The Phnom Penh Post Search

Search form




Logo of Phnom Penh Post newspaper Phnom Penh Post - ភ្ញៀវ​ទេសចរ​ជ្រេញ​នឹង​ការ​ថត​ជាប់​តែ​រថយន្ដ​ពណ៌​លឿង

ភ្ញៀវ​ទេសចរ​ជ្រេញ​នឹង​ការ​ថត​ជាប់​តែ​រថយន្ដ​ពណ៌​លឿង

ភ្ញៀវ​ទេសចរ​តែងតែ​ត្អូញ​ត្អែរ​ពេលទៅ​ថត​រូប​នៅ​ផ្ទះ​តៀម​បុរាណ​ដែល​ជាប់​តែ​រថយន្ដ​ពណ៌​លឿង​ចត​ទី​នោះ​​​។
ភ្ញៀវ​ទេសចរ​តែងតែ​ត្អូញ​ត្អែរ​ពេលទៅ​ថត​រូប​នៅ​ផ្ទះ​តៀម​បុរាណ​ដែល​ជាប់​តែ​រថយន្ដ​ពណ៌​លឿង​ចត​ទី​នោះ​​​។

ភ្ញៀវ​ទេសចរ​ជ្រេញ​នឹង​ការ​ថត​ជាប់​តែ​រថយន្ដ​ពណ៌​លឿង

អង់គ្លេស: ជា​រៀង​រាល់​ឆ្នាំ​ មាន​ភ្ញៀវ​ទេសចរ​រាប់​ពាន់​នាក់​បាន​នាំ​គ្នា​ថតរូប​ផ្ទះ​តៀម​បុរាណ​នៅ​ភូមិ​ប៊ីលប៊ូរី​ក្នុង​តំបន់​ខូត​វល់ដ៍​នៃ​សហគមន៍​អាលីងតុនរ៉ូ ប្រទេស​អង់គ្លេស។

តែ​មាន​អ្នក​អន់​ចិត្ត​មិន​តិច​ទេ ចំពោះ​រូបថត​របស់​ខ្លួន​ដែល​ថត​ជាប់​រថយន្ត​តូច​ពណ៌​លឿង​របស់​ម្ចាស់​​វ័យ​៨២​ឆ្នាំ​លោក ភីតធើរ ម៉ាតដុក ដោយ​គាត់​តែង​តែ​ចត​វា​នៅ​តាម​ផ្លូវ​ក្បែរ​ផ្ទះ​នៃ​ភូមិ​ឋាន​សហគមន៍​គ្លូសេស្ទឺរសៀ​ជានិច្ច​កាល។

ភ្ញៀវ​ទេសចរ​បាន​លើក​មើល​​រូប​ភាព​នៅ​ក្នុង​​​លិខិត​ឆ្លង​ដែនមក​ផ្គូ​ផ្គងទៅ​នឹង​រូប​ផ្ទះ​តៀម​បុរាណ​ពិតៗ​​។
ភ្ញៀវ​ទេសចរ​បាន​លើក​មើល​​រូប​ភាព​នៅ​ក្នុង​​​លិខិត​ឆ្លង​ដែនមក​ផ្គូ​ផ្គងទៅ​នឹង​រូប​ផ្ទះ​តៀម​បុរាណ​ពិតៗ​​។

ផ្ទះ​តៀម១​ជួរ​ដែល​មាន​អាយុ​កាល​តាំង​ពី​សតវត្សរ៍​ទី​១៤ ជា​សំណង់​គេហដ្ឋាន​ចាស់​បំផុត​ក្នុង​ចក្រ​ភព​អង់គ្លេស​ត្រូវ​បាន​ផ្តិត​ដាក់​ផ្នែក​ខាង​ក្នុង​លិខិត​ឆ្លង​ដែន​ដែល​បង្ហាញ​ពី​ជាតិ​និយម។

លោក​ ភីតធើរ ម៉ាតដុក ជា​ទន្តពេទ្យ​ចូល​និវត្តន៍​ ដែល​បាន​ប្រើ​រថយន្ត​សម្រាប់​ដឹក​ជញ្ជូន​គ្រឿង​ទេស​គ្រប់​មុខ​តាម​ភូមិ​នោះ និយាយ​ថា​ កង្វះ​យានដ្ឋាន​សម្រាប់​ចត​រថយន្ដ​ធ្វើ​ឲ្យ​លោក​គ្មាន​ជម្រើស​ផ្សេង​ក្រៅពី​ចត​លើ​ផ្លូវ​នោះ​ទេ​។

