The Phnom Penh Post Search

Search form




Logo of Phnom Penh Post newspaper Phnom Penh Post - មហោស្រព​តន្ត្រី និង​របាំ​ខ្មែរ ប្រារព្ធ​ធ្វើ​នៅ​វៀតណាមអបអរ​ឆ្នាំ​ថ្មី

មហោស្រព​តន្ត្រី និង​របាំ​ខ្មែរ ប្រារព្ធ​ធ្វើ​នៅ​វៀតណាមអបអរ​ឆ្នាំ​ថ្មី

Content image - Phnom Penh Post
មហោស្រព​តន្ត្រី និង​របាំ​ខ្មែរ​នៅ​ខេត្ត​សុកត្រាង​។ រូបថត VNS/Asia News Network

មហោស្រព​តន្ត្រី និង​របាំ​ខ្មែរ ប្រារព្ធ​ធ្វើ​នៅ​វៀតណាមអបអរ​ឆ្នាំ​ថ្មី

ខេត្តសុកត្រាង: មហោស្រព​តន្ត្រី និង​របាំ​ខ្មែរ​ដំបូង​បំផុត​នៅ​ឆ្នាំ ២០១៩ ត្រូវ​បាន​ប្រារព្ធ​ធ្វើ​នៅ​ទីក្រុង​សុកត្រា ខេត្ត​សុកត្រាង នៃ​តំបន់​ដីសណ្ដ​ទន្លេ​មេគង្គ ភាគ​ខាងត្បូង​វៀតណាម​។

កម្មវិធី​មហោស្រព​នេះ​គឺជា​ផ្នែក​មួយ​នៃ​សកម្មភាព​លើកស្ទួយ​វប្បធម៌ និង​ដើម្បី​អបអរ​បុណ្យ​ចូលឆ្នាំថ្មី ប្រពៃណី​ខ្មែរ​ដែល​នឹង​មក​ដល់​នៅ​ថ្ងៃ​ទី​ ១៤ ១៥ និង ១៦ ខែ​មេសា​។

មហោស្រព​នេះ​បាន​ទាក់ទាញ​សិល្បករ សិល្បការិនី​ចាស់​ក្មេង​ចំនួន​ប្រមាណ ៣០០ ​នាក់​ដែល​សុទ្ធសឹង​តែ​ជា​ក្រុម​សម្ដែង​សិល្បៈ​មកពី​បណ្ដា​ខេត្ត​នានា​នៅ​ប្រទេស​វៀតណាម​។

ក្រុម​សិល្បៈ​បាន​ផ្ដល់​នូវ​ទស្សនីយភាព​សម្ដែង​ក្នុង​ទម្រង់​ប្លែកៗ​ពី​គ្នា​សរុប​ចំនួន ១២៥ ដោយ​ក្នុង​នោះ​មាន​ការសម្ដែង​វប្បធម៌ ការបង្ហាញ​តន្ត្រី​បុរាណ​ប្រពៃណី និង​ការសម្ដែង​លក្ខណៈ​កីឡា​ជាដើម​។

អ្នក​ចូលរួម​មហោស្រព​ក៏​ត្រូវ​បាន​អញ្ជើញ​ឲ្យ​ឡើង​រាំ​ជាមួយ​សិល្បករ​ក្មេងៗ ក្នុង​សម្លៀកបំពាក់​ប្រពៃណី​ខ្មែរ និង​ការតុបតែង​កាយ​បែប​ជនជាតិ​ដើម​ដើម្បី​ស្វែងយល់​ពី​ឫសគល់​នៃ​វប្បធម៌ និង​សិល្បៈ​ខ្មែរ​។

Content image - Phnom Penh Post
សិល្បករ សិល្បការិនី​ប្រមាណ ៣០០ នាក់​បាន​ចូលរួម​សម្ដែង​ក្នុង​មហោស្រព​លើក​ដំបូង​។ រូបថត VNS/Asia News Network

មហោស្រព​នេះ​ក៏​មាន​ការសម្ដែង​ពិសេស​ពី​ក្រុម​ល្ខោនបាសាក់​ទម្រង់​ប្លែក​ដែល​ត្រូវ​បាន​បង្កើតឡើង​ដោយ​ប្រជាជន​ខ្មែរ​នៅ​ប្រទេស​វៀតណាម​ហៅថា Du Ke​។

