The Phnom Penh Post Search

Search form




Logo of Phnom Penh Post newspaper Phnom Penh Post - យុវជន-យុវតី​ ជប៉ុន​រៀបចំ​ព្រឹត្ដិការណ៍​ថ្ងៃ​ពេញ​វ័យ​តាម​ប្រពៃណី​ ចំពេល​ផ្ទុះ​ជំងឺ​ឆ្លង​ផ្លូវ​ដង្ហើមជាថ្មី​​




យុវជន-យុវតី​ ជប៉ុន​រៀបចំ​ព្រឹត្ដិការណ៍​ថ្ងៃ​ពេញ​វ័យ​តាម​ប្រពៃណី​ ចំពេល​ផ្ទុះ​ជំងឺ​ឆ្លង​ផ្លូវ​ដង្ហើមជាថ្មី​​

Content image - Phnom Penh Post
យុវវ័យ​ជប៉ុន​គ្រង​ឈុត​ប្រពៃណី​គីម៉ូណុ មក​ជួប​ជុំ​គ្នា​នៅ​បរិវេណ​សាធារណៈ​ក្នុង​ប្រទេស​ជប៉ុន​។ រូបថត AFP

យុវជន-យុវតី​ ជប៉ុន​រៀបចំ​ព្រឹត្ដិការណ៍​ថ្ងៃ​ពេញ​វ័យ​តាម​ប្រពៃណី​ ចំពេល​ផ្ទុះ​ជំងឺ​ឆ្លង​ផ្លូវ​ដង្ហើមជាថ្មី​​

ក្រុង​តូក្យូ: យុវវ័យ​ជប៉ុន​គ្រង​ឈុត​ប្រពៃណី​គីម៉ូណុ មក​ជួប​ជុំ​គ្នា​នៅ​បរិវេណ​សាធារណៈ​ក្នុង​ប្រទេស​ជប៉ុន​កាល​ពី​ថ្ងៃ​ចន្ទ ដើម្បី​ប្រារឰ​ពិធី​ពេញ​វ័យ ថ្វី​ដ្បិតតែ​ព្រឹត្ដិការណ៍​សប្បាយ​រីករាយ​ជា​ច្រើន​ត្រូវ​បាន​លុប​ចោល​ដោយសារ​តែ​វិបត្ដិ​កូវីដ។

មនុស្ស​ជាង ១​ លាននាក់​នៅ​ជប៉ុន​បាន​ចម្រើន​ដល់​វ័យ ២០ ​ឆ្នាំ ជា​អាយុ​ដែល​ពួកគេ​អាច​ទទួល​ទាន​គ្រឿង​ស្រវឹង​ ជក់​បារី និង​រៀប​ការ​ស្រប​ច្បាប់​ ដោយ​មិន​ចាំ​បាច់​មានការ​ឯកភាព​ពី​ឪពុក​ម្ដាយ។

ពួកគេ​រមែង​ប្រារឰ​ពិធី​នេះ​រៀង​រាល់​ខែ​មករា​ស្ដីពី «​ព្រឹត្ដិការណ៍​ថ្ងៃ​ពេញ​វ័យ​» ជាមួយ​កម្មវិធី​ផ្លូវការ​ ដែល​មាន​ជា​ក្បួន​គ្រួសារ​សាមុរ៉ៃ​បែប​បុរាណ​ និង​មាន​ការ​ទទួល​ទាន​គ្រឿង​ស្រវឹង​ជោក​ជាំ​ផង​ដែរ។

Content image - Phnom Penh Post
អ្នក​ចូលរួម​ត្រូវបាន​ជម្រាប​ឱ្យ​រក្សា​គម្លាត​សុវត្ថិភាព​ និង​និយាយ​តិច​ៗ​ដើម្បី​ទប់​ស្កាត់​ការ​រីក​រាល​ដាល​ជំងឺ​ផ្លូវ​ដង្ហើម​ថ្មី។ រូបថត AFP