តែ​ភ្ញៀវ​ទេសចរ​សរសេរ​លើ​ធ្វីធើរ​ថា រថយន្ដ​ Vauxhall Corsa ពណ៌​លឿង​របស់​បុរស​វ័យ​ចំណាស់​នោះ​បាន​បាំង​បិទ​ទិដ្ឋភាព​អគារ​កម្មសិទ្ធិ National Trust ជិត​។

លោក លី ម៉េកខាល់លូម វ័យ​៤០​ឆ្នាំ​ ជា​អ្នក​ថត​រូប​ ដែល​បាន​បើក​ក្រុម​ហ៊ុន​ទេសចរណ៍​ក្នុង​ស្រុក បាន​លើក​ឡើង​ថា​៖ «អគារ​បុរាណ​ដែល​មាន​រូប​តំណាង​ក្នុង​លិខិត​ឆ្លង​ដែន​នោះ​ត្រូវ​បាន​រថយន្ដ​ពណ៌​លឿង​បាំង​បិទ​រៀង​រាល់​ពេល​ដែល​ភ្ញៀវ​ទេសចរ​ថត​រូប​ម្ដង​ៗ​»។

ភ្ញៀវ​ទេស​ចរ វ័យ​៥៩​ឆ្នាំ ឈ្មោះ វេនឌី ហារីស និយាយ​ថា ឡាន​តូច​ពណ៌​លឿង​ហ្នឹង​ក៏​មាន​ក្នុង​រូបថត​ពេល​ទៅ​ទស្សនា​ក្នុង​ឆ្នាំ​២០១៣ ដែរ​។

ដោយ​ឡែក លោក ភីតធើរ ម៉ាតដុក ដែល​បាន​រស់​នៅ​ក្នុង​ភូមិឋាន​នៃ​ក្រុង​អាលីងតុនរ៉ូ​រយៈ​ពេល​១២​ឆ្នាំ​ បាន​និយាយ​ថា លោក​ត្រូវ​តែ​ចត​រថយន្ត​នៅទី​នេះ​ព្រោះ​តែ​គ្មាន​ចំណត​។

លោក​ថា៖ «ភ្ញៀវ​ទេសចរ​អាច​ហាមាត់​ប្រាប់​ខ្ញុំ​បាន​តើ។ ខ្ញុំ​នឹង​ជម្រាប​វិញ​ថា គ្មាន​កន្លែង​ណា​ផ្សេង​​ទៀត​ឲ្យ​ខ្ញុំ​ចត​វា​ឡើយ​»។

ចំណែក​លោក ហ្វ្រាំងខុម រ៉ូប៊ីនសុន វ័យ​៧១​ឆ្នាំ ​ដែល​រស់​នៅ​ទី​នោះ​​ជាង​២៣​ឆ្នាំ បាន​និយាយ​ការ​ពារ​អ្នក​ជិត​ខាង​ថា៖ «​គួរ​ណាស់​តែ​ភ្ញៀវ​មាន​ការ​យល់​ដល់​សភាព​រស់​នៅ​របស់​ម្ចាស់​​ស្រុក​នេះ​ទៅ​វិញ​ទើប​សម។ ចុះ​គ្មាន​កន្លែង​ណា​ផ្សេង​ទៀត​សម្រាប់​ថត​ទេអី ក្រៅ​ពី​ផ្ទះ​មាន​ឡាន​តូច​ពណ៌​លឿង​ចត​នោះ?»។

ស្រ្តី​អ្នក​ស្រុក​ឈ្មោះ គ្រីស្ទីន ឆាល់តុន បាន​និយាយ​ថា៖«ទី​នេះ​មិន​មែន​កន្លែង​កម្សាន្ត​ដូច​ជា​នៅ​តំបន់​ Disney World ឯណា? ចុះ​គ្មាន​កន្លែង​ផ្សេង​សម្រាប់​ថត​រូប​ទេ​អី បាន​ជា​មក​ទើស​អី​នឹង​រថយន្ត​លោក​ ភីតធើរ នេះ​ទៅ​វិញ? មិន​អាណិត​គាត់​ជា​មនុស្ស​ចាស់​ជរា​ទេ​ឬ?​ពិត​ជា​គួរ​ឲ្យ​ឆ្ងល់​មែន​ទែន​?»៕ ​PR

អត្ថបទគួរចាប់អារម្មណ៍