The Phnom Penh Post Search

Search form

យុវតី​ចិន​វះកាត់​សម្ផស្ស​ដូច​ ហ្វាន​ ពីងពីងបេះបិត​ សូម្បី​ជាង​ថតរូប AFP ចាប់​ច្រឡំ​

Content image - Phnom Penh Post

យុវតី​ចិន​វះកាត់​សម្ផស្ស​ដូច​ ហ្វាន​ ពីងពីងបេះបិត​ សូម្បី​ជាង​ថតរូប AFP ចាប់​ច្រឡំ​

ក្រុង​ប៉េកាំង: អ្នក​និយម​សម្រស់​ក្រោម​ផ្លែ​កាំបិត​រមែង​ធ្វើ​ការវះកាត់​យក​សម្រស់​លំនាំតាម​តារា​សំណព្វ​ចិត្ដ​របស់​ពួកគេ តែ​បុគ្គល​តិច​តួច​បំផុត​ដែល​ធ្វើ​វះ​កាត់​ជោគ​ជ័យ​ដោយ​មាន​រូប​រាង​ដូច​តារា​ល្បីៗ​។ ករណី​មួយ​គឺថា កញ្ញា ហេ ឆេងស៊ី ជា​យុវតី​ចិន​ដែល​ព្យាយាម​វះកាត់​ឲ្យ​ដូច​តារា​ភាពយន្ដ​ល្បី​ ហ្វាន ពីង​ពីង ​ស្ទើរ​តែ​ចាប់​ច្រឡំ​។

ទោះ​ទើប​ត្រូវបាន​ស៊ើប​អង្កេត​រឿង​កេង​កិប​ប្រាក់​ពន្ធ ហ្វាន ពីងពីង នៅតែ​ជា​កំពូល​តារា​ភាពយន្ដ​ល្បី​បំផុត​នៅ​ប្រទេស​ចិន​ម្នាក់​។ នាង​ជា​តារា​ភាពយន្ដ ជា​ផលិតករ ​ជា​តារា​ចម្រៀង និង​ជា​និម្មិតរូប​ហ្វាសសិន​​ដ៏​ជោគ​ជ័យ​ម្នាក់​។

រូបរាង​ដ៏​គួរ​ឲ្យ​ទាក់​ទាញ​របស់​នាង​បាន​ក្លាយ​ជា​សម្រស់​ក្នុង​ក្ដី​សុបិន​របស់​យុវតី​ចិន និង​ពិភព​លោក​​រាប់​លាន​នាក់​។ ដូច្នេះ វា​គ្មាន​អ្វី​គួរ​ឲ្យ​ភ្ញាក់​ផ្អើល ដែល​នារី​ជា​ច្រើន​នាំ​គ្នា​ជ្រួល​ជ្រើម​ចង់​មាន​សម្រស់​ដូច​នាង​ឡើយ​។ នារី​ជា​ច្រើន​បាន​ព្យាយាម​វះ​កាត់ តែ​មិន​ច្រើន​ទេ ដែល​អាច​ទទួល​ជោគ​ជ័យ​ ដូចជា ករណី​កញ្ញា ហេ​ ឆេងស៊ី អាយុ​ ២៣ ឆ្នាំ ជា​តារា​បណ្ដាញ​សង្គម​ដែល​ចំណាយ​ប្រាក់​រាប់​សែន​ដុល្លារ​វះ​កាត់​កែ​សម្ផស្ស​រយៈ​ពេល ៨ ឆ្នាំ ដើម្បី​ឲ្យ​រូប​រាង​ដូច​តារា​ចិន​។

​ឆេងស៊ី ក្លាយ​ជា​ជន​ល្បី​លើ​ឆាក​អន្ដរជាតិ​ចំពោះ​រូប​សម្រស់​ដូច​ ហ្វាន​ ពីងពីង កាល​ពី​ប៉ុន្មាន​ឆ្នាំមុន​ ក្រោយ​ពី​បង្ហាញ​វត្ដមាន​លើ​កម្មវិធី​ប្រកួត​ចម្រៀង​ចិន «Super Girl» ដែល​នាង​ធ្វើ​ឲ្យ​គណកម្មការ និង​ទស្សនិកជន​ស្រឡាំង​កាំង​។ យុវតី​រូប​នេះ​ស្រាប់​តែ​បាន​ក្លាយ​ជា​បុគ្គលិក​ល្បី​មួយ​រំពេច​។

