The Phnom Penh Post Search

Search form




Logo of Phnom Penh Post newspaper Phnom Penh Post - យុវជន​ ២ ​នាក់ ​បង្កើត​សេវាកម្ម​ទេសចរណ៍​ ជាមួយ​បច្ចេកវិទ្យា​ផ្សារភ្ជាប់​ទំនាក់ទំនង​ភ្ញៀវ និង​មគ្គុទ្ទេសក៍

យុវជន​ ២ ​នាក់ ​បង្កើត​សេវាកម្ម​ទេសចរណ៍​ ជាមួយ​បច្ចេកវិទ្យា​ផ្សារភ្ជាប់​ទំនាក់ទំនង​ភ្ញៀវ និង​មគ្គុទ្ទេសក៍

Content image - Phnom Penh Post
ក្រុមការងារ Guide Direk ក្នុង​ពិធី​សម្ពោធ​ប្រព័ន្ធ​បញ្ជា​កក់​មគ្គុទ្ទេសក៍ ហ្គាយ ឌែលរិក​។ រូបថត សហការី

យុវជន​ ២ ​នាក់ ​បង្កើត​សេវាកម្ម​ទេសចរណ៍​ ជាមួយ​បច្ចេកវិទ្យា​ផ្សារភ្ជាប់​ទំនាក់ទំនង​ភ្ញៀវ និង​មគ្គុទ្ទេសក៍

ភ្នំពេញ: ខណៈ ឃីម ម៉ាឡែន កំពុង​រៀន​ជំនាញ​មគ្គុទ្ទេសក៍​នៅ​តំបន់​ប្រវត្ដិសាស្ដ្រ​ខេត្ដ​សៀមរាប លោក​សម្គាល់​ឃើញថា នៅ​មាន​ឱកាស​ធ្វើ​ឲ្យ​ប្រសើរឡើង​ក្នុង​សេវាកម្ម និង​ទីផ្សារ​ទេសចរណ៍​។ ដូច្នេះ​លោក​សម្រេចចិត្ដ​ធ្វើការ​ជាមួយ​មិត្ដភក្ដិ​ពី​កុមារភាព​ឈ្មោះ លីម សេងតុង ដើម្បី​បង្កើត​វេបសាយ​ទេសចរណ៍​ថ្មី​ដើម្បី​សម្រួល​ដល់​ភ្ញៀវទេសចរ​កក់​មគ្គុទ្ទេសក៍​ដោយផ្ទាល់​ហើយ​មគ្គុទ្ទេសក៍​ដែលមាន​សមត្ថភាព​អាច​ដាក់​ពាក្យ​ធ្វើ​ជា​សមាជិក​បាន​។

នោះ​ជា Guide Direk ដែល​បើក​ដំណើរការ​ផ្លូវការ​កាលពី​ខែ​មុន​ដោយ​ក្រុមហ៊ុន​ចុះបញ្ជី Matong Co. Ltd ដែល​យុវជន​ទាំង​ ២ ​ចំណាយពេល​អភិវឌ្ឍ​រយៈពេល ៦ ​ខែ និង​ដាក់​ឲ្យ​ដំណើរការ​លើ​វេបសាយ និង​ដោនឡូដ​តាមរយៈ App Store និង Play Store​។

លោក ម៉ាឡែន អគ្គនាយក Guide Direk ​បាន​និយាយ​ថា​៖ «​វេបសាយ guidedirek.com គឺជា​វេបសាយ​ឲ្យ​ភ្ញៀវទេសចរ​ទាំង​ក្នុង និង​ក្រៅប្រទេស​ប្រើប្រាស់​សម្រាប់​កក់​មគ្គុទ្ទេសក៍​នៅ​កម្ពុជា​ដោយ​ខ្លួនឯង​ផ្ទាល់​។ ស្របពេល​នេះ​ដែរ កម្មវិធី​ទូរស័ព្ទ Guide Direk App ជា​កម្មវិធី​សម្រាប់​មគ្គុទ្ទេសក៍​ក្នុងស្រុក​ចុះឈ្មោះ​ជា​សមាជិក​»​។

លោក ម៉ាឡែន បន្ដ​ថា​ដោយសារ Guide Direk ត្រូវបាន​អភិវឌ្ឍ​ក្លាយជា​ប្រភពព័ត៌មាន​ពី​គោលដៅ​ទេសចរណ៍​សំខាន់ៗ​រហូត​ដល់​សកម្មភាព​ទេសចរណ៍​ផ្សេងៗ វេបសាយ​នេះ​នឹង​ផ្ដល់​អត្ថប្រយោជន៍​ដល់​ភ្ញៀវ​អាច​ជ្រើសរើស​មគ្គុទ្ទេសក៍​ជំនាញ និង​គួរ​ឲ្យ​ទុក​ចិត្ដ​នៅ​កម្ពុជា​។

Content image - Phnom Penh Post
វេបសាយ Guide Direk សម្រាប់​ភ្ញៀវ​កក់​មគ្គុទេសក៍​។ រូបថត យូសុះ អាប់ឌុលរ៉ាស់ហ៊ីម

លោក​បាន​លើកឡើង​ថា​៖ «​ភ្ញៀវ​អាចមាន​ភាពបត់បែន និង​ជ្រើសរើស​អ្នក​ណែនាំ​ខ្លួន​ដែល​ល្អ​បំផុត​។ មគ្គុទ្ទេសក៍ ក៏​អាច​ពង្រីក​វិសាលភាព​ទីផ្សារ​លើ​គោលការណ៍​ស្នូល ៣ ​ចំណុច គឺ​កាត់បន្ថយ​ភាពក្រីក្រ​តាមរយៈ​ទីផ្សារ​មគ្គុទ្ទេសក៍​កាន់តែ​ល្អ ពង្រីក​ឱកាស និង​ទីផ្សារ​ដល់​មគ្គុទ្ទេសក៍ និង​បង្កើត​ប្រព័ន្ធ​អាជីវកម្ម​យុត្ដិធម៌​នៅ​កម្ពុជា​»​។

