The Phnom Penh Post Search

Search form




Logo of Phnom Penh Post newspaper Phnom Penh Post - ពិព័រណ៍ Travel Fair ឆ្នាំ​២០១៥ ​នៅ​អ៊ីអនម៉ល

ពិព័រណ៍ Travel Fair ឆ្នាំ​២០១៥ ​នៅ​អ៊ីអនម៉ល

បណ្ដា​ភ្ញៀវ​សាកសួរ​ព័ត៌មាននៅ​កម្មវិធីពិព័រណ៍ផ្សារ​ទំនើប​អីុអន​ម៉ល​​។
បណ្ដា​ភ្ញៀវ​សាកសួរ​ព័ត៌មាននៅ​កម្មវិធីពិព័រណ៍ផ្សារ​ទំនើប​អីុអន​ម៉ល​​។

ពិព័រណ៍ Travel Fair ឆ្នាំ​២០១៥ ​នៅ​អ៊ីអនម៉ល

សម្រាប់​អ្នក​ដែល​មាន​គម្រោង​ទៅ​កម្សាន្ត​នៅ​បរទេស នេះ​ជា​ឱកាស​ដ៏​ល្អ​ហើយ ព្រោះ​អាកាសចរណ៍​ល្បីៗ និង​ក្រុមហ៊ុន H.I.S. (Cambodia) នៅ​ប្រទេស​កម្ពុជា​កំពុង​តែ​ផ្ដល់​នូវ​កញ្ចប់​ធ្វើ​ដំណើរ​ពិសេស​នៅ​ក្នុង​កម្មវិធី​ពិព័រណ៍​ការ​ធ្វើដំណើរ​តាម​ជើង​ហោះ ហើរ​ឆ្នាំ​២០១៥ ឯ​ផ្សារ​ទំនើប​អ៊ីអនម៉ល ​(AEON Mall travel Fair) ដែល​ប្រព្រឹត្ត​ទៅ​ចាប់ពី​ថ្ងៃ​ទី​ ១៩ ដល់ ​២៥ ខែ​មករា ឆ្នាំ​២០១៥។

សហការ​ជាមួយ​ទីភ្នាក់ងារ ផ្សាយ​ពាណិជ្ជកម្ម​ IdeaFactory ផ្សារ​ទំនើប​អ៊ីអន​ម៉ល ​បាន​រៀបចំ​កម្មវិធី​ពិព័រណ៍​នេះ​ឡើង​ដោយ​មាន​ការ​គាំទ្រ​ពី​អាកាសចរណ៍​ធំៗ​ដូចជា Dragon Air និង Cathay Pacific Airways របស់​ហុងកុង Bangkok Airways របស់​ថៃ​ជា​ដើម។

អាកាសចរណ៍​ហុងកុង​ចំនួន​ពីរ​ខាង​លើ​នេះ មាន​ជើង​ហោះ​ហើរ​ទៅ​កាន់​១៩០​ទិសដៅ​ជុំវិញ​ពិភពលោក ហើយ​ជា​រៀង​រាល់​សប្ដាហ៍ អាកាសចរណ៍​នេះ​បាន​ជើង​ហោះហើរ​ចំនួន ​១២​ ចេញ​ពី​ភ្នំពេញ​ទៅ​កាន់​ក្រុង​ហុងកុង និង​៧​ជើង​ហោះ​ហើរ​ទៀត​ផ្សារ​ភ្ជាប់​ក្រុង​សៀមរាប​អង្គរ​ទៅ​កាន់​ទីក្រុង​ ហុងកុង។ ចាប់​ពី​ថ្ងៃ​នេះ​រហូត​ដល់​ថ្ងៃ​ទី​ ២៥ ខែ​មករា ឆ្នាំ​២០១៥ រាល់​ការ​ជាវ​សំបុត្រ​យន្តហោះ និង​ទទួល​បាន​កាដូ ព្រមទាំង​ឱកាស​ឈ្នះ​រង្វាន់​ជា​សំបុត្រ​យន្តហោះ​ចំនួន​ពីរ​ផង​ដែរ។

