The Phnom Penh Post Search

Search form




Logo of Phnom Penh Post newspaper Phnom Penh Post - ម្ចាស់​កសិដ្ឋាន​បារាំង​លែង​អយស្ទ័រយក្ស​ ១ ​ក្បាល ​អបអរ​កម្មករ​ចូលនិវត្តន៍




ម្ចាស់​កសិដ្ឋាន​បារាំង​លែង​អយស្ទ័រយក្ស​ ១ ​ក្បាល ​អបអរ​កម្មករ​ចូលនិវត្តន៍

Content image - Phnom Penh Post
អយស្ទ័រ​យក្ស​ដែល​ម្ចាស់​កសិដ្ឋាន​សុខចិត្ត​លែង​ឲ្យ​វា​បន្ត​ធំធាត់​ទៀត​។ រូបថត AFP

ម្ចាស់​កសិដ្ឋាន​បារាំង​លែង​អយស្ទ័រយក្ស​ ១ ​ក្បាល ​អបអរ​កម្មករ​ចូលនិវត្តន៍

ក្រុងប៉ារីស: កសិករ​ចិញ្ចឹម​អយស្ទ័រ​នៅ​ភាគ​ខាងលិច​ប្រទេស​បារាំង​បានរៀបចំ​ពិធី​ជប់លៀង​គ្រឿង​សមុទ្រ និង​បាន​លែង​អយស្ទ័រយក្ស​មួយ​ក្បាល​ទម្ងន់ ១,៤៤ គីឡូក្រាម ចូល​ទឹក​វិញ ក្រោយពី​ដាក់ឈ្មោះ «​ចចហ្គេត​» ដោយ​ផ្ដល់​កិត្ដិយស​ដល់​កម្មករ​ចូលនិវត្ដន៍​ម្នាក់​។

អយស្ទ័រ​ប្រវែង ២៥ សង់ទីម៉ែត្រ​ត្រូវ​បាន​ប្រទះ​ឃើញ​នៅ​ឃុំ Talmont-Saint-Hilaire ក្នុង​តំបន់ Vendee កាលពី​ថ្ងៃ​សុក្រ​។

អយស្ទ័រយក្ស​សម្បក​រាង​កោង​ដែល​ទើប​តែ​ត្រូវបាន​លែង​ចូល​សមុទ្រ​អាត្លង់ទិក​វិញ ត្រូវ​បាន​ដាក់​ឈ្មោះ​ថា «​ចចហ្គេត​» ក្រោយពី​កម្មករ​ម្នាក់​ទើប​ចូល​និវត្ដន៍​។

ក្រុម​ការងារ​បាន​ប៉ាន់ប្រមាណ​ថា ចចហ្គេត អាយុ​ចន្លោះ​ពី ១៣ ទៅ ១៥ ​ឆ្នាំ​ដែល​អយស្ទ័រ​សម្រាប់​លក់​លើ​ទីផ្សារ​ជាទូទៅ​លូតលាស់​ប្រវែង ៣ សង់ទីម៉ែត្រ​ក្នុង​មួយ​ឆ្នាំ និង​ត្រូវបាន​ចិញ្ចឹម​ក្នុង​ទឹក​ប្រមាណ ៣ ​ឆ្នាំ​។

លោក ម៉ាធៀ ណាស្លីន ជា​បុគ្គលិក​កសិដ្ឋាន​អយស្ទ័រ Viviers de la Guittiere បាន​និយាយថា​៖ «​យ៉ាងណា​មិញ មើល​តាម​ការលូតលាស់​នៃ​សម្បក​របស់​វា អយស្ទ័រ​អាច​រស់​បាន​ចន្លោះ​ពី ៣៥ ទៅ ៦៥ ឆ្នាំ​»​។

អយស្ទ័រ​យក្ស​ឈ្មោះ ចចហ្គេត អាច​ជា​អាហារ​ដ៏ឆ្ងាញ់​ពិសា តែ​ម្ចាស់​កសិដ្ឋាន​គ្មាន​បំណង​លក់​វា​ឡើយ​។

លោក ណាស្លីន បាន​បន្ដថា​៖ «​មាន​អ្នក​តាម​រក​ទិញ​អយស្ទ័រ​ធំៗ តែ​យើង​សុខចិត្ត​បន្ដ​ឲ្យ​វា​រស់នៅ​។ ខ្ញុំ​គិតថា ហើយ​ហេតុអ្វី​យើង​មិន​ទុក​ឲ្យ​វា​រីក​ធំធាត់​បន្ដ​ទៅ​ទៀត​។ អយស្ទ័រ​នេះ​គឺជា​និមិត្តរូប​មួយ​ដូច្នោះ​ដែរ​»​។

ដោយ​ទទួល​បាន​សំណើរ​សុំ​ទិញ​ពី​មនុស្ស​ ២-៣ ​រូប​ដែរ តែ​លោក ណាស្លីន បាន​បញ្ជាក់​ថា​៖ «​មិន​សម្បូរ​អ្នក​ចង់​ទិញ​វា​ឡើយ តែ​យើង​ក៏​នឹង​មិន​លក់​អយស្ទ័រយក្ស​មួយ​ក្បាល​នេះ​ឡើយ ទោះបី​ជា​គេ​ឲ្យ​ថ្លៃ​ដល់ ៣ ម៉ឺន​អឺរ៉ូ​ក៏ដោយ​»៕ HR

អត្ថបទគួរចាប់អារម្មណ៍

  • ស្ដង់ដា​គណនេយ្យ ជា​ធាតុ​ផ្សំ​ដ៏សំខាន់​មួយ​ក្នុង​ក្របខ័ណ្ឌ​គណនេយ្យ និង​ការរាយការណ៍​ហិរញ្ញវត្ថុ ព្រមទាំង​ជួយ​សម្រួល​ដល់​ក្រុមហ៊ុន​/​សហគ្រាស និង​ថ្នាក់ដឹកនាំ​របស់​ក្រុមហ៊ុន ដើម្បី​កំណត់​ឱ្យ​បាន​ច្បាស់លាស់​ពី​ស្តង់ដា​ដែល​ក្រុមហ៊ុន​បាន​ប្រើប្រាស់​សម្រាប់​ការរៀបចំ​របាយការណ៍​ហិរញ្ញវត្ថុ​។

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។