បណ្ដាញផ្សព្វផ្សាយ​ចិន​ចាប់​ផ្ដើម​ស្វែង​រក​ ហេ ឆេងស៊ី និង​បាន​រាយ​ការណ៍​ថា នាង​បាន​វះ​កាត់​កែ​សម្ផស្ស ៨ ឆ្នាំ​ដើម្បី​ឲ្យ​មាន​រូបរាង​ដូច ហ្វាន ពីងពីង។

Content image - Phnom Penh Post
តារាស្រី Fan bingbing ពិត

និយាយ​ថា នាង​មិន​មែន​ជា​ ហ្វាន ពីងពីង ធ្វើ​ឲ្យ​មនុស្ស​ជា​ច្រើន​មិន​ជឿ​ រួមទាំង​ ជាង​រូប​ថត​ AFP ដែល​ទើប​បង្ហោះ​រូប​ថត​នាង ឆេង​ស៊ី និង​បាន​ដាក់​ឈ្មោះ​នាង​ថា ហ្វាន ពីង​ពីង​។ រូប​ភាព​នេះ​ត្រូវបាន​ថត​នៅ​មហោស្រព​ភាពយន្ដ​ក្រុង​កាន ជា​ទី​កន្លែង​តារា​ទាំង​ពិត និង​មិន​ពិត​បង្ហាញ​វត្ដមាន​ ហើយ​ជាង​រូប​ថត​មើល​មិន​ស្គាល់​ថា​ មួយ​ណា​ពិត និង​មួយ​ណា​មិន​ពិត​។

ដោយ​មាន​អ្នក​គាំទ្រ​ជាង ១,២ លាន​នាក់​លើ​បណ្ដាញ​សង្គមចិន Weiboកញ្ញា ហេ ឆេងស៊ី ជា​តារា​បណ្ដាញ​សង្គម​ល្បី​ម្នាក់​ ហើយ​បើ​ទោះបីជា​មាន​ប្រជាប្រិយ​ភាព​ដោយសារ​តែ​រូប​សម្ផស្ស​ដូច ហ្វាន ពីង​ពីង ពេល​នេះ នាង​អះអាង​ថា នាង​ចង់​ឲ្យ​គេ​ស្គាល់​នាង​តាម​រយៈ​ខ្លួន​នាង​ផ្ទាល់​។

កញ្ញា​បាន​ប្រាប់ told Inkstone Newsថា​៖ «​ខ្ញុំ​តែងតែ​ប្រាប់​ពួកគេ​ថា ខ្ញុំ​​ចូលចិត្ដ​ ហ្វាន ពីង​ពីង ហើយ​ខ្ញុំ​មាន​រូបរាង​ដូច​នាង​ តែ​មិន​មែន​ជា ហ្វាន​ ពីង​ពីង​ ទេ​។ នៅ​លើ​ឆាក​អន្ដរជាតិ ខ្ញុំ​សង្ឃឹម​ថា មនុស្ស​ម្នា​មើល​មក​ខ្ញុំ​ចាត់​ទុក​ជា​បុគ្គល​ម្នាក់​ផ្សេង​ទៀត​»៕ AFP/HR

Content image - Phnom Penh Post
តារា​ស្រី​ដែល​កែ​មុខ​ដូច Fan bingbing

Content image - Phnom Penh Post
តារា​ស្រី​ដែល​កែ​មុខ​ដូច Fan bingbing និងរូបពិត Fan bingbing

អត្ថបទគួរចាប់អារម្មណ៍

  • អាជ្ញាធរ​ហាម​កប់​សព ឬ​ធ្វើ​ម៉ុង​នៅ​តាម​ជើងភ្នំ​ស្វាយ

    បន្ទាយមានជ័យៈ អាជ្ញាធរ​ខេត្ត​បន្ទាយមានជ័យ​បាន​ចេញ​បម្រាម​មិន​ឲ្យ​មាន​ការ​សាងសង់​ផ្នូរ​កប់​សព ធ្វើ​ចេតិយ​ ឬ​ធ្វើ​ម៉ុង​នៅ​តាម​ជើងភ្នំ​ស្វាយ​ក្នុង​ក្រុង​សិរីសោភ័ណ​ទៀត​ឡើយ ដោយសារ​តែ​វា​ធ្វើឲ្យ​ខូច​ដល់​សោភណភាព​ភ្នំ​ធម្មជាតិ​ដែល​ជា​ទី​ទៅ​កម្សាន្ត​សម្រាប់​ភ្ញៀវទេសចរ​ជាតិ និង​អន្តរជាតិ​។ ការសម្រេច​នេះ​ត្រូវ​បាន​ធ្វើ​ឡើង​នៅក្នុង​កិច្ចប្រជុំ​មួយ​នៅ​សាលាខេត្ត​កាលពី​ថ្ងៃទី​ ១៤ ខែ​សីហា​ឆ្នាំ​ ២០១៨​។