ទម្រង់​ល្ខោន​បាសាក់​នេះ​មាន​ប្រភព​កកើត​ខេត្ត​នៅ​ត្រា​វិញ​ក្នុង​អំឡុង​ឆ្នាំ​ ១៩២០ ដោយសារ​តែ​កសិករ​នៅ​ទីនោះ​និយម​ចូលចិត្ត​ការច្រៀង​។ ទម្រង់​សិល្បៈ​នេះ​ត្រូវ​បាន​សារព័ត៌មាន​វៀតណាម​ចុះ​ផ្សាយ​ថា ជា​ភាព​ច្នៃប្រឌិត​ដ៏មាន​ប្រជាប្រិយភាព​របស់​ប្រជាជន​ខ្មែរ​នៅ​ទី​នោះ​។

ការសម្ដែង​ល្ខោន​បាសាក់​ត្រូវ​បាន​ធ្វើ​ឡើង​ដោយ​ក្រុម​ល្ខោន​ល្បីល្បាញ​មកពី​ខេត្ត​ត្រា​វិញ​ដែល​ជា​ទឹកដី​កំណើត​នៃ​ទម្រង់​សិល្បៈ​នេះ​តែ​ម្ដង​។

លោក ង្វៀង វ៉ានប៉ុង នាយក​ស្ថានីយទូរទស្សន៍​ខេត្ត​សុកត្រាង និង​ជា​សមាជិក​ជាន់ខ្ពស់​នៃ​គណៈកម្មការ​រៀបចំ​កម្មវិធី​មហោស្រព​តន្ត្រី និង​របាំ​ខ្មែរ​នៅ​ទី​នោះ បាន​ឲ្យ​ដឹង​ថា​៖ «​ដោយ​គ្រង​សម្លៀកបំពាក់​ប្រពៃណី​ខ្មែរ សិល្បករ​សិល្បការិនី​យើង​បាន​ច្រៀង រាំ និង​សម្ដែង​យ៉ាង​រស់រវើក​លើ​ឆាក​ដែល​ឆ្លុះបញ្ចាំង​ពី​សាសនា ប្រពៃណី ទំនៀមទម្លាប់ និង​វប្បធម៌​ខ្មែរ​»​។

លោក​បាន​លើក​ឡើង​ទៀត​ថា​៖ «​តាមរយៈ​មហោស្រព​នេះ​យើង​សង្ឃឹម​ថា ក្មេងៗ​ជំនាន់​ក្រោយ​នឹង​អាច​សិក្សា​ស្វែងយល់​ពី​សិល្បៈ​ប្រពៃណី និង​វប្បធម៌​ដើមកំណើត​របស់​ខ្លួន​ក៏​ដូចជា​ចាប់​យក​នូវ​មេរៀន​ល្អៗ​ដ៏​មាន​ប្រយោជន៍​ក្នុង​ជីវិត ដូចជា​ជំរុញ​ការស្រឡាញ់​រាប់អាន​គ្នា​»​។

ខេត្ត​សុកត្រាង​មាន​ជនជាតិ​ខ្មែរ​ជាង ៣៩៧០០០ នាក់​ដែល​ស្មើនឹង​ប្រមាណ ៣០ ភាគរយ​នៃ​ចំនួន​ពលរដ្ឋ​សរុប​។

នៅ​ប៉ុន្មាន​ឆ្នាំ​ចុងក្រោយ​នេះ​សហគមន៍​ខ្មែរ​រស់នៅ​ខេត្ត​សុកត្រាង​ត្រូវ​បាន​សម្គាល់​ឃើញ​ពី​ការរីកចម្រើន​នៃ​ជីវភាព​រស់នៅ​របស់​ពួកគេ​។

មហោស្រព​តន្ត្រី និង​របាំ​ខ្មែរ​ឆ្នាំ ២០១៩ ត្រូវ​បាន​បញ្ចប់​កាលពី​ថ្ងៃ​ទី ៩ ខែ​មេសា​កន្លង​ទៅ​ថ្មីៗ​នេះ​៕ VNS/Asia News Network

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។