.jpg)
គណៈប្រតិភូមកពីក្រសួងហិរញ្ញវត្ថុ និងសហប្រតិបត្តិការសេដ្ឋកិច្ចនៃប្រទេសអាល្លឺម៉ង់បានទៅទស្សនកិច្ចសាខារបស់ធនាគារ អេស៊ីលីដា ក្នុងខេត្តសៀមរាប ដើម្បីសិក្សាអំពីការពង្រីកបណ្តាញធនាគារ ដើម្បីលើកកម្ពស់សេវាហិរញ្ញវត្ថុនៅទូទាំងប្រទេសកម្ពុជា។ អំឡុងពេលចុះទស្សនកិច្ចនោះ គណៈប្រតិភូក៏បានទៅជួបអតិថិជនរបស់ធនាគារ អេស៊ីលីដា ដើម្បីស្វែងយល់បន្ថែមអំពីភាពរីកចម្រើនរបស់ពួកគេផងដែរ៕ រូបថត Supplied
ភ្នំពេញៈ មនុស្សយើងត្រូវដឹងថា ការលេងស្រីគឺជាគ្រោះថ្នាក់មួយសម្រាប់យើងគ្រប់គ្នា ដែលជាទោសអាចឲ្យកើតជំងឺកាមរោគ អេដស៍ ស្វាយជាដើមរហូតដល់ខ្លួនក្សិណក្ស័យចាកប្រពន្ធកូនជាទីស្រឡាញ់ផងដែរ។
ខាងក្រោមនេះជាន័យសេចក្តីដកស្រង់ពីសៀវភៅ «ចិញ្ចឹមកូនតាមគន្លងធម៌» នៃគេហទំព័រ ៥០០០ ឆ្នាំ ដែលបកស្រាយពីអំពើអបាយមុខ ៤ ប្រការនាំឲ្យកើតមានសេចក្តីវិនាសដូច្នេះថា៖ «មនុស្សដែលមានឈ្មោះថា មានចរិយាសម្បត្តិគឺ ជាក្រុមមនុស្សបានវៀរចាកនូវអំពើអបាយមុខពោលប្រធាននៃសេចក្ដីវិនាស ៤ ប្រការគឺការលេងស្រី ការសេពស្រា ការលេងល្បែង និងការសេពគប់បាបមិត្ត។ បើមិនមានជំងឺធ្ងន់ធ្ងរទេ ក៏ជាហេតុនាំឲ្យញៀនញ៉ាមនូវក្តីត្រេកត្រអាលដោយរាគៈ ត្រូវកាមគុណដឹកមុខ ហ៊ានរហូតចាប់រំលោភកុមារីមិនទាន់គ្រប់អាយុ ឬចាប់រំលោភសេពសន្ថវៈ លើប្រពន្ធកូនអ្នកដទៃក៏អាចទៅបានរហូតដល់ថ្នាក់ត្រូវជាប់គុក ជាប់ខ្នោះ ច្រវាក់យូរខែ យូរឆ្នាំទៅតាមទង្វើខ្លួនបានធ្វើ។ នេះដោយសារតែការលេងស្រី ជាហេតុនាំឲ្យរឿងញៀនញ៉ាមក្នុងកាមារម្មណ៍។ បើយើងមិនលេងស្រីនោះ តើរឿងហេតុទាំងអស់នោះកើតឡើងបានដែរឬទេ? យើងអាចយល់បាន ហើយឆ្លើយយ៉ាងងាយថា រឿងនោះមិនអាចកើតឡើងបានទាល់តែសោះ ព្រោះយើងបានប្រព្រឹត្តចរិយាដ៏ល្អគឺការមិនលេងស្រីនោះឯង»។
