The Phnom Penh Post Search

Search form

យប់​មិញ ​កែវ វាសនា ជប់លៀង​ឡើង​ផ្ទះ​ថ្មី​តម្លៃ​ជាង ​១០ ម៉ឺន​ដុល្លារ

Content image - Phnom Penh Post
តារាចម្រៀង កែវ វាសនា។ រូបថត ភ្នំពេញ ប៉ុស្ដិ៍

យប់​មិញ ​កែវ វាសនា ជប់លៀង​ឡើង​ផ្ទះ​ថ្មី​តម្លៃ​ជាង ​១០ ម៉ឺន​ដុល្លារ

ភ្នំពេញៈ ទំនង​មក​ពី​វេលា​ល្អ​នៅ​ក្រោយ​ថ្ងៃ​​នៃ​ការ​ប្រារព្ធ​ពិធី​ចូល​ឆ្នាំ​ខ្មែរ​ប៉ុន្មាន​ថ្ងៃ​នោះហើយ​ ទើប​គេ​ឃើញ​​តារា​​​ចម្រៀង​ប្រុស​ល្បី​បែប​យុវវ័យ​ជ្រក​ទ្រនំ​ផលិតកម្ម​ថោន​លោក កែវ វាសនា​ អញ្ជើញ​ភ្ញៀវ​ប្រមាណ ២០​ តុ​ ដែល​​ភាគ​ច្រើនគឺ​​ជាក្រុម​​អ្នក​​សិល្បៈ​ចូល​រួម​ពិធី​ឡើង​គេហ​ដ្ឋាន​ថ្មី​ ដែល​មាន​​តម្លៃ​ជាង ​១០ ម៉ឺន ​ដុល្លារ​​ ស្ថិត​​​នៅឯ​​​​បុរី​ប៉េងហួត​​បឹង​ស្នោ ក្បែរ​ស្ថានីយ​ទូរទស្សន៍​បាយ័ន ខណ្ឌ​ច្បារ​អំពៅ រាជធានី​ភ្នំពេញ​នេះ​ឯង។

គ្រាន់​​តែ​ពិធី​ជប់​លៀង​ឡើង​ផ្ទះ​របស់​តារា​ចម្រៀង​ប្រុស ​មាន​អាជីព​ច្រៀង​ដំបូង​ជ្រក​នៅ​លើ​ទ្រនំ​សាន់ដេ កែវ វាសនា ដែល​បច្ចុប្បន្ន​​នៅ​ទ្រនំ​ថ្មី​ផលិតកម្ម​ថោន ​គឺ​ប្រហែល​ប៉ុន​ទៅ​នឹង​ពិធី​មង្គល​ការ​សម្រាប់​អ្នក​មាន​ជីវភាព​មធ្យម​មួយ​ទៅ​ហើយ ខណៈ​គេ​ឃើញ​វត្ត​មាន​សុទ្ធ​តែ​ជា​ក្រុម​តារាចម្រៀង​ សម្តែង​​ប្រុស​ស្រី​ជា​ច្រើន​ពិសេស​​សម្បូរ​ក្រុម​តារា​ចម្រៀង​មក​ពី​ផលិត​កម្ម​ថោន​តែម្តង​ ដោយ​គេ​ឃើញ​វត្តមាន​របស់​កញ្ញា មាស សុខសោភា លោក ករុណា ពេជ្រ លោក សុគន្ធ​ថេរ៉ាយុ លោក ម៉ៅ ហាជី តារាសម្តែង​ស្រី​​កញ្ញា នី មុនី​នាថ និង​ក្រុម​តារា​ចម្រៀង​នានា​ទៀត​​មក​ពី​ផលិត​កម្ម​សាន់​ដេ​ រួម​មាន​ដូចជា​កញ្ញា អ៊ីវ៉ា និង​លោក ខាន់ ជេមស៍​ ជាដើម​។

