ក្រុងឈិនឌូ: អ្នកបាណកសាស្ដ្រចិនម្នាក់បានរកឃើញមូសយក្សមួយក្បាលដែលមានស្លាបប្រវែង ១១,១៥ សង់ទីម៉ែត្រ។ លោក ហ្សាវ លី បណ្ណារក្សសារមន្ទីរសត្វល្អិតចិនខាងលិច បាននិយាយថា មូសយក្ស ដែលស្ថិតក្នុងអម្បូរមូស ហូឡូរូស្យា មីកាដូ ដ៏ធំបំផុតក្នុងលោក ត្រូវបានរកឃើញកាលពីខែសីហា ឆ្នាំមុន អំឡុងពេលដំណើរទស្សនកិច្ចទៅកាន់ភ្នំគីងឈិន ក្រុងឈិនឌូ ខេត្ដស៊ីឈួន។
ដែលត្រូវបានរកឃើញដំបូងក្នុងប្រទេសជប៉ុន និងដាក់ឈ្មោះដោយបាណកវិទូអង់គ្លេស អូបាឌៀ វ៉េសវូដ ក្នុងឆ្នាំ១៨៧៦ មូសអម្បូរ ហូឡូរូស្យា មីកាដូ មានប្រវែងស្លាបប្រហែល ៨ សង់ទីម៉ែត្រ។ លោកបាននិយាយថា៖ «មូសទាំងនោះមានរូបរាងគួរឲ្យរអើម តែមិនបឺតឈាមឡើយ។ មូសពេញវ័យមានអាយុរស់តែប៉ុន្មានថ្ងៃ និងក្រេបតែទឹកប៉ុណ្ណោះ។ នៅជុំវិញពិភពលោក មានមូសរាប់ម៉ឺនប្រភេទ។ អម្បូរប្រមាណ ១០០ ប្រភេទបឺតឈាម និងអាចបង្កបញ្ហាដល់មនុស្ស»។
នៅភាគខាងលិចខេត្ដស៊ីឈួន មូស ហូឡូរូស្យា មីកាដូ ក៏ត្រូវបានស្គាល់ជា «ក្រៀលហោះ» ត្រូវបានប្រទះឃើញនៅតំបន់វាលទំនាបនៃក្រុងឈិនឌូ និងតំបន់ព្រៃភ្នំដែលស្ថិតក្រោមរយៈកម្ពស់ ២២០០ ម៉ែត្រ។ លោកបន្ដថា៖ «ពួកវាមិនសូវពូកែហើរទេ ពីព្រោះវាមានរាងកាយធំពេក។ ពេលវាហើរ វាត្រូវទទះស្លាបខ្លាំង។ ជាទូទៅ គេឧស្សាហ៍ជួបវានៅតំបន់សម្បូរស្លឹកឈើច្រើន»។
សារមន្ទីរ បានរក្សាទុកនូវសត្វល្អិតជាង ៧០ ម៉ឺនប្រភេទ ដោយជាង ៧០ ពូជ ដែលមានមាឌធំៗបំផុត ឬវែងបំផុត៕ HR ប្រភព៖ http://en.people.cn