The Phnom Penh Post Search

Search form

ព្រះពុទ្ធ​រូប​ធំ​បំផុត និង​បដិមា​ម៉ឺន​អង្គ​នៅ ប៊ូឌី តាទួង មីយ៉ាន់ម៉ា

Content image - Phnom Penh Post
ព្រះពុទ្ធ​រូប​កម្ពស់​ ១២៩ ម៉ែត្រ និង​ចម្លាក់​ព្រះពុទ្ធ​ចូលនិព្វាន​ប្រវែង ៩៥ ម៉ែត្រ និង​កម្ពស់ ២០ ម៉ែត្រ​។

ព្រះពុទ្ធ​រូប​ធំ​បំផុត និង​បដិមា​ម៉ឺន​អង្គ​នៅ ប៊ូឌី តាទួង មីយ៉ាន់ម៉ា

ក្រុងណៃពិដោ: ប៊ូឌី តាទួង ទីឋាន​តម្កល់​ចម្លាក់​ព្រះពុទ្ធ​ជាង ១ ម៉ឺន​អង្គ ហើយ​ក្នុង​ចំណោម​នោះ ចម្លាក់​មួយអង្គ​ជា​ព្រះពុទ្ធ​រូប​ដ៏ធំ​បំផុត​លំដាប់​ទី ២ ក្នុង​លោក។

ប្រាកដ​ណាស់ វាជា​ចម្លាក់​ដ៏ខ្ពស់​ដែល​រំលេច​ដោយ​ស្បង់​ពណ៌​មាស និង​ព្រះនេត្រ​ស្រទន់​ដែល​អ្នក​អាច​គន់​ឃើញ​ច្បាស់​ក្រឡែត។ នៅ​មាន​ព្រះពុទ្ធ​ផ្ទំ​នៅ​ចំ​ពីមុខ​ផងដែរ។ តោះ​នាំគ្នា​ទៅ​ស្វែងរក​ចម្លាក់​ព្រះពុទ្ធ​ប្លែកៗ​ទៀត​នៅ​ក្បែរ​ក្រុង​ម៉ូនីវ៉ា ប្រទេស​មីយ៉ាន់ម៉ា។

បរិវេណ​ទាំងមូល​ដែល​ពោរពេញ​ដោយ​ចម្លាក់​ព្រះពុទ្ធ​មាន​ចម្ងាយ​ប្រមាណ ២៣ គីឡូម៉ែត្រ​ពី​ក្រុង​ម៉ូនីវ៉ា ត្រូវ​បាន​កសាង​ក្រោម​សង្ឃដីកា​របស់​ប្រធាន​សង្ឃ​ដែល​ស្គាល់​ថា ម៉ាហាប៊ូឌី តាទួង សាយ៉ាដាវ បាដដានតា ណារ៉ាដា។

ព្រះអង្គ​គ្មាន​ឱកាស​បាន​ទត​សមិទ្ធផល​ព្រះពុទ្ធ​រូប​កម្ពស់ ១២៩ ម៉ែត្រ​ដ៏មហិមា​នេះ​ឡើយ។ អ្នកអាច​ឡើង​ពី​ក្នុង​តួ​ព្រះកាយ​ចម្លាក់​ទៅ​កាន់​បរិវេណ​ត្រង់​ផ្ចិត។ មាន​របង​មួយ​ដែល​ឈរ​យាម​ដោយ​តោ ២ ក្បាល​ដែល​នាំ​ឲ្យ​អ្នក​អាច​ចូល​ទៅ​ក្នុង​ចម្លាក់ ហើយ​ទីនេះ អ្នក​អាច​គន់​រូបភាព​បង្ហាញ​ពី​ឋាននរក​ជាច្រើន​ផ្ទាំង​ថែម​ទៀត។

ខណៈដែល​គំនូរ​ទាំងនេះ​ឆ្លុះ​បញ្ចាំង​ពី​អត្ថន័យ​ដែល​ជា​ផ្នែក​មួយ​នៃ​ពុទ្ធឱវាទ​ស្ដីពី​កម្ម​ពៀរ​នាំ​ឲ្យ​ធ្លាក់​នរក។

Content image - Phnom Penh Post
នៅ​ទីធ្លា​មាន​ពុទ្ធបដិមា​ប្រមាណ ១ ម៉ឺនអង្គ​ក្នុង​ទម្រង់​ស្រដៀងៗ​គ្នា​។

