The Phnom Penh Post Search

Search form




Logo of Phnom Penh Post newspaper Phnom Penh Post - មាន សូនីតា​ ពន្លះ​អ្នក​ចោទ​នាង​​រឿង​មាន​ស្នេហា​ត្រីកោណ​ប៉ះ​ប្តី​គេ




មាន សូនីតា​ ពន្លះ​អ្នក​ចោទ​នាង​​រឿង​មាន​ស្នេហា​ត្រីកោណ​ប៉ះ​ប្តី​គេ

Content image - Phnom Penh Post
តារា​សម្តែង​ស្រី មាន សូនីតា ចេញ​សារដ៏វែង​ពន្លះ​ទៅ​អ្នក​ចោទនាង​ថាដណ្តើមប្តីគេ​​។ រូបថត ហ្វេសប៊ុក, តារា​សម្តែង និងជា​​ថៅកែស្រីនៃ​​ផលិត​ផល​ក្រមា​ កញ្ញា មាន សូនីតា។ រូបថត ហុង មិនា​

មាន សូនីតា​ ពន្លះ​អ្នក​ចោទ​នាង​​រឿង​មាន​ស្នេហា​ត្រីកោណ​ប៉ះ​ប្តី​គេ

ភ្នំពេញ៖ ថ្មីៗ​នេះ ក៏​ស្រាប់​តែ​ផ្ទុះ​សង្រ្គាម​ពាក្យ​សម្តី​​តាម​បណ្តាញ​សង្គម ​ជុំវិញ​រឿង​ចោទ​ប្រកាន់​ទៅ​លើ​​តារា​សម្តែង​ស្រី ដែល​មហាជន​ស្គាល់ ឬ​បាន​​ដាក់​រហស្សនាម​ថា «រាជិនី​ក្រមា» កញ្ញា មាន សូនីតា ដោយក​ញ្ញា​បាន​​រក​ឃើញ​​នូវ​ប្រភព​ចោទ​ប្រកាន់​​​ទម្លាយ​​​សារ​​​ចេញ​ពី​ហ្វេសប៊ុក​​ឈ្មោះ​ Confessions​ ដែល​បាន​អះអាង​ថា ជា​ប្រពន្ធ​​ដើម​​ស្រប​ច្បាប់​របស់​បុរស​ឈ្មោះ​ ​បេន។​

ក្រោយ​ពី​មាន​សារ​ទម្លាយ​ពី​គណនី​ខាង​លើ​​នេះ​មក ​រឿង​រ៉ាវ​​ក៏​កាន់​តែ​វែង​ឆ្ងាយ​រហូត​លេច​ឮ​ទៅ​​ដល់​​តារា​សម្តែង និង​ម៉ូដែល​​ រាង​ខ្ពស់​ស្រឡះ មាន​ធ្មេញ​​​ច្រពើស​កញ្ញា មាន សូនីតា ទំនង​ជា​​​​ទ្រាំ​លែង​បាន​ទៅ​នឹង​ការ​ចោទ​ប្រកាន់​នោះ​ហើយ​កញ្ញា​ក៏​បាន​​ចេញ​សារ​ដ៏​វែង​អន្លាយ​មួយ​ពន្លះ​អ្នក​ពាក់ព័ន្ធ​នឹង​ការ​វាយ​ប្រហារ​មក​លើ​ខ្លួន​មួយ​រំពេច។

តារា​ស្រី​ស្រស់​កញ្ញា មាន សូនីតា ក៏​បាន​​​តប​សារ​​​វិញ​ថា៖ «​ជូន​​ចំពោះ​អ្នក​ក្លាហាន ​វិភាគ​សង្គម ​ហ្វេសប៊ុក ​facebook ​ទាំង​ឡាយ! ខ្ញុំ​បាន​​​​ទទួល​សារ​ និង​ការ​ទាក់ទង​ពី​មិត្តភក្តិ អ្នក​គាំទ្រ​ច្រើន​មែន​ទែន ប្រាប់​ខ្ញុំ​ពី​រឿង ដែល​អ្នក​ក្លាហាន​វិភាគ​សង្គម​ហ្វេសប៊ុក ​កំពុង​ជ្រួល​ច្របល់​លើ​ហ្វេសប៊ុក​ថ្ងៃ​នេះ។​