Content image - Phnom Penh Post
តារាល្បីៗ​ចូលរួមពិធីឡើងផ្ទះ​លោក កែវ វាសនា។

តែ​តារា​ចម្រៀង​ប្រុស​មក​ពី​ខេត្ត​កំពង់​ឆ្នាំ​ង និង​​មាន​ភរិយា ​ជា​អ្នក​ជំនួញ​ទំនង​ជា​កូន​ចៅ​កាត់​ជាប់​សែ​ស្រឡាយ​​ចិន​ហើយ​ដែល​មាន​រូប​ឆោម​ល្អ​ សាច់​​សខ្ចី​ ភ្នែក​លិប​ៗ ជា​ថៅ​កែ​ស្រី​លក់​ផលិតផល​​ថែ​រក្សា​សម្រស់​មក​ពី​ខេត្ត​​បន្ទាយមានជ័យ​ ដែល​ទើប​បង្កើត​បាន​កូន​ប្រុស​មួយ​ជា​ចំណង​ស្នេហ៍​នោះ​ បាន​ឲ្យ​ដឹង​ថា៖ «មិន​ធំ​ដុំ​ទេ​បង!​ នេះ​គ្រាន់​ជា​ការ​រៀបចំ​តូច​តាច​ប៉ុណ្ណោះ​ គឺ​បាន​អញ្ជើញ​ភ្ញៀវ​ជា​អ្នក​សិល្បៈ​ភាគ​ដើម្បី​ចូល​រួម​មាន​ចំនួន​សរុប​ ២០​ តុ ហើយ​មាន​មុខ​ម្ហូប​ទទួល​ចំនួន​ ៨​ មុខ​»។​

តារា​ចម្រៀង​ប្រុស​និយម​ទុក​ម៉ូដ​សក់​វែង សំឡេង​ក្រអួន-ក្រអៅ​ស៊ី ​នឹង​បទ​ចម្រៀង​បែប​មនោ​សញ្ចេតនា លោក កែវ វាសនា​ ដែល​កាល​ពី​ប៉ុន្មាន​ខែ​មុននេះ​​ ត្រូវ​ព្រនង់​ពាក្យ​​​រិះ​គន់​យ៉ាង​ដំណំ​ពី​មតិ​មហា​ជន និង​បណ្តា​​​អ្នក​លេង​​​ហ្វេសប៊ុក និង​ត្រូវ​ក្រសួង​ព័ត៌មាន​ ​ចេញ​សេចក្តី​ប្រកាស​ហាម​ចាក់​ផ្សាយ​ តាម​ប៉ុស្តិ៍​ទូរ​ទស្សន៍ និង​វិទ្យុ​នានា​ចំពោះ​ប​ទ​ចម្រៀងថ្មី​ពីរ ដែលមាន​ចំណងជើង​ប្រើប្រាស់​នូវ​ពាក្យ​ពេចន៍​ មិន​សម​រម្យ​​គឺ​​​បទ «ស៊ី​បាន​ចេះ​តែ​ស៊ី​ទៅ» និង​បទ «ទា​ល់​តែ​យូរ​ទើប​ស៊ី​អូន​បាន» តែ​យ៉ាង​ណា​តារា​ចម្រៀង​រូប​នេះ​ក៏​មាន​ទី​ផ្សារ​លើ​វិថី​សិល្បៈ​មិនដាច់​ឡើយ​ទាំង​នៅ​ទ្រនំ​ផលិត​កម្ម​ថោន និង​សម្តែង​សិល្បៈ​រាយ​រង។

Content image - Phnom Penh Post
សុគន្ធ ថេរ៉ាយុ និង ករុណា ពេជ្រ។

ទោះជា​យ៉ាង​ណា មហា​ជន​​នៅ​តែ​​ងឿង​​ឆ្ងល់​ថា ​​ប្រសិន​បើ​គ្រាន់​តែ​​ជា​តារា​ចម្រៀង​ប្រុស​មួយ​រូប​មិន​សូវ​ល្បី​​​ខ្លាំង​ផង​នោះ តើ​លទ្ធ​ភាព​រក​ប្រាក់​ទិញ​ផ្ទះ​ដល់​ទៅ​ជាង​ ១០ ម៉ឺន​ ដុល្លារ ហើយ​ប្រើ​សម្ភារៈ​ទំនើបៗ​ទៀត​បាន​តាម​វិធី​ណា​​?