ចម្លាក់​ដែល​មិនគួរ​រំលង​មួយ​ទៀត​គឺ​ព្រះពុទ្ធ​ចូល​និព្វាន (ស្ថិត​នៅ​ពីមុខ​ព្រះពុទ្ធ​ឈរ) មាន​ប្រវែង ៩៥ ម៉ែត្រ និង​កម្ពស់ ២០ ម៉ែត្រ។ ភ្ញៀវ​ក៏អាច​ដើរ​ចូល​ក្នុង​ចម្លាក់​ទាំង​នេះ​បន្ដ​គយគន់​ឈុត​ឆាក​ឯ​ឋាននរក ឬ​ព្រឹត្ដិការណ៍​ប្រវត្ដិសាស្ដ្រ​លើ​ជញ្ជាំង ព្រមទាំង​ពុទ្ធ​រូប​តូចៗ​ជាច្រើន​អង្គ​ទៀត។

ស្ថិត​នៅ​ឆ្ងាយ​ពី​ចម្លាក់​ព្រះពុទ្ធ​ធំ មាន​ដើម​ឈើ​បុស្បុក​ជាច្រើន​ទៀត។ ជា​ព្រះ​ពុទ្ធរូប​មិនសូវ​ធំ​សម្បើម ចម្លាក់​ព្រះពុទ្ធ​ទម្រង់​ព្រះ​ភ្នែន​អង្គុយ​លើ​ដំរី ៤ ក្បាល ដែល​មាន​ទំហំ​ធំ​ជាង​ចម្លាក់​ដទៃ​ទៀត​រាប់​ម៉ឺន​ដង​ឯណោះ។

ចម្លាក់​នីមួយៗ​ត្រូវ​បាន​កសាង​ឡើង​អង្គុយ​លើ​ទម្រ​នៅ​ក្រោម​ដើម​ពោធិ៍។ រូប​ទាំងអស់​សុទ្ធតែ​ស្ថិត​ក្នុង​ទម្រង់​សមាធិ​ដូចគ្នា និង​មាន​ទំហំ​ខុសគ្នា​បន្ដិចបន្ដួច។

ពុទ្ធបរិស័ទ​នៅ​មីយ៉ាន់ម៉ា បាន​ចំណាយ​ប្រាក់​ច្រើន​សន្ធឹក​សង់​ចម្លាក់ ដូចជា​នៅ​ទីនោះ ហើយ​ឈ្មោះ​អ្នក​កសាង​ត្រូវ​បាន​សរសេរ​ភ្ជាប់​ក្រោម​ចម្លាក់។

ស្ថិតក្នុង​បណ្ដុំ​ព្រះ​ពុទ្ធរូប​រាប់ម៉ឺន​អង្គ គឺជា​អារាម​ដ៏ស្រស់​ឆើតឆាយ​មួយ​ដែល​ភ្ញៀវ​មិនគួរ​រំលង​ឡើយ។ វត្ដ​នេះ​ប្រើ​ពណ៌ស​ជា​គោល ចេតិយ​ពណ៌​មាស​អមដោយ​ព្រៃ​ពោធិ៍។ អារាម អ៊ុងសាកគីយ៉ា មាន​កម្ពស់ ៧០ ម៉ែត្រ និង​ត្រូវបាន​កសាង​ឡើង​ក្នុង​ឆ្នាំ ១៩៧៩៕HR

Content image - Phnom Penh Post
រូបភាព​មើល​ពីលើ​បង្ហាញ​ចម្លាក់​ព្រះពុទ្ធ​នៅ​ពាសពេញ​ផ្ទៃ​ដី​អារាម​។

អត្ថបទគួរចាប់អារម្មណ៍

  • សណ្ឋាគារ​ប្រណីត​នៅ​កោះរ៉ុង បើក​ជា​ផ្លូវការ

    ភ្នំពេញៈ សណ្ឋាគារ​ដ៏ប្រណីត Royal Sands នៅលើ​កោះរ៉ុង​របស់​លោក គិត ម៉េង បាន​បើក​ដំណើរការ​ជា​ផ្លូវការ​កាលពី​ថ្ងៃ​ម្សិលមិញ ដែល​គេ​រំពឹង​ថា​នឹង​ទាក់ទាញ​ភ្ញៀវទេសចរ​កាន់តែ​ច្រើន​។