រួច​ខ្ញុំ​ក៏​ចូល​មើល​​​ផេក Confessions ដែល​ជា​កន្លែង​ដើម​ហេតុ។ ​មិន​គួរ​ឲ្យ​ជឿ​ថា សង្គម​យើង​ ប្រជាជន​យើង (ចំពោះ​តែ​មនុស្ស​ប្រភេទ​​​ហ្នឹង) ​មិន​មាន​ការ​គិត​ទាល់​តែ​សោះ លឿន​​ហួស​ការ​ស្មាន! ​​មិន​​ចប់​ត្រឹម​​ហ្នឹង​ទេ អ្នក​ទាំង​នោះ​​ បាន​សរសេរ comment​ ​មក​លើ​រូបភាព​​ដែល​​​នាង​ខ្ញុំ​បាន​បង្ហោះ​ ពេល​​​ថ្ងៃ​ត្រង់​នេះ​ទៀត ​ហើយ​​កំពុង​តែ​ចូល​ទៅ​​លុកលុយ​​​​នៅ​ការ​ផុស​​ចាស់ៗ​​​​របស់​ខ្ញុំ​ថែម​ទៀត ​សុទ្ធ​​តែ​ថា​ «រក​ឃើញ​ហើយ​ ​នេះ​មែន​ទែន​ហើយ​អញ​ថា​មែន ​មី​ពួក​តារា​តែ​​អ៊ីចឹង ខ្វះ​ប្តី​មែន បាន​យក​​​របស់​គេ» ​ច្រើន​មហា​ច្រើន! ប្លែក​ចម្លែក​ភ្នែក ​សឹង​តែ​មិន​ជឿ​ថា អ្នក​​ហ៊ាន​​ពេក!»។​

អ្វី​​ដែល​​មហាជន​ចាប់​​អារម្មណ៍​ខ្លាំង​​ ​គឺ​​រឿង​គេ​ចោទ​ប្រកាន់​ថា​​ ​នាង​មាន​​ស្នេហា​ប៉ះ​ចំ​ប្តី​គេ នោះ​ក៏​ត្រូវ​បាន​ ​កញ្ញា មាន សូនីតា ​បាន​បក​​​ស្រាយ​នៅ​​​​ក្នុង​សារ​​​ដ៏​​​វែង​​អន្លាយ​​នោះ​ផង​ដែរ​​ អាច​ចាត់​ទុក​ថា​ ជា​ការ​ជម្រះ​មន្ទិល​មហាជន​ថា​៖​ «អូ!​ មួយ​ទៀត! ​ចំពោះ​​សំណួរ​​មួយ​ទៀត សួរ​ខ្ញុំ​ថា​​ យក​របស់​គេ​ហើយ បាន​មិន​​ដែល​​​​​បង្ហាញ​​មុខ​ដៃ​គូស្នេហា​សោះ។ ​ខ្ញុំ​ចង់​​​​​ប្រាប់​ថា ​ខ្ញុំ​ជា​បុគ្គល​​សាធារណៈ ​(Public Figure) មែន ​ជា​តារា​សម្តែង​​មែន តែ​​​​​​ខ្ញុំ​​មិន​សម្តែង​​ជាមួយ​​​ជីវិត​ពិត​របស់​ខ្ញុំ​ទេ ​(សុំ​និយាយ​​​ម្តង​ទៀត)​ ជីវិត​ស្នេហា​របស់​ខ្ញុំ គឺ​ជា​ជីវិត​ផ្ទាល់​ខ្លួន​របស់​ខ្ញុំ ​និង​ដៃគូ​ខ្ញុំ។​

២ នាក់​ខ្ញុំ​ស្រឡាញ់​គ្នា ​មិន​ចាំបាច់​ត្រូវ​តែ​បង្ហោះ ​ដើរ​ប្រាប់​គេ​ឯង​នោះ​​​​ទេ ​បាន​គេ​ថា​យើង​ស្រឡាញ់​គ្នា ឬ​ក៏​​​ដើម្បី​បង្ហាញ​​ថា ​នាង​ខ្ញុំ​​​ពិត​​ជា​មិន​យក​​​របស់​​គេ​មែន​។ ​ខ្ញុំ​មាន​សិទ្ធិ​ លើ​ការ​សម្រេច​ចិត្ត​​របស់​ខ្ញុំ ​តែ​ខ្ញុំ​មិន​បាន ​និង​​​​​​មិន​បំផ្លាញ ​រំលោភ​សិទ្ធិ​បុគ្គល​ណា​មួយ​​ឡើយ​​»៕​

អត្ថបទគួរចាប់អារម្មណ៍

  • ភ្នំពេញ៖ រដ្ឋមន្ត្រី​ក្រសួង​យុត្តិធម៌​លោក​ កើត ​រិទ្ធ​ បាន​ប្រាប់​ឯកអគ្គ​រាជទូត​អូស្ត្រាលី​លោក ​Pablo​ Kang ​នៅ​ក្នុង​ជំនួប​កាល​ពី​ថ្ងៃ​អង្គារ នៅ​ក្រសួង​យុត្តិធម៌​ថា​ ការ​ចាប់​ខ្លួន​បុគ្គល​ណា​មួយ​ដោយ​សមត្ថកិច្ច គឺ​ធ្វើ​ទ្បើង​ដោយ​អនុលោម​តាម​ច្បាប់​​កម្ពុជា។​

