.jpg)
ឈុតមួយនៃកុនរឿង «The Prey» នឹងចាក់បញ្ចាំងក្នុងមហោស្រពភាពយន្តអន្តរជាតិលើកទី ៩ ឆ្នាំ ២០១៩។ រូបថត AFP
ភ្នំពេញៈ មហាស្រពភាពយន្តអន្តរជាតិកម្ពុជាលើកទី ៩ ដែលជាព្រឹត្តិការណ៍ភាពយន្តដ៏ធំប្រចាំឆ្នាំនឹងចាប់ផ្តើមពីថ្ងៃទី ៩ ដល់ថ្ងៃទី ១៤ ខែមីនា ឆ្នាំ ២០១៩ ចុងសប្តាហ៍នេះ។
បើតាមលោក ស៊ុន ខេមរា បុគ្គលិកទំនាក់ទំនងព័ត៌មាននៃក្រុមរៀបចំកម្មវិធីមហោស្រពភាពយន្តអន្តរជាតិ-កម្ពុជាបានឲ្យដឹងតាមរយៈសេចក្តីប្រកាសព័ត៌មានថា៖ «មហោស្រពភាពយន្តអន្តរជាតិកម្ពុជាលើកទី ៩ នឹងធ្វើការបង្ហាញនូវខ្សែភាពយន្តរហូតដល់ទៅជាង ១៣០ ចំណងជើង និងមកពី ៣៧ ប្រទេសទូទាំងពិភពលោកក្នុងនោះរួមមានទាំងភាពយន្តខ្នាតខ្លី ភាពយន្តខ្នាតធំ ភាពយន្តឯកសារ និងភាពយន្តគំនូរជីវចល។
ចាប់ពីថ្ងៃទី ៩ ដល់ថ្ងៃទី ១៤ ខែមីនានេះមហោស្រពភាពយន្តរបស់យើងនឹងចាក់បញ្ចាំងខ្សែភាពយន្តចំនួន ១៥០ លើកនៅតាមរោងភាពយន្តធំៗមួយចំនួនក្នុងរាជធានីភ្នំពេញក្នុងនោះរួមមាន រោងភាពយន្តលេជេន រោងភាពយន្តម៉េជ័រស៊ីណេផ្លិច រោងភាពយន្តប្រែមស៊ីណេផ្លិច មជ្ឈមណ្ឌលបុប្ផាណា សាលមហោស្រពចតុមុខ និងសណ្ឋាគាររ៉ូសវូដ»។
លោក ស៊ុន ខេមរា បន្តឲ្យដឹងថា៖ «ជារៀងរាល់ឆ្នាំមហោស្រពរបស់យើងតែងតែបង្ហាញជូននូវខ្សែភាពយន្តដែលផលិត និងនិយាយអំពីប្រទេសកម្ពុជា។ ក្នុងនោះក៏មានខ្សែភាពយន្តមួយចំនួននឹងត្រូវចាក់បញ្ចាំងជាលើកដំបូងបង្អស់លើទឹកដីប្រទេសកម្ពុជាផងដែរដូចជាខ្សែភាពយន្តរឿង «ហ្វ៊ូណន» (ភាពយន្តជាប់ពានរង្វាន់ក្នុងមហោស្រពភាពយន្តគំនូរជីវចលទីក្រុងអានស៊ី ឆ្នាំ២០១៨) រឿង «ផ្នូរគ្មានឈ្មោះ» (មហោស្រពភាពយន្តទីក្រុងវេនីស ជាបេក្ខភាពនឹងទទួលពានរង្វាន់អូស្ការ ឆ្នាំ ២០១៩ តំណាងឲ្យកម្ពុជា) រឿង «តន្ត្រីជីវិត» (មហោស្រពភាពយន្តអន្តរជាតិទីក្រុងតូក្យូ) រឿង «The Prey» (មហោស្រពភាពយន្តអន្តរជាតិទីក្រុងប៊ូសាននៅឆ្នាំ ២០១៨)។ល។
