The Phnom Penh Post Search

Search form




Logo of Phnom Penh Post newspaper Phnom Penh Post - ពិព័រណ៍​រូបថត​វិស័យ​ម៉ូដ ​ប្រារឰ​នៅ​វិទ្យាស្ថាន​បារាំង​ចុង​ខែ​នេះ​




ពិព័រណ៍​រូបថត​វិស័យ​ម៉ូដ ​ប្រារឰ​នៅ​វិទ្យាស្ថាន​បារាំង​ចុង​ខែ​នេះ​

Content image - Phnom Penh Post
រូបម៉ូដ​សម្លៀក​បំពាក់​ដ៏​ស្រស់​ស្អាត និង​ប្លែក​ ដែល​នឹងត្រូវ​យក​ទៅ​ដាក់​តាំង​ពិព័រណ៍​នៅ​វិទ្យាស្ថាន​។ រូប សហការី

ពិព័រណ៍​រូបថត​វិស័យ​ម៉ូដ ​ប្រារឰ​នៅ​វិទ្យាស្ថាន​បារាំង​ចុង​ខែ​នេះ​

ភ្នំពេញៈ ពិព័រណ៍​រូបថត​ដែល​ស្តីពី «​វិស័យ​ម៉ូដ» រួមមាន​ម៉ូដ​សម្លៀក​បំពាក់ ម៉ូដសក់ និង​ការ​តុបតែង​មុខមាត់ ជាមួយ​នឹង​ក្រុម​អ្នកជំនាញជា​ជាតិ​ខ្មែរ និង​បរទេស​ នឹងធ្វើ​នៅ​ឯ​វិទ្យាស្ថាន​បារាំង ចាប់ពី​ថ្ងៃទី ៣០ ខែ​មេសា​ រហូត​ដល់​ថ្ងៃទី ២២ ខែ​ឧសភា​ ឆ្នាំ ២០១៦​ ខាង​មុខ អាច​ចូលទស្សនា ដោយ​សេរី​ចាប់ពី​ម៉ោង ៥ ល្ងាច​តទៅ។​

លោក ព្យែរ អាណានូ បុគ្គលិក​ផ្នែក​ទំនាក់​ទំនង​ព័ត៌មាន​នៃ​វិទ្យាស្ថាន​បារាំង​ បាន​បង្ហើប​ឲ្យដឹង​ថា៖ «​នា​ដើម​ខែមេសា​នេះ វិទ្យា​ស្ថាន​បារាំងនៅ​កម្ពុជា​ និង​អាកាស​យានដ្ឋាន​កម្ពុជា បាន​អញ្ជើញ​អ្នក​ថត​ជំនាញ​មកពី​បារាំង​គឺ​អ្នកស្រី​ ឡូ វ៉ាស្តូនី មកភ្នំពេញ​ដើម្បី​ធ្វើការ​ជាមួយ​ក្រុម​និស្សិត​ចំនួន ៧ រូប​ របស់​ក្រុម​និស្សិត​ថតរូប​ខ្មែរ​ឈ្មោះថា Studio Images សម្រាប់​ប្រធាន​បទ​ដ៏សំខាន់​មួយ​ស្តីពី​វិស័យ​ម៉ូដ។ យើង​ធ្វើ​ឡើង​ក្នុង​គោល​បំណង​ផ្តួច​ផ្តើម​ណែនាំ​សិស្ស​និស្សិត​ទាំងនេះ បានស្គាល់​​អំពី​វិស័យ​ម៉ូដ កាន់​តែ​ច្បាស់​ដោយសារ​មានការ​ចូលរួម​ពីសំណាក់​លោក ឯម រៀម ជា​វិចិត្រករ​ និង​អ្នកច្នៃ​ម៉ូដខ្មែរ និង​លោក អេរិក រ៉េស៊ីណា​ ជាអ្នក​ជំនាញ​បរទេស ដែល​ពួកគាត់​គឺសុទ្ធ​តែ​ល្បី​ឈ្មោះ​នៅ​កម្ពុជា និង​ឆាក​អន្តរជាតិ»។

Content image - Phnom Penh Post
រូបម៉ូដ​សម្លៀក​បំពាក់​សិល្បៈ​រុំប្លា​ស្ទិក​ខ្ចប់​អីវ៉ាន់​។ រូប សហការី

និស្សិត​ក្រុម​ Studio Images ទាំង ៧ រូបរួម​មាន លឹម សុខេង ព្រីង ព្រហ្ម​សុ​វណ្ណហ៊ាង សុខ អេឡេណូ័រ សួន សាយ័ន ហួត វុទ្ធី ជិន ប្រសិទ្ធិ និង​និស្សិត​ ខៀវ កាណែល​ ដោយ​ពួកគេ​នឹង​អាច​សំណេះ​សំណាល​ដើម្បី​ចែក​រំលែកជាមួយ​នឹងក្រុម​អ្នកជំនាញ​ផ្នែក​វិស័យ​ម៉ូដ​ និងមាន​ក្រុម​តារា​បង្ហាញ​ម៉ូដ​ផងដែរ។​

លោក ព្យែរ អាណានូ បន្ត​ថា៖ «និស្សិត​ទាំង​នេះ នឹង​មាន​ឱកាស​បង្កើន​នូវ​ការយល់​ដឹង​ពី​បច្ចេក​ទេស​ថតរូប​លើ​វិស័យម៉ូដ​នានា និងអាច​ចែក​រំលែក​នូវអ្វី​ជា​ទស្សន​វិស័យ​ផ្នែកនេះ​ផ្ទាល់ខ្លួន​ពួកគេ​ជាមួយ​នឹងអ្នក​ស្រី ឡូ វ៉ាស្តូនី ផង​ដែរ»។

កម្រង​ស្នាដៃ​រូបថត​ដ៏ស្អាត​របស់​អ្នក​ស្រី ឡូ វ៉ាស្តូនី ជា​ច្រើន​រួមមាន​ Souvenirs du Futur, Faux-Frere, Traqueuse de Fantomes ជា​ដើម​នោះត្រូវ​បាន​គេ​ចុះផ្សាយ​ចំនួន​បួន​ប្រាំលើក​ឯណោះ​នៅ​ប្រទេស​បារាំង និង​បណ្តាទី​ក្រុង​ផ្សេងៗ​ទៀត​ដូចជា​នៅទី​ក្រុង​បាសេឡូណា នៅ​ប្រទេស​អេស្ប៉ាញ នៅ​ទីក្រុង​រ៉ូតធឺដាម ប្រទេស​ហូឡង់ ទី​ក្រុង​បូណេស អៃស៍ ប្រទេស​អាហ្សង់ទីន និង​ទី​ក្រុង​ម៉ូស្គូ​ប្រទេស​រុស្ស៊ី។

ការ​តាំង​ពិព័រណ៍​រូបថត​ស្តីពី​ «វិស័យ​ម៉ូដ»​ ក៏មាន​ការ​ចូលរួម​សហការ​ជាមួយ​នឹង​ក្រុមហ៊ុន Yves Rocher អ្នក​ជំនាញ​តុបតែង​មុខ និង​សក់​ និង​អាកាសយាន​ដ្ឋាន​កម្ពុជា​ផងដែរ៕

អត្ថបទគួរចាប់អារម្មណ៍