ក្រុងប្រ៊ុចសែល៖ ព្រះវិហារ Ghent បានឲ្យដឹងកាលពីថ្ងៃពុធថា លោកឪពុកសាសនាគ្រិស្ដកាតូលិកនៃក្រុម Trappist ដែលធ្លាប់បើកផលិតស្រានៅព្រះវិហារដ៏ល្បីល្បាញបំផុតមួយក្នុងប្រទេស បែលហ្ស៊ិក ត្រូវបានផ្ដល់ឋានន្តរស័ក្ដិជាសង្ឃរាជដោយសម្ដេច Pope Francis។
ចៅអធិការគ្រិស្ដសាសនា Lode Van Hecke អាយុ ៦៩ ឆ្នាំ បានបើករោងចក្រ Orval Abbey នៅភាគខាងត្បូងប្រទេស បែលហ្ស៊ិក និងចន្លោះឆ្នាំ ១៩៩៨ និងឆ្នាំ ២០០១ លោកជានាយកប្រតិបត្ដិការផលិតស្រាបៀរដ៏ល្បីល្បាញបំផុតក្នុងលោក។
នៅខែកុម្ភៈឆ្នាំក្រោយ លោកនឹងក្លាយជាសង្ឃរាជព្រះវិហារ Ghent និកាយ Cistercian ភាគខាងជើងប្រទេស ជាព្រះសង្ឃគ្រិស្ដសាសនាដំបូងក្នុងក្រុម Trappist ដែលទទួលបានងារនេះនៅបែលហ្ស៊ិក។
ក្រុមអ្នកប្រណិប័តន៍សាសនានិកាយតឹងរ៊ឹងកាតូលិក Cistercian ឬហៅថា Trappist គឺជាសហគមន៍ប្រណិប័តន៍សាសនាតាមផ្លូវចិត្ដ និងកម្រចាប់កាន់តួនាទីថ្នាក់ដឹកនាំ។
ប៉ុន្ដែព្រះសង្ឃរាជបានឲ្យដឹងថា៖ «សំណាងណាស់ ខ្ញុំបានចំណាយពេលប៉ុន្មានឆ្នាំក្នុងឧស្សាហកម្មស្រាបៀរនេះ។ មិនសម្រាប់តែស្រាបៀរមួយមុខនោះទេ តែជាបទពិសោធគ្រប់គ្រងផងដែរ»។
ខុសប្លែកពីសាសនាដទៃ ព្រះវិហារនិកាយ Trappist ជាច្រើន ក្នុងប្រទេស បែលហ្ស៊ិក បានក្លាយជាទីឋានផលិតស្រាបៀរគុណភាពខ្ពស់ល្បីៗក្នុងការលក់ដូរ ហើយរោងចក្រ Orval គឺជាទីឋានផលិតស្រាបៀរល្អបំផុតមួយ។ ព្រះសង្ឃគ្រិស្ដ Trappist ចាប់ផ្ដើមផលិតស្រាបៀរក្លិបផ្លែឈើក្នុងឆ្នាំ ២០៣១ ក្រោមឥទ្ធិពលនៃគ្រូបិតស្រាមកពីរដ្ឋបាវ៉ារែន ប្រទេស អាល្លឺម៉ង់ និងការប្រើវិធីសាស្ដ្រផ្អាប់មេដំបែស្ងួតរបស់ចក្រភពអង់គ្លេស៕ AFP/HR