  • ភ្នំពេញ៖ ដោយ​សង្កេត​ឃើញ​ពី​ការ​ប្រឈម​របស់​​ប្រជាកសិករ​កម្ពុជា​​មួយ​ចំនួន​ ជាពិសេស​អ្នក​នៅ​ទី​ដាច់​ស្រយាល​ ដែល​បាត់បង់​ទីផ្សារ​​​​ព្រោះ​តែ​វិបត្តិ​កូវីដ យុវជន ​១ ក្រុម ​បាន​រួមគ្នា​បង្កើត​គម្រោង​ COVID Farmer Hacker ដើម្បី​ជួយ​​អ្នក​ខិតខំ​ដាំដុះ​តែ​ត្រូវ​រងគ្រោះ​ពី​ការ​រំខាន​ដល់​​​សេដ្ឋកិច្ច​​បង្ក​ដោយ​វីរុស​កូរ៉ូណា។​

  • ភ្នំពេញ៖ គ្រឹះស្ថាន​មីក្រូហិរញ្ញវត្ថុ ប្រាសាក់ ​​ដែល​ចុះ​បញ្ជី​សញ្ញាប័ណ្ណ​សាជីវកម្ម​នៅ​ផ្សារ​មូលបត្រ​កម្ពុជា ​(CSX) បាន​រាយការណ៍​អំពី​ប្រតិបត្តិការ​អាជីវកម្ម​ដ៏​ល្អ​ប្រសើរ​នៅ​ត្រីមាស​ទី​២ ​ឆ្នាំ​នេះ ទោះបី​ជា​​ខ្លួន​ទទួល​រង​នូវ​សម្ពាធ​ខ្លះៗ​ពី​ការ​រីក​រាលដាល​ជំងឺ​កូវីដ ​១៩ ​ដែល​បណ្ដាល​ឱ្យ​សេដ្ឋកិច្ច​របស់​កម្ពុជា មាន​ការ​ធ្លាក់ចុះ​ក៏​ដោយ​។​

  • ភ្នំពេញ៖ ​លោកស្រី​ ​ភឿង​ សកុណា ​រដ្ឋមន្រ្តី​ក្រសួង​វប្បធម៌​ និង​វិចិត្រ​សិល្បៈ​បាន​ចេញ​សេចក្ដី​ណែនាំ​ដល់​គ្រប់​អង្គភាព​ពាក់ព័ន្ធ​ក្រោម​ឱវាទ​ក្រសួង​វប្បធម៌ ​និង​គ្រប់​រដ្ឋបាល​ថ្នាក់​ក្រោម​ជាតិ ​អនុវត្ត​នីតិវិធី​ និង​ទម្រង់​បែបបទ​នៃ​ការ​គ្រប់គ្រង​អាជីវកម្ម​កាត់សក់​ ​អ៊ុត​សក់​ និង​លម្អ​ក្រចក

  • ភ្នំពេញ៖ ​រដ្ឋមន្រ្តី​ក្រសួង​សុខាភិបាល​លោក ​ម៉ម​ ប៊ុន​ហេង បាន​ជំរុញ​ឱ្យ​គ្រប់​ភាគី​ពាក់ព័ន្ធ​ទាំង​អស់​ ដែល​ធ្វើ​ការ​ផ្នែក​គាំពារ​មាតា​ និង​ទារក​ ត្រូវ​​បង្កើន​យុទ្ធនាការ​អប់រំ​ផ្សព្វផ្សាយ​អំពី​សារៈសំខាន់​នៃ​ការ​បំបៅ​កូន​ដោយ​ទឹក​ដោះ​ម្តាយ​ និង​ហានិភ័យ​ពី​ការ​បំបៅ​កូន​ដោយ​ទឹក​ដោះ​គោ​ម្សៅ​ផ្សំ​តាម​រូបមន្ត​ទាំង​នៅ​ថ្នាក់​ជាតិ​ និង​ថ្នាក់​ក្រោម​ជាតិ។

  • មណ្ឌលគិរី៖ សាលា​ដំបូង​ខេត្ត​មណ្ឌលគិរី ពី​ម្សិលមិញ​បាន​សម្រេច​ឃុំ​ខ្លួន​ចាងហ្វាង​សារព័ត៌មាន​អនឡាញ​ម្នាក់​នៅ​ពន្ធនាគារ​​ខេត្ត​ក្រោម​បទ​ចោទ ​«ឈូស​ឆាយ​ដី​ព្រៃ​ដោយ​គ្មាន​ការ​អនុញ្ញាត​» បន្ទាប់​ពី​សមត្ថកិច្ច​ឃាត់​ខ្លួន​កាល​ពី​​ថ្ងៃទី ២២ កញ្ញា ​តាម​ដីកា​តុលាការ​ពាក់ព័ន្ធ​ការ​ឈូស​ឆាយ​ដី​ព្រៃ ​និង​ប្រើប្រាស់​សារធាតុ​ញៀន។