មគ្គុទ្ទេសក៍​ជំនាញ​អាយុ ២៣ ឆ្នាំ​រូបនេះ​ដែល​ធ្វើការ​ជាមួយ​មិត្ដភក្ដិ លីម សេងតុង ជា​និស្សិត​ផ្នែក​គ្រប់គ្រង​ទេសចរណ៍​បាន​ធ្វើការ​ស្រាវជ្រាវ​ជាច្រើន​លើ​ឧស្សាហកម្ម​ទេសចរណ៍​បច្ចេកវិទ្យា​ជួប​ជាមួយ​មគ្គុទ្ទេសក៍​ប្រឈម​នឹង​បញ្ហា​ផ្សេងៗ និង​អ្នកស្រុក​ដែល​ផ្ដល់​សេវាកម្ម​ទេសចរណ៍​មិន​ផ្លូវការ​មុនពេល​សម្រេច​ចិត្ដ​បង្កើត​សេវាកម្ម​ទេសចរណ៍​បច្ចេកវិទ្យា​នេះ​។

លោក ម៉ាឡែន បាន​ប្រាប់ ភ្នំពេញប៉ុស្ដិ៍ ថា​៖ «​ពេលនេះ​យើង​កំពុង​ធ្វើ​បច្ចុប្បន្នភាព​ប្រព័ន្ធ​បច្ចេកវិទ្យា​សម័យ​កាល​ទី ២​។ ខ្ញុំ​ជឿថា បាវចនា​ប្រវត្ដិសាស្ដ្រ វប្បធម៌ និង​ធម្មជាតិ​ជា​អ្វីដែល​យើង​មាន​ភាពខុសប្លែក​ពី​វេបសាយ​ដទៃ​។ ប្រវត្ដិសាស្ត្រ​ដ៏​វ័យ​ចំណាស់​របស់​យើង​ដែល​ផ្សារភ្ជាប់​យ៉ាង​ស្អិតល្មួត​ជាមួយ​វប្បធម៌ ពិតជា​ភាព​វិសេស​របស់​យើង​។ ក្រៅពី​វប្បធម៌ និង​ប្រវត្ដិសាស្ដ្រ យើង​ក៏​នៅ​មាន​គោលដៅ​ទេសចរណ៍​ធម្មជាតិ​ដ៏ច្រើន​សន្ធឹក​ទាំង​បែបផែន​ធម្មជាតិ​សុទ្ធសាធ និង​កែច្នៃ​»​។

Guide Direk ត្រូវបាន​ជឿថា​ជា​វេបសាយ​ទេសចរណ៍​ដ៏ប្លែក ខណៈ​វា​ផ្ដល់​អាទិភាព​ដល់​មគ្គុទ្ទេសក៍​ចុះបញ្ជី​ត្រឹមត្រូវ​ដោយ​ពួកគេ​អាច​គ្រប់គ្រង និង​ដាក់​តម្លៃ​សេវាកម្ម​ខ្លួនឯង​។

លោក ម៉ាឡែន បាន​ឲ្យ​ដឹងថា​៖ «​យើង​អត់​រកប្រាក់​ចំណេញ​ពី​ពួកគាត់​តាមរយៈ​កម្រៃជើងសា​អ្វី​ទេ ពីព្រោះ​តម្លៃ​សេវាកម្ម​ត្រូវ​បាន​បង្ហាញ​ស្រាប់ តែ​យើង​រក​ចំណូល​តាមរយៈ​តម្លៃ​ចុះឈ្មោះ​ក្រោយពី​ដាក់​ឲ្យ​ប្រើប្រាស់​សាកល្បង ៣ ខែ​ឥត​គិតថ្លៃ​»​។

Guide Direk ក៏​ជួប​នូវ​បញ្ហា​ប្រឈម​ចំពោះ​ក្រុមការងារ​ដែល​ត្រូវ​ពន្យល់​ដល់​មគ្គុទ្ទេសក៍​អំពី​ការប្រើប្រាស់​កម្មវិធី​ទូរស័ព្ទ​ជំនួស​ឲ្យ​ការ​អនុវត្ដ​សេវាកម្ម​បែប​ប្រពៃណី​របស់​ពួកគេ​។

លោក ម៉ាឡែន បាន​បន្ដ​ថា​៖ «​យើង​នឹង​បន្ថែម​កម្មវិធី​ផ្សេងៗ​សម្រាប់​ខល ផ្ញើ​សារ ឬ​ឆាត​ផងដែរ​។ ទាំងនេះ​នឹង​អនុវត្ដ​ឲ្យ​មគ្គុទ្ទេសក៍ និង​អតិថិជន​ស្គាល់គ្នា​កាន់តែ​ច្បាស់​ជាមុន​»​។

សុំចូល​ទៅកាន់​វេបសាយ www.guidedirek.com សម្រាប់​ព័ត៌មាន​បន្ថែម និង​ស្វែងរក​មគ្គុទ្ទេសក៍​សក្ដានុពល ព្រមទាំង​ដោនឡូដ Guide Direk ​លើ App Store និង Play Store សម្រាប់​មគ្គុទ្ទេសក៍​ប្រើប្រាស់​៕

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។