ចំពោះ​អាកាសចរណ៍​បាងកក​អ៊ែរវេ​ដែល​ធ្វើ​ប្រតិបត្តិការ​ហោះ​ហើរ​នៅ​ប្រទេស​ថៃ ភូមា ឡាវ កម្ពុជា វៀតណាម ម៉ាឡេស៊ី សិង្ហបុរី ចិន និង​ជប៉ុន​ វិញ​ក៏​បាន​ត្រៀម​នូវ​កម្មវិធី​ឲ្យ​អ្នក ដំណើរ​ក្លាយ​ជា​សមាជិក​របស់ ខ្លួន​ដើម្បី​ទទួល​បាន​នូវ​អត្ថប្រយោជន៍​ជា​ច្រើន​ផង​ដែរ។ សមាជិក​ថ្មី​របស់​បាងកក​អ៊ែរវេ នឹង​ទទួល​បាន​សិទិ្ធ​ធ្វើ​ដំណើរ​ជាមួយ​នឹង​វ៉ាលិស​ទម្ងន់​១០​គីឡូ ក្រាម​​ច្រើន​ជាង​ធម្មតា ក៏​ដូច​ជា​ការ​បញ្ចុះ​តម្លៃ​ពិសេស។

នៅ​ពេល​ដែល​សមាជិក​​ជាវ​សំបុត្រ​ហោះហើរ​រហូត​ទទួល​ ២៥០​ ពិន្ទុ​ក្នុង​មួយ​ឆ្នាំ​​នោះ​ ពួក​គេ​នឹង​ក្លាយ​ជា​សមា​ជិក​លំដាប់​ខ្ពស់ ដែល​អាច​ចូល​ទៅ​ប្រើប្រាស់​បន្ទប់​ដ៏​ប្រណីត Blue Ribbon Club នៃ​អាកាសយានដ្ឋាន​សុវណ្ណភូមិ​ក្រុង​បាងកក ក៏​ដូច​ជា​ការ​ធ្វើ​ដំណើរ​ជាមួយ​នឹង​វ៉ាលិស​ទម្ងន់​២០​គីឡូក្រាម​ច្រើន​ជាង​ការ​កំណត់​ធម្មតា។​

គួរ​បញ្ជាក់​ថា សេវាកម្ម​ Blue Ribbon Club ដ៏​កាលីប​មាន​អំពូល​រំយោល​គ្រីស្តាល់​នោះ សេវា​អាហារ​ក្ដៅៗ​ បន្ទប់​ជម្រះ កាយ និង​កន្លែង​ម៉ាស្សា​ដែល​នឹង​មក​ដល់​ក្នុង​ពេល​ឆាប់ៗ​នេះ។ សាល​ប្រណីត​ដ៏​ស្ងប់ ស្ងាត់​​នេះ​ស័ក្ដិសម​សម្រាប់​អ្នក​ប្រើ​ប្រាស់​ជា​បណ្ណាល័យ​អាន សៀវភៅ បន្ទប់​ប្រជុំ​ផ្ទាល់​ខ្លួន ​និង​ប្រកប​ដោយ​ភាព​ឯកជន​ពេញ​លេញ។

សម្រាប់​ក្រុមហ៊ុន H.I.S. (Cambodia) ដែល​តែង​ចែក​រំលែក​ចំណេះ​ដឹង​ទាក់ទិន​នឹង​វិស័យ​ទេសចរណ៍ ក៏ដូច​ជា​ជំរុញ​សន្តិភាព​ពិភពលោក​ដោយ​បញ្ជ្រាប​ការ​អធ្យាស្រ័យ​រវាង​ជាតិសាសន៍ វប្បធម៌ និង​សាសនា។ ក្រុមហ៊ុន​មាន​សាខា​ ១៨១​ នៅ​ ៦០ ​ប្រទេស​ជុំវិញ​ពិភពលោក និង​សាខា​ចំនួន​៣០៣​នៅ​ប្រទេស​ជប៉ុន។ នៅ​ប្រទេស​កម្ពុជា H.I.S. មាន​នៅ​រាជធានី​ភ្នំពេញ សៀមរាប និង​ខេត្ត​ព្រះសីហនុ។ ក្រុមហ៊ុន​បាន​ផ្ដល់​នូវ​កញ្ចប់​ដំណើរ​កម្សាន្ត​ពិសេស​នៅ​អំឡុង​ខែ​មេសា​ទៅ​កាន់​ជប៉ុន កោះបាលី និង​ប្រទេស​ថៃ​ផង​ដែរ៕

អត្ថបទគួរចាប់អារម្មណ៍