The Phnom Penh Post Search

Search form

Logo of Phnom Penh Post newspaper Phnom Penh Post - មហោស្រព​សិល្បៈ​ក្រុង​បាត់ដំបង​លើកដំបូង ទទួល​បានការ​ចាប់អារម្មណ៍​ខ្លាំង




មហោស្រព​សិល្បៈ​ក្រុង​បាត់ដំបង​លើកដំបូង ទទួល​បានការ​ចាប់អារម្មណ៍​ខ្លាំង

Content image - Phnom Penh Post
ភ្ញៀវ​ទេសចរ និង​ប្រជាជន​​ទស្សនាការ​សម្ដែង​មហោស្រព​សិល្បៈ​ក្រុង​បាត់ដំបង​។ ហ្វារ​ពន្លឺ​សិល្បៈ

មហោស្រព​សិល្បៈ​ក្រុង​បាត់ដំបង​លើកដំបូង ទទួល​បានការ​ចាប់អារម្មណ៍​ខ្លាំង

បាត់ដំបង: មហោស្រព​សិល្បៈ​ក្រុង​បាត់ដំបង​លើកដំបូង​ត្រូវបាន​ប្រារឰឡើង​កាលពី​ថ្ងៃសៅរ៍​មុន ដែលមាន​ការចូលរួម​ពី​សិល្បករ​សម្ដែង ដូចជា សៀក របាំ​តន្ដ្រី និង​គំនូរ​ជាង ៧០ នាក់​សម្រាប់​ព្រឹត្ដិការណ៍ និង​សិក្ខាសាលា​នានា​លើ​ការហែក្បួន​តាម​សួនច្បារ​ស្រប​មាត់ស្ទឹង។

មហោស្រព​នេះ​គឺជា​សមិទ្ធផល​ពីជំនួប​ប្រជុំ​ក្រៅផ្លូវការ​ជាច្រើន​លើក​ច្រើនសា​ក្រោមការ​អំពាវនាវ​របស់​ក្រុម​សិល្បករ​ក្នុងស្រុក និង​សមាជិក​សហគមន៍​ដែល​ធ្វើឡើង​នៅក្នុង​ហាង​កាហ្វេ និង​វិចិត្រសាល​អស់​រយៈពេល ៦ ខែ។

គោលបំណង​ចម្បង​របស់​ពួកគេ​គឺការ​បង្ហាញ​វប្បធម៌​របស់​ក្រុង​បាត់ដំបង​ដែល​ប្រជាជន​កម្ពុជា​ជាច្រើន​បាន​ផ្សារភ្ជាប់​ទំនាក់​ទំនងជា​មួយ​អ្នកសិល្បៈ​សហសម័យ។ ជាសហ​អ្នក​រៀបចំម​ហោស្រព​និង​ជា​អគ្គនាយក​សាល​វិចិត្រ​សង្កែ អ្នកស្រី ឡូរ៉ា ភេទីត បាន​និយាយថា៖ «យើង​ចង់​បង្ហាញថា​បាត់ដំបង​មាន​អ្នកសិល្បៈ​ជាច្រើន»។

Content image - Phnom Penh Post
សកម្មភាព​សិល្បៈ និង​រូបអាយ៉ង​យក្ស​កាលពី​ថ្ងៃ​សៅរ៍​​។ ហ្វេសប៊ុក

អ្នកស្រី​បន្ដថា សិល្បករ​ជាច្រើន​សំដៅ​ចាប់ពី​អ្នកសិល្បៈ​វ័យក្មេង​រហូតដល់​កា្លយជា​អ្នក​អាជីព​នៅ​បាត់ដំបង​តែម្ដង។ ជាងគំនូរ លីម លៀង​ឆាយ​បាន​និយាយថា​លោក​និង​ក្រុមការងារ​បាន​ផលិត​រូប​អាយ៉ងធំៗពីរ​ដើម្បី​តាំង​បង្ហាញ​នៅ​ច្រកចូល​មហោស្រព។

លោក​បាន​និយាយថា៖ «ខ្ញុំ​មាន​ក្ដីរំភើប​រីករាយ​ដែលមាន​ការរៀបចំ​ព្រឹត្ដិការណ៍​ធំនៅ​បាត់ដំបង​ដើម្បី​កៀរគរ​អ្នកសិល្បៈ​ទាំងអស់​មក​ប្រជុំគ្នា។ វា​គឺជា​លើកទីមួយ​សម្រាប់​ពួកយើង​ក្នុងការ​បង្ហាញ​ស្នាដៃ​សិល្បៈប្លែកៗជូន​សាធារណជន​បាន​ទស្សនា»។

វាជា​វេទិកា​បង្ហាញ​ពីវប្បធម៌​ដ៏សម្បូរ​បែបពី​អតីត​ផងដែរ។ ម្យ៉ាងវិញទៀត​មហោស្រព​នេះនឹងមាន​ការបង្ហាញ​រូបចម្លាក់​កវី​ស្ទឹងសង្កែ លោក គង្គ ប៊ុនឈឿន យោងតាម​អ្នកសិល្បៈ​ដែល​បាន​ចូលរួម​លោក នូវ​ជានិច្ច។ កវីនិពន្ធ​កំណាព្យ​ចម្រៀង និង​ដឹកនាំ​រឿង​ល្បីឈ្មោះ​រូបនេះ​បាន​លាចាក​លោក​នៅ​ប្រទេស​ន័រវែស​ក្នុង​អាយុ ៧៦ ឆ្នាំ។

លោក ជានិច្ច បានបង្ហាញ​ស្នាដៃ​គំនូរ​គូរភ្លាមៗ​ជាមួយ​នឹង​វិចិត្រករ​ពីររូប​ផ្សេងទៀត។ លោក​បានឲ្យ​ដឹងថា៖ «វា​មិន​ត្រឹមតែ​ជា​ព្រឹត្ដិការណ៍​មហោស្រព ១ ថ្ងៃនេះ​ទេ តែ​វាជា​ឱកាស ដែល​យើង​អាចជួបគ្នា​ជជែក​ពីគម្រោង​អនាគត​ផងដែរ»។

មហោស្រព​បានចាប់ផ្ដើម​ដោយមាន​អ្នក​ដង្ហែ​ក្បួន ៥០ នាក់តាម​វិថី​ក្រុង​បាត់ដំបង។អ្នកស្រី ភេទីត បាន​បន្ថែមថា៖ «យើង​ពិតជា​ចង់បង្ហាញ​ពីសិល្បៈ​អ្នកក្រុង​បាត់ដំបង និង​ស្ថាបត្យករ​ក្នុងក្រុង​បុរាណ​នេះ​ដើម្បី​ឲ្យ​មនុស្សម្នា​បានដឹងថា​នៅទីនេះ​មាន​អ្នកសិល្បៈ​ច្រើន មិនមែន​មានតែ​វិចិត្រសាល​ប៉ុណ្ណោះ​ទេ»៕

Audrey Wilson និង Vandy Muong
HR

អត្ថបទគួរចាប់អារម្មណ៍