.jpg)
ថ្មីៗនេះ តារាស្រីស្រស់ វ៉ាន់ វល័ក្ខ បង្ហោះរូបបុរសកំបាំងមុខ ទំនងជាគូស្នេហ៍នាង។ រូបថត ហ្វេសប៊ុក, តារាសម្តែងស្រីសិចស៊ី កញ្ញា វ៉ាន់ វល័ក្ខ ដែលបច្ចុប្បន្នកំពុងសម្ញែងរថយន្តទុំនើប Lexus 570 ឆ្នាំ២០២០។ រូបថត ភ្នំពេញ ប៉ុស្តិ៍
ភ្នំពេញ៖ ពេលថ្មីៗនេះ បង្កើតការភ្ញាក់ផ្អើលផ្ទួនៗគ្នាតែម្តងពីសំណាក់តារាសម្តែងសិចស៊ី ចូលចិត្តសម្ញែងនូវដើមទ្រូងទាំងគូដ៏ទ្រលុកទ្រលន់ ទាក់ទាញក្រសែភ្នែកបុរសគយគន់មិនចេះជិនណាយកញ្ញា វ៉ាន់ វល័ក្ខ ដូរមកជិះរថយន្តថ្មីសន្លាងម៉ាក Lexus 570 ស៊េរីឆ្នាំ ២០២០ មានតម្លៃជាង ២០ ម៉ឺនដុល្លារ ខណៈរថយន្តចាស់នាងម៉ាកឡង់គ្រីស័រ មានតម្លៃមិនក្រោមចំនួន ១០ ម៉ឺនដុល្លារនោះទេ។
មិនយូរប៉ុន្មានតារាស្រីដែលក្តោបឱកាសលើកដំបូង ជាតួឯកសម្តែងភាពយន្ដដោយសារភាពសិចស៊ីជះលុយកែដើមទ្រូងឲ្យកាន់តែសិចស៊ីខ្លាំងមើលភ្លឹក ស្រាប់តែបង្ហាញរូបកៀកកើយប្រុសស្នេហ៍ តែហាក់នៅមិនទាន់ហ៊ានឲ្យគេឃើញមុខមាត់បុរសនោះពិតនៅឡើយ ដោយសារមានការបិទបាំងមុខហើយក៏បង្ហើរសារសរសើរប្រុសថា ពូកែលួងពេលនាងខឹងម្ដងៗ។
បើតាមប្រភពពីសង្គមអ្នកសិល្បៈបង្ហើបថា បើតាមពិនិត្យមើលទៅភិនភាគនោះ បុរសជាគូស្នេហ៍របស់កញ្ញា វល័ក្ខ មិនមែនជាប្រុសវ័យចំណាស់នោះទេ គឺជាបុរសមានវ័យខ្ទង់ ៤០ ឆ្នាំស្ដើងប៉ុណ្ណោះ ហើយថែមទាំងមានរូបរាងសង្ហាទៀតផង ដែលមហាជនកំពុងតែសង្ស័យថា ប្រុសដែលពូកែថ្នាក់ថ្នមចិត្តនាងនេះ អាចជាមនុស្ស ដែលនៅពីខាងក្រោយនៃការទិញដូររថយន្តទំនើបៗកន្លងមក ជាពិសេសរថយន្តថ្មីម៉ាកLexus LX570 Kuro 2020 ដែលមានតម្លៃរហូតដល់ទៅប្រមាណ ២៣ ម៉ឺនដុល្លារឯណោះ តែនាងបែរជាមិនចង់ឲ្យគេស្គាល់មុខមាត់ពិតបុរសនោះទៅវិញ។
តែតារាសម្តែងស្រីរូបស្រស់បុប្ផា មកពីខេត្តកំពង់ធំ កញ្ញា វ៉ាន់ វល័ក្ខ ខណៈអាជីពសិល្បៈកំពុងតែឈានទៅមុខ ដោយជោគជ័យនៅក្នុងការថតកុនយ៉ាងជាប់រដឹក សឹងតែគ្មានពេលទំនេរ ក៏តែងតែបានប្រកាសចំណាយប្រាក់ខ្ទង់រាប់ម៉ឺនដុល្លារទិញរថយន្តស៊េរីទំនើប មិនចង់ឲ្យចាញ់ក្រុមតារាស្រីៗដទៃនោះ មិនអាចសុំការបកស្រាយការពិតស្តីពីអត្តសញ្ញាណបុរសដែលមហាជនសង្ស័យថា ទំនងជាគូស្នេហ៍នាងនោះបានទេ កាលពីម្សិលមិញ ដោយប្រព័ន្ធទូរស័ព្ទមិនអាចទាក់ទងបាន។
គួររំឭកដែរថា នាពេលកន្លងមកថ្មីៗនេះ តារាសម្តែងស្រីសិចស៊ី ដែលផុសនូវភាពល្បីដោយហ៊ានលែងល្វែងលើកញ្ញា វ៉ាន់ វល័ក្ខ បានបង្ហើរសារតាមបណ្តាញសង្គមថា នឹងដូរទាំងរថយន្ត ដូរទាំងស្នេហា ជាមួយនឹងសារថា៖ «ដូរស្នេហា ដូរឡាន» អមនឹងរូបភាពរថយន្តទំនើបថ្មីម៉ាកឡង់គ្រីស័រ ដែលមានតម្លៃប្រហែលជាមិនក្រោមចំនួន ១០ ម៉ឺនដុល្លារនោះ។
កញ្ញា វ៉ាន់ វល័ក្ខ តារាស្រីដែលរាសីឡើងខ្ពស់ត្រដែត នាមួយរយៈពេលចុងក្រោយនេះ ពោលគឺចាប់តាំងពីនាងបានចែកផ្លូវគ្នាជាមួយអតីតគូស្នេហ៍មក ក៏ផ្លាស់ប្ដូររថយន្ដជិះជាបន្ដបន្ទាប់ ដូចជាដំបូងនាងធ្លាប់ជិះម៉ាក Highlander ក្រោយដូរមកជិះម៉ាក Land Cruiser V8 និងចុងក្រោយនេះឈានមកជិះរថយន្ដថ្លៃកប់ពពកម៉ាក Lexus LX570 Kuro 2020 ដែលកញ្ញា ទើបតែបានទិញកាលពីដើមខែកក្កដា ឆ្នាំ ២០២០ មុននេះ៕