លោក កែវ វាសនា ធ្លាប់​ប្រាប់​ថា៖ «ដោយសារ​​ផ្ទះ​ចាស់​យើង​មានគ្នា​ច្រើន ហើយក៏​ចង់​មាន​ផ្ទះ​ផ្ទាល់​ខ្លួន សម្រាប់​​ការ​រស់នៅ​ជា​ក្រុម​គ្រួសារ និង​កូនប្រុស​ដំបូង​ឈ្មោះ ហ្វីគូ ដែល​ទើបតែ​សម្រាល​បាន​ប៉ុន្មាន​ខែ​ និង​​ជា​ប្រាក់​បាន​មកពី​ការ​សន្សំ​រវាង​យើង​ទាំងពីរ​នាក់»៕​

អត្ថបទគួរចាប់អារម្មណ៍

  • វីសិនហ្វាន់ លក់​ហ៊ុន ១០០ ភាគរយ​ទៅឲ្យ​ធនាគារ​កូរ៉េ​ខាង​ត្បូង

    ភ្នំពេញៈ គ្រឹះ​ស្ថាន​មីក្រូ​ហិរញ្ញវត្ថុ​វិសិន​ហ្វាន់​ (ខេមបូឌា) ត្រូវ​​បានក្រុម​ហ៊ុន​មេ​របស់​ខ្លួន​​សម្រេច​លក់​ភាគ​ហ៊ុន​​​ទាំង​ស្រុង​ទៅ​ឲ្យ​ធ​នា​គារ​ អ៊ូ​រី​ ដែល​មាន​មូល​ដ្ឋាន​នៅ​​ប្រទេស​កូរ៉េខាង​ត្បូង​​​ ក្នុងតម្លៃ​​មួយ​ដែល​មិនត្រូវ​បាន​បង្ហាញ​​ជា​សាធារណៈ។

  • រដ្ឋាភិបាល​ថា ​នឹង​ខាតបង់​ចំណូល​ពន្ធ $៣០ ​លាន

    ភ្នំពេញៈ រដ្ឋាភិបាល​កម្ពុជា​បាន​ប្រកាស​ដាក់​វិធានការ​ដើម្បី​ជួយ​ទប់ស្កាត់​ការកើនឡើង​តម្លៃ​ប្រេងសាំង ខណៈ​វិធានការ​នេះ​ត្រូវ​បាន​លោក​នាយក​រដ្ឋមន្ត្រី​អះអាង​ថា​នឹង​ធ្វើឲ្យ​រដ្ឋ​ខាតបង់​ចំណូល​ពន្ធ​ប្រមាណ​ ៣០ ​លាន​ដុល្លារ​ក្នុង​ ១ ​ឆ្នាំ​។

  • អង្គការ​នៅ​កូរ៉េ​ខាង​ត្បូង ​ផ្តល់​ពានរង្វាន់​សិទ្ធិមនុស្ស​ដល់​លោក កឹម សុខា

    ភ្នំពេញៈ លោក កឹម សុខា អតីត​ប្រធាន​គណបក្ស​សង្គ្រោះជាតិ​ដែល​កំពុង​ជាប់​ពន្ធនាគារ​ត្រពាំងផ្លុង ក្រោម​ការ​ចោទប្រកាន់​ដ៏ចម្រូងចម្រាស​ពី​បទ​ «​ក្បត់ជាតិ​» ត្រូវ​បាន​អង្គការ​សង្គម​ស៊ីវិល​គាំទ្រ​ផ្នែក​សិទ្ធិមនុស្ស

  • អគ្គិភ័យ​ឆេះ​ផ្ទះ​អស់​ ២០ ​ខ្នង​រីឯ ម្ចាស់​ផ្ទះ​បង្ក​ត្រូវ​​បាន​ហៅ​មក​សួរ

    ភ្នំពេញៈ ផ្ទះ​ឈើ​ប្រក់​ស័ង្កសី​ចំនួន​ ២០ ​ខ្នង​ដែល​មាន​មនុស្ស​រស់នៅ​ប្រមាណ​​ ៣៥ ​គ្រួសារ​ត្រូវ​បាន​អគ្គិភ័យ​ឆេះ​ខ្ទេច​កាលពី​ម៉ោង ៥ ព្រឹក​ម្សិលមិញ​នៅ​សង្កាត់​បឹងទំពុន​ ២ ខណ្ឌ​មានជ័យ រាជធានី​ភ្នំពេញ​តែ​គ្មាន​មនុស្ស​គ្រោះថ្នាក់​ទេ​ឯ​មូលហេតុ​សមត្ថកិច្ច​កំពុង​ស្រាវជ្រាវ​ដោយ​ហៅ​ម្ចាស់​ផ្ទះ​បង្ក​មក​សួរ ខណៈ​អ្នក​ជិត​ខាង​មិន​សុខ​ចិត្ត​នឹង​ម្ចាស់​ផ្ទះ​ដើមហេតុ​។