សម្រង់ចេញសេចក្តីពីសៀវភៅ «ចិញ្ចឹមកូនតាមគន្លងធម៌» ដដែលបន្តថា៖ «ការសេពស្រាក៏ជាទោសមួយ សម្រាប់បុរសស្ត្រីក្នុងលោកយើងនេះ ដោយថាមនុស្សពេញចិត្តស្រា យកស្រាជាទីពឹង ឃើញថា មានតែស្រាទេ ដែលជាមិត្តភក្តិជានិច្ចកាលគ្រប់ពេលមនុស្សនោះថាខ្វះសតិ បាត់បង់ស្មារតី និងបញ្ញាយកទោសជាគុណ ឬយកគុណជាទោស។ ហើយកាលណាសុរាជ្រាបចូលដល់ពោះភ្លាមឃើញថា អញអស្ចារ្យជាងគេ ខ្លាំងជាងគេក្លាយទៅជាអ្នកក្លាហានខាងផ្នែកកាប់ចាក់ ទាត់ធាក់ កាចឃោរឃៅយង់ឃ្នង ហ៊ានប្លន់ ហ៊ានលួច ហ៊ានសម្លាប់ ហ៊ានចាប់រំលោភ សូម្បីឪពុកម្ដាយរបស់ខ្លួនក៏ហ៊ានគំរាមកំហែង ប្រមាថ ឬហ៊ានសម្លាប់គាត់ទៀតផង។ មនុស្សដែលពុំមានសតិបញ្ញាស្មារតីគ្រប់គ្រងខ្លួន ឈ្មោះថា ជាមនុស្សវិកលចរិត ឬហៅថាវិបល្លាសខ្វះសតិក្នុងខ្លួន។ ព្រោះហេតុនោះ មនុស្សយើងត្រូវវៀរចាកការសេពសុរាបានជាដាច់ខាត ទើបមានឈ្មោះថាជាមនុស្សចរិយាសម្បត្តិល្អ»។
ការលេងភ្នាល់ក៏ជាទោសត្រូវវៀរចាកជាដាច់ខាតផងដែរ ព្រោះថា មនុស្សខ្លះដែលងប់វង្វេងក្នុងវង់ល្បែងភ្លេចអស់ពីការសិក្សារៀនសូត្រ ការកសាងអំពើល្អ ជាពិសេសខ្លួនបានបង្ហាញខ្លួនថា ជាមនុស្សមិនត្រឹមត្រូវ។
ម្យ៉ាងទៀតអ្នកលេងល្បែងរមែងមិនជាទីសណ្ដាប់ ជឿទុកចិត្តអ្នកដទៃឡើយ ពេលនិយាយសម្ដីសាបដូចជាទឹក រហូតដល់ចូលទៅកាន់ទីជំនុំចំណោមខ្លួនដែលមិនមែនជាអ្នកក្លាហាន។ ចំពោះល្បែងបៀ ល្បែងស៊ីសង មានការចាក់បាល់ ជាដើមគឺសុទ្ធតែជា មេនៃសេចក្ដីវិនាសសម្រាប់យើង ហើយព្រោះហេតុនោះ មនុស្សដែលត្រូវជាប្ដីប្រពន្ធគេត្រូវវៀរចាកឲ្យបាននូវល្បែងភ្នាល់គ្រប់ប្រការ កុំលូតលាស់ឲ្យសោះ។
ជាចុងក្រោយនៃសម្រង់សេចក្តីពីសៀវភៅ «ចិញ្ចឹមកូនតាមគន្លងធម៌» បន្ថែមថា៖ «ការសេពគប់មិត្តក៏មានសារៈសំខាន់ផងដែរ នៅក្នុងជីវិតរស់នៅប្រចាំថ្ងៃ បើមិត្តប្រកបដោយធម៌ (មិត្តសុចរិត) នោះនឹងនាំយើងទៅកាន់សេចក្ដីសុខ ប៉ុន្តែបើមិត្តនោះប្រកបដោយអធម៌ (មិត្តទុច្ចរិត) នោះ ក៏នឹងនាំយើងទៅកាន់សេចក្ដីវិនាសជាមិនខានដែរ»៕