  • ដំរី​ដែល​ចូល​ចម្ការ​អ្នក​ភូមិ​បាន​គេច​ទៅ​ភ្នំ​ដងរែក

    ឧត្តរមានជ័យៈ ក្រុម​មន្ត្រី​បាន​និយាយ​ថា​សត្វ​ដំរី​ញី​មួយ​ក្បាល​ដែល​បាន​ចូល​លុកលុយ​ក្នុង​ចម្ការ​អ្នកភូមិ​រំដួល​ចាស់ ឃុំ​អម្ពិល ស្រុក​បន្ទាយ​អម្ពិល ខេត្ត​ឧត្តរមានជ័យ​កាលពី​ព្រឹក​ថ្ងៃ​អាទិត្យ​នោះ​បាន​គេច​ខ្លួន​ចូល​ទៅ​ក្នុង​តំបន់​ជួរ​ភ្នំ​ដងរែក​វិញ​ហើយ ខណៈ​ដែល​ក្រុម​មន្ត្រី​ជំនាញ​បរិស្ថាន និង​អាជ្ញាធរ​កំពុង​បន្ត​ឃ្លាំ​មើល​ពី​ដំណើរ​របស់​វា​។

  • ព្រះមហាក្សត្រ​អំពាវនាវ​ឲ្យ​ធានា​ការពារ​យុត្តិធម៌​ និង គោរព​សិទ្ធិ​មនុស្ស

    ភ្នំពេញៈ ក្រោយពី​ឈ្នះ​អាសនៈ​ទាំង​ ៥៨ ដោយ​មិន​មាន​អតីត​បក្ស​សង្គ្រោះ​ជាតិ​ដែល​ជា​គូប្រកួត​ដ៏ស័ក្តិសម​នឹង​គ្នា​សម្រាប់​ការបោះឆ្នោត​ព្រឹទ្ធសភា​ពី​ខែ​កុម្ភៈ គណបក្ស​កាន់​អំណាច​ដែល​ទទួល​ជ័យជម្នះ​បាន​បន្ត​គ្រប់គ្រង​ស្ថាប័ន​នីតិប្បញ្ញត្តិ​ជាថ្មី​ដោយ​បើក​សម័យប្រជុំ​លើក​ដំបូង នីតិកាល​ទី​ ៤ ​នៃ​ព្រឹទ្ធសភា​ពី​ម្សិលមិញ​ក្រោម​ព្រះរាជាធិបតីភាព​ព្រះមហាក្សត្រ​ព្រះបាទ​សម្តេច​ព្រះនរោត្តម សីហមុនី ដែល​ព្រះអង្គ​អំពាវនាវ​ឲ្យ​មាន​ការធានា​ការពារ​យុត្តិធម៌ និង​គោរព​សិទ្ធិ​មនុស្ស និង​រួម​សាមគ្គី​គ្នា​ជា​ធ្លុង​មួយ​។

  • នាយក​រដ្ឋមន្ត្រី​បញ្ជា​ឲ្យ​ដកហូត​កោះ​ ៣០ ​មក​វិញ និង​ឲ្យ​ពិនិត្យ​អ្នក​នៅ​ពី​ក្រោយ​ការទន្ទ្រាន​យក​ដី

    ព្រះសីហនុៈ លោក​នាយករដ្ឋមន្ត្រី ហ៊ុន សែន បាន​បញ្ជា​ឲ្យ​ដកហូត​កោះ​ដែល​មិន​បាន​អភិវឌ្ឍ​ប្រមាណ​ ៣០ ​មក​វិញ​ ខណៈ​អត្តសញ្ញាណ​របស់​ម្ចាស់​ក្បាល​ដី​ចំនួន​ ៥៨៤ ​ដែល​មាន​ទាំង​មន្ត្រី​មាន​អំណាច​កំពុង​ត្រូវបាន​ពិនិត្យ​រឿង​នៅ​ពី​ក្រោយ​ខ្នង​ការកាប់​ទន្ទ្រាន​យក​ដី​ដ៏ក្តៅគគុក​នៅ​កោះរ៉ុង ហើយ​មន្ត្រី​ជាន់ខ្ពស់​ខ្លះ​នឹង​មិន​ត្រូវ​ឲ្យ​ចូលរួម​បង្កើត​រដ្ឋាភិបាល​ថ្មី​នៅ​​អាណត្តិ​ក្រោយ​ឡើយ​។