ប៉ុន្ដែ​ការ​កើន​ឡើង​នៃ​ជំងឺកូវីដ​ ១៩ និង​ការ​ប្រកាស​ដាក់​រដ្ឋ​ក្នុង​គ្រា​អាសន្ន​រយៈ​ពេល​មួយ​ខែ នៅ​ក្នុង​ទីក្រុង និង​តំបន់​ជុំវិញ​ក្រុង​តូក្យូ បាន​បង្ខំ​អាជ្ញាធរ​លុប​ចោល ឬ​ពន្យា​កម្មវិធី​ជា​​ច្រើន​ក្នុងឆ្នាំ​ ២០២១។

និស្សិត ណាអូមិ អូបា បាន​ប្រាប់ AFP នៅ​ព្រឹត្ដិការណ៍​កាវ៉ាសាគី ភាគ​នីរតី​ទីក្រុង​ថា​៖ «​ខ្ញុំ​ដឹងថា វា​មាន​ហានិភ័យ​នៃ​ជំងឺ​ឆ្លង​ តែ​ខ្ញុំ​​មក​ទី​នេះ ពីព្រោះ​វា​ជា​ព្រឹត្ដិការណ៍​ ដែល​យើង​ទទួល​បាន​បទពិសោធតែ​ម្ដង​ក្នុង​ឆាក​ជីវិត​ ហើយ​វា​ក៏​ជា​ឱកាស​ជួប​មិត្ដភក្ដិ​ ដែល​ខ្ញុំ​ខាន​ជួប​គ្នា​យូរ​»។

និស្សិត​វ័យ​ ២០​ ឆ្នាំ​ ហៅ​ថា អាយ៉ាណេ អ៊ូឈីណុ បាន​និយាយ​ថា​៖ «​ក្រោយ​កម្មពិធី​ចប់ ខ្ញុំ​នឹង​ត្រឡប់​ទៅ​ផ្ទះ​វិញ តែ​វា​មិន​សូវ​សម​សោះ ពេល​អត់​បាន​ទៅ​ណា និង​ញ៉ាំ​អី​ជាមួយ​មិត្ដភក្ដិ ដោយសារតែ​វីរុស​»។

Content image - Phnom Penh Post
យុវវ័យ​ជប៉ុន​គ្រង​ឈុត​ប្រពៃណី​គីម៉ូណុ មក​ជួប​ជុំ​គ្នា​នៅ​បរិវេណ​សាធារណៈ​ក្នុង​ប្រទេស​ជប៉ុន​។ រូបថត AFP

នៅ​ Yokohama Arena ស្ដ្រី​គ្រង​ឈុត​គីម៉ូណុ កន្សែងបង់ក និង​ម៉ាស​ពណ៌​ស អង្គុយ​ឃ្លាត​ឆ្ងាយ​ពី​គ្នា​ ដោយ​បុរស​ស្លៀក​ឈុត​ជំនួញ។

សមត្ថភាព​ទីតាំង​នេះ អាច​ផ្ទុក​មនុស្ស​ ៥​ ពាន់​នាក់​ ដោយ​កម្មវិធី​ត្រូវ​បាន​បែង​ចែក​ជា ៤ រៀបចំ​នៅ​ថ្ងៃ​ចន្ទ។ អ្នក​ចូលរួម​ត្រូវបាន​ជម្រាប​ឱ្យ​រក្សា​គម្លាត​សុវត្ថិភាព​ និង​និយាយ​តិច​ៗ​ដើម្បី​ទប់​ស្កាត់​ការ​រីក​រាល​ដាល​ជំងឺ​ផ្លូវ​ដង្ហើម​ថ្មី។

កាល​ពី​សប្ដាហ៍​មុន លោក​បាន​និយាយ​ថា អ្នក​ឆ្លង​វីរុស​កូរ៉ូណា​ជាង​ពាក់​កណ្ដាល​នៅ​ទៅក្រុង​តូក្យូ​ជា​យុវជន​អាយុ​ក្រោម ៣០ ​ឆ្នាំ។

ទីក្រុង​នេសាទ យ៉ៃស៊ុ ភាគ​កណ្ដាល​ប្រទេស​ជប៉ុន បាន​រៀបចំ «​ព្រឹត្ដិការណ៍​ថ្ងៃ​ពេញ​វ័យ​» បើក​ឡាន​ចូល​កាល​ពី​ថ្ងៃ​អាទិត្យ ដែល​ទាក់​ទាញ​អ្នក​ជិះ​រថយន្ដប្រមាណ ៤៧០​ គ្រឿង​មក​ចូលរួម​អបអរ។

