The Phnom Penh Post Search

Search form




Logo of Phnom Penh Post newspaper Phnom Penh Post - ភោជនីយដ្ឋាន​នៅ​តៃវ៉ាន់​ឌីហ្សាញ​ជា​រចនា​ប័ទ្ម​តុក្កតា​បាប៊ី

ភោជនីយដ្ឋាន​នៅ​តៃវ៉ាន់​ឌីហ្សាញ​ជា​រចនា​ប័ទ្ម​តុក្កតា​បាប៊ី

ចុង​ភៅ​រៀប​ចំ​នំ​ខេក​ជា​រូប​តុក្កតា​បាប៊ី​នៅ​កាហ្វេបាប៊ី​​​។
ចុង​ភៅ​រៀប​ចំ​នំ​ខេក​ជា​រូប​តុក្កតា​បាប៊ី​នៅ​កាហ្វេបាប៊ី​​​។ រូបថត AFP

ភោជនីយដ្ឋាន​នៅ​តៃវ៉ាន់​ឌីហ្សាញ​ជា​រចនា​ប័ទ្ម​តុក្កតា​បាប៊ី

ក្រុង​តៃប៉ិ: ភោជនីយដ្ឋាន​រចនា​ប័ទ្ម​តុក្កតា​បាប៊ី​ដំបូង​បាន​បើក​សម្ពោធ​នៅ​កោះ​តៃវ៉ាន់​ ជា​ប្រភព​ដែល​ផលិត​​តុក្កតា​បាប៊ី។ កាហ្វេ​បាប៊ី ជា​ភោជនីយដ្ឋាន​បែប​ផែន​តុក្កតា​បាប៊ី បាន​បើក​ទ្វារ​នៅ​កោះ​តៃវ៉ាន់ ​ឌីហ្សាញ​ពណ៌​ផ្កា​ឈូក និង​ស្ទិកឃ័រ​សម្រាប់​បិទ​ឲ្យ​អតិថិជន​។

ភោជនីយដ្ឋាន​នេះ​ត្រូវ​បាន​ផ្ដល់​អាជ្ញាប័ណ្ណ​ដោយ​ក្រុមហ៊ុន​យក្ស​ផលិត​តុក្កតា​បាប៊ី និង​ឧបករណ៍​ក្មេង​លេង​នៅ​អាមេរិក Mattel ​ដោយ​បើក​សម្ពោធ​នៅ​ទីក្រុង​តៃប៉ិ​កោះ​តៃវ៉ាន់​។ ក្រុមហ៊ុន Mattel ​សង្ឃឹម​ថា ភោជនីយដ្ឋាន​ដែល​មាន​ទីតាំង​នៅ​មជ្ឈមណ្ឌល​ពាណិជ្ជកម្ម​នេះ​នឹង​ផ្សព្វផ្សាយ​យីហោ​បាប៊ី។

បុគ្គលិក​ដែល​បម្រើ​ការងារ​នៅ​ភោជនីយដ្ឋាន​មិន​ស្លៀក​ឯក​សណ្ឋាន​អាវ​យឺត​ផ្កា​ឈូក​រូប​បាប៊ី​ទាំង​អស់​នោះ​ទេ ពួក​គេ​គ្រាន់​តែ​ពាក់​កង​វ័ណ្ឌ​ដៃ​រូប​បាប៊ី​ និង​ពាក់​មកុដ​ប៉ុណ្ណោះ​។ ផលិត​ផល​ហ្វេសសិន​ទាំង​នេះ​អាច​រក​ទិញ​បាន​នៅ​លើ​គេហទំព័រ​របស់​ក្រុមហ៊ុន Mattel រួម​ទាំង សំពត់​កំប៉ោង​ពណ៌​ផ្កាឈូក​សម្រាប់​កុមារី​តូចៗ។

អ៊ីកជី យីប (Iggy Yip) ជា​ប្រធាន​គ្រប់​គ្រង​ជាន់​ខ្ពស់​នៅ​សាខា Greater China របស់​​ក្រុមហ៊ុន​ Mattel ​បាន​និយាយ​ថា​៖ «​យើង​ជ្រើស​រើស​កោះតៃ​វ៉ាន់​ពីព្រោះ​ភោជនីយដ្ឋាន​បាប៊ី​នេះ​ពិត​ជា​ល្បី​​ និង​ទទួល​បាន​ជោគជ័យ​ណាស់​»។

ប្រធាន​រូប​នោះ​សង្ឃឹម​ថា ភោជនីយដ្ឋាន​បាប៊ឺ​នឹង​ទាក់​​ទាញ​អ្នក​គាំទ្រ​ពី​ចិន ក្រុង​ហុង​កុង និង​ប្រទេស​ជប៉ុន​ផង​ដែរ​។ កោះ​តៃវ៉ាន់​ធ្លាប់​ផលិត​តុក្កតា​បាប៊ី​រហូត​ដល់​ទសវត្សរ៍​ទី​៨០​ នៅ​ពេល​ក្រុមហ៊ុន Mattel រើ​ទៅកាន់​ប្រទេស​ចិន​វិញ។

ភោជនីយដ្ឋាន​រចនាប័ទ្ម​បាប៊ី​នេះ​មាន​ទំហំ​៦៦០​ម៉ែត្រ​ការ៉េ​ រចនា​ពណ៌​ផ្កា​ឈូក​ បំពាក់​សម្ភារ​របស់​តុក្កតា​បាប៊ី​នៅ​លើ​ជញ្ជាំង និង​កៅអី​ ​និង​សំពត់​ប៉ោង​ស្រោប​កៅអី​។

ទីក្រុង​តៃប៉ិ​មាន​ភោជនីយដ្ឋាន​មួយ​នៅ​ក្នុង​យន្ដហោះ​ធុន​ធំ​ដែល​បុគ្គលិក​ស្លៀក​ឈុត​អ្នក​បម្រើ​លើ​យន្ដហោះ​ រទេះ និង​បារចនា​ប័ទ្ម​ជា​មន្ទីរ​ពេទ្យ​ដែល​ភ្ញៀវ​ពិសា​ភេសជ្ជៈ​ «ឱសថ» ដែល​ស្រក់​តក់​ៗ​ ឬ​អ្នក​បម្រើ​ស្រី​​ប្រើ​ម្ជុល​ចាក់​ថ្នាំ។ ​អ្នក​ទេសចរ​អាច​រីករាយ​ជាមួយ​អាហារ​នៅ​ភោជនីយដ្ឋាន​បង្គន់​ទំនើប​ ដែល​​ចេញ​ម្ហូប​ពី​បន្ទប់​បង្គន់ និង​អង្គុយ​លើ​ចាន​​បង្គន់៕ HR

អត្ថបទគួរចាប់អារម្មណ៍