The Phnom Penh Post Search

Search form

Logo of Phnom Penh Post newspaper Phnom Penh Post - ម្ជូរ​លក់​ដាច់​ខ្លាំង​ពេក​នៅ ​សៀមរាប ​ដល់​ថ្នាក់​ម្ចាស់​ហាង​លែង​ចង់​ល្បី​




ម្ជូរ​លក់​ដាច់​ខ្លាំង​ពេក​នៅ ​សៀមរាប ​ដល់​ថ្នាក់​ម្ចាស់​ហាង​លែង​ចង់​ល្បី​

Content image - Phnom Penh Post
គ្រឿង​ម្ជូរត្រាំ​ និង​អំបិល​ច្រើន​ប្រភេទ​ដាក់​លក់​ទាំង​ក្រឡៗ​។ ឈឹម ស្រីនាង

ម្ជូរ​លក់​ដាច់​ខ្លាំង​ពេក​នៅ ​សៀមរាប ​ដល់​ថ្នាក់​ម្ចាស់​ហាង​លែង​ចង់​ល្បី​

ភ្នំពេញ: ធ្វើ​ដំណើរ​ពី​ផ្សារអង្គរ​ តាម​ផ្លូវ​តាភុល នៅ​ត្រង់​ចំណុច​កែង​ផ្ទះ​សំណាក់​មិត្តល្អ ហាង​លក់​គ្រឿង​ម្ជូរ «ស្នាដៃ​ខ្មែរម្ជូរ​ឆ្ងាញ់​ II» បាន​ធ្វើឲ្យអ្នក​ឆ្លងកាត់​ស្រក់​ទឹកមាត់​តែម្ដង។

កែវ​ក្រឡ​គ្រឿង​ម្ជូរត្រាំ​ធំៗ​ មាន​គម្រប​ពណ៌​ក្រហម​ជាច្រើន​តម្រៀប​គ្នា​ជាជួរៗ​មាន​តាំង​ពី ត្របែក ម្កាក់ កន្ទួត រំដេញ ទំពាំង​បាយជូរ​ព្រៃ ពុទ្រា និងស្វាយ​ជាច្រើន​ប្រភេទ។

ម្ជូរត្រាំ​ត្រូវ​បាន​ប្រើ​រូបមន្ត​ពិសេស​ ដោយដាំ​ទឹក​ខ្ជាយ​លាយ​អំបិល​ដាក់​ត្រាំផ្លែ​ឈើ​ទាំងមូលចំនួន​មួយថ្ងៃ​ដើម្បី​កុំឲ្យ​វា​ប្រែ​ពណ៌ខ្មៅ។ ​បន្ទាប់​មក​ផ្លែឈើ​នោះ​ត្រូវហាន់ជា​ចំណិត រួច​យកទៅ​ត្រាំទឹកអំបិល​ម្ដងទៀត។

សម្រាប់​គ្រឿង​ជ្រលក់​វិញ​មានអំបិល​បួន​ប្រាំ​ប្រភេទ រាប់តាំង​ពីអំបិល​បង្គា​ល្អិត​សុទ្ធ អំបិល​ខ្ទឹម​ស អំបិល​ម្ទេស​បៃតង ម្ទេស​ក្រហម​បន្ថែម​ពី​លើ​ជម្រើស​ទឹក​ប្រហុក ទឹក​កាពិ និង​ទឹកត្រីផ្អែម​ដែល​រំលេច​សុទ្ធ​តែ​គ្រាប់​ម្ទេស​តែម្ដង។

លក្ខណ​ពិសេស​របស់​ហាង​ម្ជូរ​នេះ គឺ​នៅពេល​ដែល​ភ្ញៀវ​កុម្ម៉ង់​ ពួកគេអាច​ឲ្យ​អ្នកលក់​យក​ផ្លែឈើ​ត្រាំ​ជាច្រើន​មុខតាមចំណូល​ចិត្ត​នោះ​ទៅ​ក្រឡុក​ជាមួយ​ទឹកត្រី​ផ្អែមហឹរ​បង្គាល្អិត​ក៏បាន ឬ​អាចជាវ​យកទៅ​ទទួល​ទានស្រស់ៗ​ដោយ​មិនបាច់​ក្រឡុក​ក៏បាន។

ជា​ទូទៅ​ តម្លៃ​គ្រឿង​ម្ជូរនេះ​ចាប់ពី ២ ពាន់​រៀល ប៉ុន្តែសម្រាប់​ថ្លៃ​ក្រឡុក​គឺ​ចាប់ពី ៣ ពាន់​រៀល​ឡើងទៅ។ហាង ​«ស្នាដៃ​ខ្មែរម្ជូរ​ឆ្ងាញ់​ II» ដ៏ល្បី​នៅសៀមរាប​នេះមាន ៣ សាខា ហើយ​ម្ចាស់ហាង​ត្អូញថា សព្វ​ថ្ងៃ​លក់ដាច់​ពេក​លែង​ចង់ល្បី​ទៀត​ហើយ៕ ​

អត្ថបទគួរចាប់អារម្មណ៍