The Phnom Penh Post Search

Search form




Logo of Phnom Penh Post newspaper Phnom Penh Post - មាន សូនីតា រវល់​សិល្បៈ​ក៏​មិន​បង្អន់​កិច្ចការ​មនុស្ស​ធម៌




មាន សូនីតា រវល់​សិល្បៈ​ក៏​មិន​បង្អន់​កិច្ចការ​មនុស្ស​ធម៌

Content image - Phnom Penh Post
​រូបភាព និង​សារ​ផ្ដល់​អំណោយ​សៀវភៅ​លើក​ស្ទួយ​ការអាន។ ហ្វេសប៊ុក​

មាន សូនីតា រវល់​សិល្បៈ​ក៏​មិន​បង្អន់​កិច្ចការ​មនុស្ស​ធម៌

ភ្នំពេញៈ ជារឿយៗ​ទោះបី​ការ​ងារ​សិល្បៈ និង​របរអាជីវកម្ម​ផ្ទាល់​ខ្លួន​មមាញឹក​យ៉ាង​ណា​ក្តី ក៏តារា​សម្តែង​ស្រី​មាន​យីអ៊ុន​ឡើងក្រឺតៗ កញ្ញា មាន សូនីតា ទើបតែ​ទទួល​បាននូវ​រហស្ស​នាម​ពីមហា​ជនជា រាជិនី​ក្រមា​នោះ ក៏នៅ​តែបាន​ឆ្លៀត​ពេល​ចូលរួម​នៅក្នុ​ង​កិច្ចការ​ងារ​សកម្មភាព​ជួយ​សង្គម​មិនបង្អន់ ដែល​ជាទង្វើ​គួរឲ្យ​សរសើរ។

បើតាម​សារ​មួយឃ្លា​បង្ហោះ​ក្នុង​ទំព័រ​ហ្វេសប៊ុក​របស់​នាងកាល​ចុងសប្តាហ៍​កន្លងមក​ថា «ថ្ងៃនេះ​បាន​យក​សៀវ​ភៅមក​ឲ្យ​អង្គការ​លើក​ស្ទួយ​ប្រជាពល​រដ្ឋ​ជាមួយ​នឹង​ ម៉ានិត ចំនួន ១០០ ក្បាល​» ជា​មួយ​មូលនិធិ​ឈ្មោះ​ថា Slanh Kromakhmer និង​ SlanhSonyta។

Content image - Phnom Penh Post
​កញ្ញា មាន​ សូនីតា​ ជាតារា​សម្ដែង​។ ឈឹម ស្រីនាង

តារាសម្ដែង​ស្រី​រូប​ស្រស់​ល្បី​ការងារ​មនុស្ស​ធម៌​ជួយសង្គម និង​ជាប់ងារ​ជាឯក​អគ្គរដ្ឋទូត​សុច្ឆន្ទៈ​អប់រំពី​ការធ្វើ​ចំណាក​ស្រុក និង​ការជួញ​ដូរ​មនុស្ស​របស់ USAID ប្រាប់​បញ្ជាក់​ថា៖ «សៀវភៅ​យក​ទៅ​ចែកជូន​អង្គការ​លើក​ស្ទួយ​ប្រជា​ពលរដ្ឋ​នោះ​ឈ្មោះ (បេសកកម្ម​មួយ)​ និពន្ធ​ដោយ​លោក ម៉ានិត ដែលជា​តារា​ចម្រៀង​នៅផលិត​ Pleng Record។ វាគឺ​ជាសៀវ​ភៅ​បែប​ប្រលោម​លោក ហើយ​ការចែក​សៀវភៅ​នេះក្នុង​គោល​បំណង​រំឭក​ និង​លើក​កម្ពស់​ដល់ការ​អាន​សៀវភៅ​ លើកស្ទួយ​តម្លៃ​អក្សរសាស្រ្ត​ខ្មែរ​ទៅដល់​ប្អូនៗកុមារ​ឡើងវិញ ខណៈ​នៅពេល​បច្ចុប្បន្ន​នេះ​ សិស្សានុ​សិស្ស​ខ្មែរនាសម័យ​ទំនើប​​ កំពុង​តែ​ទទួល​រងនូវ​ឥទ្ធិពល​សម្ភារ​ទំនើប ដោយ​ពួកគេ​និយម​តែមើល ឬ​ប្រើ​ទូរស័ព្ទ​ទំនើប​ និង​កុំព្យូទ័រ​ច្រើន​ជាង​អាន​សៀវ​ភៅ»។ ​​

តារា​ស្រី​ធ្មេញ​ច្រពើស​កំពុង​មាន​ពន្លឺ​ចែងចាំង​លើ​វិថី​សិល្បៈ​មាន​វ័យ ២៦ ឆ្នាំ​ ដែល​​បាន​បញ្ចប់​ថ្នាក់​បរិញ្ញាបត្រ លើមុខ​ជំនាញ​ពាណិជ្ជ​សាស្រ្ដ​នៅ​ឯសាកល​វិទ្យាល័យ​បញ្ញាសាស្រ្ដ​នោះ បន្តថា៖ «លោក ម៉ានិត នាំយក​សៀវភៅ (បេសក​កម្ម​មួយ​) ចំនួន​ ១០០ ក្បាល ទៅជូន​អង្គការ​ខាងលើ​ដើម្បី​តម្កល់​ទុក​ក្នុង​បណ្ណាល័យ​សម្រាប់​សិស្សអាន។ សៀវភៅ​នេះ បើលក់​នៅតូប​សៀវភៅ​ធម្មតា​មួយ​ក្បាលតម្លៃ ២ ម៉ឺន​រៀល។ តែប្រាក់​ចំណេញ​ពីការ​លក់​លោក ម៉ានិត យក​តែ​ ៦០​ ភាគរយ​ប៉ុណ្ណោះ ខណៈ​ ៤០ ភាគរយ​ ប្រើជា​ប្រាក់សប្បុរស​ធម៌​ ជាមួយ​នឹង​មូលនិធិ​ Slanh Kromakhmer និង​ SlanhSonyta របស់​នាងខ្ញុំ​ជួយ​សង្គម​ ហើយ​ក្នុងនោះ​យើង​ក៏យក​ទៅផ្តល់​ជូន​នៅ​មន្ទីរពេទ្យ​គន្ធបុប្ផា​ទៀត​ផង»។​

ចំណែក​ការងារ​សិល្បៈ តារា​សម្តែង​ស្រីមាន​កេរ្តិ៍ល្បី​ស្រករ​ក្រោយ និង​ជាប្អូនស្រី​ជីទួត​មួយ​អ្នកនាង ចន ចន្ទ​លក្ខិណា រូបនេះ ក៏មិន​សូវ​ទំនេរឡើយ​ ដោយ​នាង​ជាប់រវល់​នឹងការងារ​មានងារ​ជា​ទូត​សុច្ឆន្ទៈ​ផង និង​រវល់​ការងារ​ថត​ស្ប៉ត​ពាណិជ្ជកម្ម​ផលិត​ផង​។

នាងបាន​បន្ថែម​ថា៖ «ឥឡូវ​នេះរវល់​ណាស់​បង​សម្រាប់​ការងារ​ថតស្ប៉ត​នានា ហើយ​ការងារទូសុត​ច្ឆន្ទៈ​នោះ ក៏មាន​កិច្ចការ​ជា​បន្ត​បន្ទាប់​សម្រាប់​នាងខ្ញុំ​បំពេញ​ផងដែរ»៕​​

អត្ថបទគួរចាប់អារម្មណ៍