លោក​បាន​ប្រាប់​ទីភ្នាក់ងារ AFP ថា៖ «ក្នុង​នាម​ជា​​សហគមន៍​កោះ Hakka ខ្ញុំ​ពិត​ជា​មាន​មោទនភាព​ណាស់​ដែល​ជនជាតិ​យើង​មាន​វប្បធម៌​ដ៏​សម្បូរ​បែប​នេះ ហើយ​វា​ពិត​ជា​មាន​តម្លៃ​ក្នុង​ការ​ថែរក្សា​បន្ត​ទៅ​ទៀត»។

លោក​បាន​លើក​ឡើង​ថា៖ «អ្វី​​ដែល​ជា​ក្ដី​បារម្ភ​របស់​ក្រុម​តស៊ូ​មតិ​ការពារ​សិទ្ធិ​សត្វ​នោះ ពិត​ជា​មិន​សម​ស្រប​សោះ»។

លោក​បញ្ជាក់​ទៀត​ថា៖ «វា​មិនមែន​ជា​អំពើ​ព្រៃផ្សៃ​អី​លើ​សត្វ ដូច​ពាក្យ​ចចាម​អារ៉ាម​ដែល​ផ្សព្វផ្សាយ​ឥត​ការ​ពិត​នោះ​ឡើយ»៕ AFP

អត្ថបទគួរចាប់អារម្មណ៍

  • ភ្នំពេញ៖ រដ្ឋមន្ត្រី​ក្រសួង​យុត្តិធម៌​លោក​ កើត ​រិទ្ធ​ បាន​ប្រាប់​ឯកអគ្គ​រាជទូត​អូស្ត្រាលី​លោក ​Pablo​ Kang ​នៅ​ក្នុង​ជំនួប​កាល​ពី​ថ្ងៃ​អង្គារ នៅ​ក្រសួង​យុត្តិធម៌​ថា​ ការ​ចាប់​ខ្លួន​បុគ្គល​ណា​មួយ​ដោយ​សមត្ថកិច្ច គឺ​ធ្វើ​ទ្បើង​ដោយ​អនុលោម​តាម​ច្បាប់​​កម្ពុជា។​

  • ភ្នំពេញ៖ ដោយ​សង្កេត​ឃើញ​ពី​ការ​ប្រឈម​របស់​​ប្រជាកសិករ​កម្ពុជា​​មួយ​ចំនួន​ ជាពិសេស​អ្នក​នៅ​ទី​ដាច់​ស្រយាល​ ដែល​បាត់បង់​ទីផ្សារ​​​​ព្រោះ​តែ​វិបត្តិ​កូវីដ យុវជន ​១ ក្រុម ​បាន​រួមគ្នា​បង្កើត​គម្រោង​ COVID Farmer Hacker ដើម្បី​ជួយ​​អ្នក​ខិតខំ​ដាំដុះ​តែ​ត្រូវ​រងគ្រោះ​ពី​ការ​រំខាន​ដល់​​​សេដ្ឋកិច្ច​​បង្ក​ដោយ​វីរុស​កូរ៉ូណា។​

  • ភ្នំពេញ៖ គ្រឹះស្ថាន​មីក្រូហិរញ្ញវត្ថុ ប្រាសាក់ ​​ដែល​ចុះ​បញ្ជី​សញ្ញាប័ណ្ណ​សាជីវកម្ម​នៅ​ផ្សារ​មូលបត្រ​កម្ពុជា ​(CSX) បាន​រាយការណ៍​អំពី​ប្រតិបត្តិការ​អាជីវកម្ម​ដ៏​ល្អ​ប្រសើរ​នៅ​ត្រីមាស​ទី​២ ​ឆ្នាំ​នេះ ទោះបី​ជា​​ខ្លួន​ទទួល​រង​នូវ​សម្ពាធ​ខ្លះៗ​ពី​ការ​រីក​រាលដាល​ជំងឺ​កូវីដ ​១៩ ​ដែល​បណ្ដាល​ឱ្យ​សេដ្ឋកិច្ច​របស់​កម្ពុជា មាន​ការ​ធ្លាក់ចុះ​ក៏​ដោយ​។​

  • ភ្នំពេញ៖ ​លោកស្រី​ ​ភឿង​ សកុណា ​រដ្ឋមន្រ្តី​ក្រសួង​វប្បធម៌​ និង​វិចិត្រ​សិល្បៈ​បាន​ចេញ​សេចក្ដី​ណែនាំ​ដល់​គ្រប់​អង្គភាព​ពាក់ព័ន្ធ​ក្រោម​ឱវាទ​ក្រសួង​វប្បធម៌ ​និង​គ្រប់​រដ្ឋបាល​ថ្នាក់​ក្រោម​ជាតិ ​អនុវត្ត​នីតិវិធី​ និង​ទម្រង់​បែបបទ​នៃ​ការ​គ្រប់គ្រង​អាជីវកម្ម​កាត់សក់​ ​អ៊ុត​សក់​ និង​លម្អ​ក្រចក

  • ភ្នំពេញ៖ ​រដ្ឋមន្រ្តី​ក្រសួង​សុខាភិបាល​លោក ​ម៉ម​ ប៊ុន​ហេង បាន​ជំរុញ​ឱ្យ​គ្រប់​ភាគី​ពាក់ព័ន្ធ​ទាំង​អស់​ ដែល​ធ្វើ​ការ​ផ្នែក​គាំពារ​មាតា​ និង​ទារក​ ត្រូវ​​បង្កើន​យុទ្ធនាការ​អប់រំ​ផ្សព្វផ្សាយ​អំពី​សារៈសំខាន់​នៃ​ការ​បំបៅ​កូន​ដោយ​ទឹក​ដោះ​ម្តាយ​ និង​ហានិភ័យ​ពី​ការ​បំបៅ​កូន​ដោយ​ទឹក​ដោះ​គោ​ម្សៅ​ផ្សំ​តាម​រូបមន្ត​ទាំង​នៅ​ថ្នាក់​ជាតិ​ និង​ថ្នាក់​ក្រោម​ជាតិ។

  • មណ្ឌលគិរី៖ សាលា​ដំបូង​ខេត្ត​មណ្ឌលគិរី ពី​ម្សិលមិញ​បាន​សម្រេច​ឃុំ​ខ្លួន​ចាងហ្វាង​សារព័ត៌មាន​អនឡាញ​ម្នាក់​នៅ​ពន្ធនាគារ​​ខេត្ត​ក្រោម​បទ​ចោទ ​«ឈូស​ឆាយ​ដី​ព្រៃ​ដោយ​គ្មាន​ការ​អនុញ្ញាត​» បន្ទាប់​ពី​សមត្ថកិច្ច​ឃាត់​ខ្លួន​កាល​ពី​​ថ្ងៃទី ២២ កញ្ញា ​តាម​ដីកា​តុលាការ​ពាក់ព័ន្ធ​ការ​ឈូស​ឆាយ​ដី​ព្រៃ ​និង​ប្រើប្រាស់​សារធាតុ​ញៀន។