ក្រុងញូវយ៉ក : ឯតទគ្គកម្មហ្គីណេសពិភពលោក បានប្រាប់ស្ដ្រីរដ្ឋអាកាន់សាស់ម្នាក់ ដែលបង្ហាញសមត្ថភាពដោះ និងពាក់ឈុតជ្រមុជទឹកដោយប្រើឋេរវេលាតិចជាងមួយនាទីថា នាងបានបង្កើតកំណត់ត្រាពិភពលោក។
លីនសេ ស្កុត មកពីហ្វាយេតតេវីល បាននិយាយថា នាងទទួលបានអុីមែលពីហ្គីណេសខែនេះដែលបានអបអរសាទរនាងបានបង្កើតកំណត់ត្រាថ្មីចំពោះការពាក់ និងដោះសម្លៀកបំពាក់ឈុតជ្រមុជទឹកបានលឿនជាងគេ។
ស្កុត បានប្រាប់កាសែត Time Record ថា៖ «ក្រោយពីបញ្ចប់ការបង្ហាញសមត្ថភាព ខ្ញុំបន្ដរងចាំរហូតដល់ខ្ញុំទទួលអុីមែលបញ្ជាក់ច្បាស់ពីកំណត់ត្រាថ្មីនេះ»។
កញ្ញា ស្កុត បានដាក់ភ័ស្ដុតាងពីកំណត់ត្រាទៅកាន់អង្គការពិភពលោកនេះ ក្រោយថតវីដេអូប៉ុនប៉ងបង្កើតកំណត់ត្រាផ្លូវការនៅថ្ងៃទី៥ ខែវិច្ឆិកានៅអគារ HPER នៃសាកលវិទ្យាល័យអាកាន់សាស់ នៅក្រុងហ្វាយេតតេវីល។ នាងមានបំណងធ្វើនូវឋេរវេលា ៦០ វិនាទី តែវេលាផ្លូវការរបស់នាងធ្វើបានរហ័សដែលមានរយៈពេលត្រឹម
តែ ៤៣,១៣ វិនាទីប៉ុណ្ណោះ។
នាងបាននិយាយថា ការទទួលស្គាល់របស់ហ្គីណេសបានសម្រេចចូលចិត្ដបំណងដែលនាងបានបួសសួងតាំងពីថ្ងៃចូលឆ្នាំ២០១៧៕ HR
ប្រភព៖ www.upi.com