Content image - Phnom Penh Post
តាមទម្លាប់ «​ព្រឹត្ដិការណ៍​ថ្ងៃ​ពេញ​វ័យ​» ជា​កម្មវិធី​ផ្លូវការ​​មាន​ជា​ក្បួន​គ្រួសារ​សាមុរ៉ៃ​បែប​បុរាណ​ និង​មាន​ការ​ទទួល​ទាន​គ្រឿង​ស្រវឹង​ជោក​ជាំ​ផង​ដែរ។ រូបថត AFP

បុរស​វ័យ ២០ ​ឆ្នាំ បាន​ប្រាប់ Sankei Shimbun ថា​៖ «​យើង​នឹក​មិត្ដភក្ដិ​ចាស់​ៗ​ តែ​ក៏​រីករាយ​ដែរ ដែល​បាន​ចូលរួម​ព្រឹត្ដិ​ការណ៍​នេះ​»។

ក្រុង​តាម៉ា នៅ​ភាគ​ខាង​លិច​ក្រុង​តូក្យូ ក៏​បាន​រៀបចំ​ព្រឹត្ដិការណ៍​នេះ​តាម​អនឡាញ​សម្រាប់​ពលរដ្ឋ​ចម្រើន​ពេញ​វ័យ។

មុន​ពេល​ចាប់​ផ្ដើម អាភិបាល​ក្រុង​បាន​ធ្វើ​ការ​សុំ​ទោស​ចំពោះ​អ្នក​ចូល​រួម​ដោយ​និយាយ​ថា​៖ «​ខ្ញុំ​សុំ​ទោស​! តែ​វា​ជា​ការ​ពិត ដែល​ជំងឺ​ឆ្លង​កំពុង​តែ​រីក​រាល​ដាល។ ក្នុង​នាម​ជា​មនុស្ស​ពេញ​វ័យ សុំ​ទទួល​ការ​សុំ​ទោស​នេះ​ផង​ចុះ​»៕ AFP/HR

Content image - Phnom Penh Post
ស្ដ្រី​គ្រង​ឈុត​គីម៉ូណុ កន្សែងបង់ក និង​ម៉ាស​ពណ៌​ស អង្គុយ​ឃ្លាត​ឆ្ងាយ​ពី​គ្នា​ ដោយ​បុរស​ស្លៀក​ឈុត​ជំនួញ។ រូបថត AFP
Content image - Phnom Penh Post
មនុស្ស​ជាង ១​លាននាក់​នៅ​ជប៉ុន​បាន​ចម្រើន​ដល់​វ័យ ២០​ឆ្នាំ ជា​អាយុ​ដែល​ពួកគេ​អាច​ទទួល​ទាន​គ្រឿង​ស្រវឹង​ ជក់​បារី និង​រៀប​ការ​ស្រប​ច្បាប់​។ រូបថត AFP
Content image - Phnom Penh Post
យុវវ័យ​ជប៉ុន​គ្រង​ឈុត​ប្រពៃណី​គីម៉ូណុ មក​ជួប​ជុំ​គ្នា​នៅ​បរិវេណ​សាធារណៈ​ក្នុង​ប្រទេស​ជប៉ុន​។ រូបថត AFP
Content image - Phnom Penh Post
យុវវ័យ​ជប៉ុន​គ្រង​ឈុត​ប្រពៃណី​គីម៉ូណុ ដើរ​សំដៅទៅកាន់កន្លែង​ជួបជុំគ្នាប្រារព្ធពិធី។ រូបថត AFP
Content image - Phnom Penh Post
យុវវ័យ​ជប៉ុន​គ្រង​ឈុត​ប្រពៃណី​គីម៉ូណុ មក​ជួប​ជុំ​គ្នា​នៅ​បរិវេណ​សាធារណៈ​ក្នុង​ប្រទេស​ជប៉ុន​។ រូបថត AFP
Content image - Phnom Penh Post
យុវវ័យ​ជប៉ុន​គ្រង​ឈុត​ប្រពៃណី​មក​ជួប​ជុំ​គ្នា​នៅ​បរិវេណ​សាធារណៈ​ក្នុង​ប្រទេស​ជប៉ុន​។ រូបថត AFP

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