លោក Cedric Eloy នាយករៀបចំកម្មវិធីមហោស្រពភាពយន្ដអន្ដរជាតិកម្ពុជា។ សហការី។ រូបថត សហការី
ដោយឡែកកម្មវិធីពិសេសឆ្នាំនេះនឹងបង្ហាញជូននូវខ្សែភាពយន្តខ្នាតធំ ក៏ដូចជាខ្សែភាពយន្តឯកសារល្បីៗដែលនិយាយអំពីរបបប្រល័យពូជសាសន៍នៅកម្ពុជា។ កម្មវិធីដ៏ពិសេសនេះក៏រួមបញ្ចូលការតាំងពិព័រណ៍ស្នាដៃសិល្បៈ ព្រមទាំងកិច្ចពិភាក្សាដែលនឹងប្រព្រឹត្តទៅនៅឯមជ្ឈមណ្ឌលបុប្ផាណាតែម្តង»។
កម្មវិធីមហោស្រពភាពយន្តអន្តរជាតិកម្ពុជាមានបំណងចង់ភ្ជាប់នូវបណ្ដាញទំនាក់ទំនងគ្នារវាង ផលិតករភាពយន្តកម្ពុជាដូចជាសហគមន៍ជនជាតិខ្មែរដែលកំពុងតែរស់នៅឯក្រៅប្រទេសផងដែរ ដូចជា សហរដ្ឋអាមេរិក បារាំង កាណាដា អូទ្រីស អូស្ត្រាលី នូវែលសេឡង់។ល។
បុគ្គលិកទំនាក់ទំនងព័ត៌មាននៃក្រុមរៀបចំកម្មវិធីមហោស្រពភាពយន្តអន្តរជាតិកម្ពុជាលោក ស៊ុន ខេមរា បន្ថែមថា៖ «ផលិតករភាពយន្តវ័យក្មេងកម្ពុជាក៏នឹងបង្ហាញស្នាដៃថ្មីៗរបស់ពួកគេនៅលើផ្ទាំងបញ្ចាំងភាពយន្តរបស់យើងផងដែរតាមរយៈកម្មវិធីខ្សែភាពយន្តខ្លីរបស់កម្ពុជា។
ដូចជាកម្មវិធីមហោស្រពភាពយន្តអន្តរជាតិឆ្នាំនេះ យើងនឹងបង្ហាញនូវខ្សែភាពយន្តខ្មែរខ្នាតខ្លីជាច្រើនរួមមានដូចជាកុនរឿង «មួយលានឆ្នាំ» ដោយផលិតករ សាន ដានិច (ត្រូវបានជ្រើសរើសនៅក្នុងមហោស្រពភាពយន្តអន្តរជាតិសិង្ហបុរី) ព្រមទាំងរឿង «កូនប្រុសខែចេត្រ» របស់ រ៉ូប៊ីន វេរេតដែល នឹងចាក់បញ្ចាំងជាលើកដំបូងបង្អស់នៅក្នុងមហោស្រពភាពយន្តអន្តរជាតិកម្ពុជាឆ្នាំ ២០១៩ នេះ ផ្ទាល់តែម្ដង»៕
នុងមហោស្រពភាពយន្តទីក្រុងប៊ូសាន) រឿង «ដីថ្មីផ្លូវខូច» ដោយផលិតករ នាង កាវិច (ត្រូវបានជ្រើសរើសក្នុងមហោស្រពភាពយន្តអន្តរជាតិសិង្ហបុរី) ព្រមទាំងរឿង «កូនប្រុសខែចេត្រ» របស់ រ៉ូប៊ីន វេរេតដែល នឹងចាក់បញ្ចាំងជាលើកដំបូងបង្អស់ក្នុងមហោស្រពភាពយន្តអន្តរជាតិកម្ពុជាឆ្នាំនេះផ្ទាល់តែម្ដង»៕