  • ចិន​នឹង​បញ្ជូន​ក្រុម​អ្នកចរចា​ទៅ​អាមេរិក

    ក្រុងប៉េកាំងៈ ក្រសួង​ពាណិជ្ជកម្ម​ចិន​បាន​ឲ្យ​ដឹង​កាលពី​ថ្ងៃ​ព្រហស្បតិ៍​ថា ចិន​នឹង​បញ្ជូន​អ្នកចរចា​ជាន់​ខ្ពស់​ទៅ​សហរដ្ឋអាមេរិក​នៅ​ចុង​ខែ​សីហា​នេះ ដើម្បី​បន្ត​ការចរចា​ពាណិជ្ជកម្ម​ឡើង​វិញ ដែល​ជា​កិច្ចប្រជុំ​សាធារណៈ​លើកដំបូង​ក្នុង​រយៈពេល​ជាច្រើន​សប្ដាហ៍​ទាក់ទង​នឹង​ប្រធានបទ​នេះ ខណៈ​ជម្លោះ​ពាណិជ្ជកម្ម​មាន សភាព​កាន់តែ​ខ្លាំង​ឡើង​។

  • បរទេស​ និង​ខ្មែរ​ ៥៣ ​នាក់​ត្រូវ​បាន​ចាប់​ខ្លួន​ពាក់ព័ន្ធ​នឹង​គ្រឿងញៀន

    ព្រះសីហនុៈ ជនបរទេស និង​ខ្មែរ​ចំនួន​ ៥៣ ​នាក់​ត្រូវ​បាន​ចាប់ខ្លួន​កាលពី​ម្សិលមិញ​នៅក្នុង​សង្កាត់​លេខ​ ៤ ក្រុង​ព្រះសីហនុ​ពេល​កំពុង​ប្រព្រឹត្ត​បទល្មើស ជួញដូរ និង​ប្រើប្រាស់​គ្រឿងញៀន​នៅក្នុង​រង្គសាល​ស្កាយឡាញ​ ១ ​កន្លែង​។

  • CPP ការពារ​លទ្ធផល​បោះឆ្នោត ហើយ​ថា​រាល់​ការរិះគន់​គឺជា​ការប្រមាថ​ប្រជាជន​កម្ពុជា​យ៉ាង​ធ្ងន់ធ្ងរ

    ភ្នំពេញៈ បន្ទាប់ពី​ទទួល​បាន​ជ័យជម្នះ​ក្ដោប​ក្ដាប់​យក​អាសនៈ​ទាំង​ ១២៥ នៅក្នុង​រដ្ឋសភា មន្ត្រី​ជាន់ខ្ពស់​នៃ​គណបក្ស​ប្រជាជន​កម្ពុជា​កាលពី​ម្សិលមិញ​បាន​ចេញ​មុខ​នៅ​ចំពោះ​ប្រព័ន្ធ​ផ្សព្វផ្សាយ​ជាតិ និង​អន្តរជាតិ​ដើម្បី​ការពារ​ជ័យជម្នះ​ដែល​ទទួល​បាន​ពី​ការបោះឆ្នោត​កាលពី​ថ្ងៃទី​ ២៩ ខែ​កក្កដា​កន្លង​មក​នេះ ហើយ​ក៏​បាន​វាយបក​ធ្ងន់ៗ​ប្រឆាំង​បណ្ដា​ប្រទេស​ប្រជាធិបតេយ្យ​ខ្លះ និង​អតីត​គណបក្ស​ប្រឆាំង​ដែល​រិះគន់​ខ្លួន​ថា​បាន «​ប្រមាថ​យ៉ាងធ្ងន់ធ្ងរ​» ដល់​ឆន្ទៈ​ប្រជាជន​កម្ពុជា ហើយ «​ឧបាយកល​ដ៏ពិសពុល​» របស់​ពួកគេ​បាន​ទទួល​បរាជ័យ​ជា​អ្វី​ដែល​អតីត​មន្ត្រី​ជាន់ខ្ពស់​គណបក្ស​ប្រឆាំង និង​អ្នកវិភាគ​ជំទាស់​។