The Phnom Penh Post Search

Search form




Logo of Phnom Penh Post newspaper Phnom Penh Post - មូលនិធិ​ WMF ព្រមាន​ពី​​ហានិភ័យ​​ទីឋាន​បុរាណ ​នៅ​ជុំវិញ​ពិភព​លោក​

មូលនិធិ​ WMF ព្រមាន​ពី​​ហានិភ័យ​​ទីឋាន​បុរាណ ​នៅ​ជុំវិញ​ពិភព​លោក​

Content image - Phnom Penh Post
សំណង់​​ Gingerbread Houses នៅទីក្រុង Portau-Prince​​។ រូបថត AFP

មូលនិធិ​ WMF ព្រមាន​ពី​​ហានិភ័យ​​ទីឋាន​បុរាណ ​នៅ​ជុំវិញ​ពិភព​លោក​

ក្រុង​ញូវយ៉ក៖ ចាប់​ពី​ជ្រលង​ពិសិដ្ឋ (Sacred Valley) នៃ​តំបន់​​ Incas ដែល​រង​ការ​គំរាម​កំហែង​ដោយ​គម្រោង​អាកាសយានដ្ឋាន​ថ្មី រហូត​ដល់​ទីឋាន​សក្ការៈ​ យាហ្ស៊ីឌី ក្នុង​ប្រទេស ​អ៊ីរ៉ាក់ ដោយ​អង្គការ​មូលនិធិ​មួយ​បាន​ព្រមាន​កាល​ពី​ថ្ងៃ​អង្គារ​ថា ទីឋាន ២៥ កន្លែង ​ស្ថិត​ក្នុង​ស្ថានភាព​ត្រូវ​ការ​កិច្ច​ការពារ​បន្ទាន់​។

សម្អាង​លើ​តារាង​ឃ្លាំ​មើល​​សម្រាប់​ឆ្នាំ ​២០២០ មូលនិធិ​វិមាន​ពិភព​លោក WMF បាន​លាត​ត្រដាង​ទីតាំង​ជា​ច្រើន​ក្នុង ២១ ប្រទេស​ រួមទាំង កោះ​ខាង​កើត​នៃ​ប្រទេស ​ស៊ីលី​ ដែល​សម្បូរ​ចម្លាក់​ថ្ម​ល្បីៗ​បង្កើត​ឡើង​ដោយ​ជនជាតិ​ដើម​ភាគ​តិច​។

WMF បាន​ឲ្យ​ដឹង​ក្នុង​សេចក្ដី​ថ្លែងការណ៍​ថា តំបន់​ទាំង​នោះ​កំពុង​ប្រឈម​ការ​គំរាម​កំហែង​ខ្លាំង​ដូចជា ការ​អភិវឌ្ឍ​នគរូបនីយកម្ម វិបត្ដិ​នយោបាយ​ គ្រោះ​មហន្ដរាយ​ធម្មជាតិ និង​ជម្លោះ​បំផ្លិច​បំផ្លាញ​។

ហានិភ័យ​នេះ​ក៏​​សំដៅ​លើ​ព្រះវិហារ​ Notre-Dame ក្រុង​ប៉ារីស ដែល​រង​ការ​បំផ្លាញ​ដោយ​អគ្គិភ័យ​នា​ឆ្នាំ​នេះ។

អង្គការ​ក្រៅ​រដ្ឋាភិបាល​មួយ​នេះ​បាន​បន្ដ​ថា ជ្រលង​ពិសិដ្ឋ​របស់​ប្រទេស ​ប៉េរូ ក្បែរ​បន្ទាយ​ស្រែ Machu Picchu ស្ថិត​ក្នុង​សភាព​គ្រោះ​ថ្នាក់ ដោយសារ​គម្រោង​កសាង​អាកាសយានដ្ឋាន​ថ្មី​ និង​ការ​សាង​​ឡើង​វិញ​​ទីសក្ការៈ​រង​ការ​បំផ្លាញ​ក្នុង​ប្រទេស ​អ៊ីរ៉ាក់​ ដែល​រំឭក​គុណ​ដល់​សហគមន៍​ជនជាតិ​ដើម​ភាគ​តិច​​យ៉ាហ្ស៊ីឌី​។

WMF ក៏​បាន​លើក​ឡើង​ពី​វិមាន​ជាតិ​ត្រចៀក​ខ្លា​ឃ្មុំ​ ក្នុង​រដ្ឋ​អ៊ូតា ជា​ទីឋាន​ពិសិដ្ឋ​របស់​ជនជាតិ​ដើម​ភាគ​តិច​អាមេរិក​ខាង​ជើង និង​ទីក្រុង​ Portau-Prince ​ប្រទេស ​ហៃទី​។

មូលនិធិ​ស្ថិត​នៅ​ទីក្រុង​ញូវយ៉ក​នេះ​បាន​ធ្វើ​ការ​ជាមួយ​ដៃគូ​ជា​ច្រើន ​ដើម្បី​ជួយ​អភិរក្ស​ទីឋាន​បុរាណ​ និង​វប្បធម៌​ជុំវិញ​ពិភព​លោក​។ WMF ដែល​​​គាំទ្រ​ចម្បង​ពី American Express បាន​ឲ្យ​ដឹង​ថា ទឹក​ប្រាក់​បរិច្ចាគ ១១០ លាន​ដុល្លារ ត្រូវ​បាន​​ជួយ​អភិរក្ស​ទីឋាន​បុរាណ​ជាង ៨០០ កន្លែង​ តាំងពី​ឆ្នាំ ​១៩៩៦៕ AFP/HR

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។