The Phnom Penh Post Search

Search form

Logo of Phnom Penh Post newspaper Phnom Penh Post - យុវតីអាល័យ​កុមារភាព ​​ធ្វើបង្អែម​សូនជា​រូបបន្លែ​ផ្លែឈើ​ស្រស់​ឆើត​គួរ​ឲ្យ​ចង់​ញ៉ាំ​




យុវតីអាល័យ​កុមារភាព ​​ធ្វើបង្អែម​សូនជា​រូបបន្លែ​ផ្លែឈើ​ស្រស់​ឆើត​គួរ​ឲ្យ​ចង់​ញ៉ាំ​

Content image - Phnom Penh Post
កញ្ញា ង៉ូវ សុខយូ កំពុង​រៀប​ចំ​ផលិតបង្អែម​រំលេច​រូបភាព​បន្លែ និង​ផ្លែឈើ​។ Kimberley Mccosker

យុវតីអាល័យ​កុមារភាព ​​ធ្វើបង្អែម​សូនជា​រូបបន្លែ​ផ្លែឈើ​ស្រស់​ឆើត​គួរ​ឲ្យ​ចង់​ញ៉ាំ​

ភ្នំពេញៈ ​រហូត​ដល់​ពេញ​វ័យ និង​ចូល​បម្រើការងារ​ជា​អ្នកបក​ប្រែ​ភាសា​អង់គ្លេស​នៅរាជ​ធានី​ភ្នំពេញ​ កញ្ញា​ ង៉ូវ​ សុខយូ វ័យ ២២ ឆ្នាំ បាននឹក​ស្រណោះ​ដល់​បង្អែម​សណ្ដែករូប​បន្លែ​ និង​ផ្លែឈើ​ កាល​គ្រា​នៅ​កុមារភាព ដែល​ខ្លួន​តែងតែ​ទទួលទាន​នៅពេល​រៀនបឋមសិក្សា។

ដោយ​មើល​ពី​ភាពកម្រ​នៃ​ការ​ផ្កត់ផ្គង់​ចំណី​ចំណុក​ប្លែក​ៗ​នៅ​ទីក្រុង កញ្ញា​បាន​សម្រេច​ចិត្តបង្ហាញ​​អំពីទេពកោសល្យ​​សិល្បៈ​របស់​ខ្លួន​តាម​រយៈ​ការ​បង្កើត​បង្អែម​ច​ម្រុះពណ៌​នេះ​។ ក្រោយ​ពី​ធ្វើ​ការ​សាកល្បង​ប៉ុន្មាន​ដង​មក​ យុវតី​ សុខយូ សម្រេច​ប្រើ​រូបមន្ដ​ សណ្ដែក​​ និង​ម្សៅ​ខ្ទិះ​ដូង​ កូរឲ្យ​ទន់រួច​ស្រោប​ពីលើ​ស្ក​រ​ដែល​លាយ​ជាមួយល័ក្ខ​ដើម្បី​រំលេចនូវសម្រស់​ឲ្យស័ក្ដិសម​ដូចជា​បន្លែ និង​ផ្លែឈើពិតៗ​។

អង្គុយ​ក្នុង​ហាង​កាហ្វេ​មួយ​កន្លែង​ក្នុងរាជ​ធានី​ កញ្ញា សុខ​យូ បាន​ពន្យល់​ប្រាប់​អំពី​មូលហេតុ​ដែល​នាំ​ឲ្យ​គម្រោង​តូច​តាច​​របស់​ខ្លួន​ទទួល​បាន​ជោគជ័យ​ខ្លាំង​រហូត​ដល់​បង្កើត​បាន​ជា​ជំនួញ​ធំដុំ។

កញ្ញា​បានឲ្យ​ដឹងថា៖ «​ខ្ញុំ​ទើប​តែ​បានធ្វើ​ខ្លះ​ៗ​ និង​បង្ហោះ​រូបតាម​អនឡាញ​។ ខ្ញុំ​ទទួល​បានការចាប់​អារម្មណ៍​ និង​កុម្ម៉ង់​ទិញ​យ៉ាង​ច្រើនពីសំណាក់​អ្នកប្រើ​បណ្ដាញ​សង្គម»។

Content image - Phnom Penh Post
​សកម្មភាព​ផលិត​បង្អែម​រូប​​បន្លែ និង​ផ្លែឈើ​។ Kimberley Mccosker

កញ្ញា សុខយូ បាន​បង្ហាញ​ពី​ទិចនិក​ដ៏​ជោគជ័យ​ក្នុង​ការប្របាច់​សណ្ដែក​កិន​តូច​ៗ​ទៅ​ជា​រូបភាព​ផ្សេងៗ​ដោយ​ប្រើ​ម្រាម​ដៃ​ រួច​ប្រើ​ចង្កឹះ​ឈ្លី​លញ់​ដើម្បី​សូន្យ​យ៉ាងផ្ចិតផ្ចង់។ ថ្វីដ្បិត​អាជីវកម្ម​របស់កញ្ញា​គ្មាន​ម៉ាកយីហោរ​ត្រឹម​ត្រូវយ៉ាង​ណាក៏ដោយ ​ប៉ុន្ដែ​ផលិតផលរបស់​ សុខ យូ ទទួល​បាន​ការពេញនិយមខ្លាំង។​ កញ្ញា បាន​​លើក​ឡើង​ថា​៖ «ខ្ញុំ​ទទួល​ការ​បញ្ជា​ទិញត្រឹម​តែ​ពី​ ៥០០ ទៅ ៧០០ ដុំ​ក្នុងមួយ​ថ្ងៃ​ ពីព្រោះ​ខ្ញុំ​មិន​អាចផលិតរហូត​ដល់ ១ ពាន់ដុំ​នោះ​ទេ»។

បង្អែម​សណ្ដែក ១ ប្រអប់មាន ៣០ គ្រាប់ មានតម្លៃ ១៥០០០ រៀល ហើយ ៥០ គ្រាប់​មាន​តម្លៃ ២៥០០០ រៀល​។

បច្ចុប្បន្ននេះ​​ សុខយូ មាន​បុគ្គលិក ២ នាក់ ជួយជំនួស​ដៃ​ជើង​ ដែល​នាំ​ចំណូល​ពី ៥០ ទៅ ១០០ ដុល្លារ​ក្នុង​មួយ​ថ្ងៃ​។

យុវតី​ដែល​មាន​អាជីព​ជា​អ្នក​បក​ប្រែភាសា​រូបនេះ បានបន្ដ​ទៀត​​ថា ជា​លទ្ធផល​ចំពោះ​ចំណូល​ដ៏​សម​គួរ​នេះ មាន​អ្នក​លួច​ចម្លង​ស្នាដៃ​របស់​កញ្ញា​មក​ផលិត​ស្ក​រគ្រាប់​ស្រ​ដៀង​គ្នា​លក់​យ៉ាង​ព្រោង​ព្រៀត​លើ​ទីផ្សារ។

សុខ​យូ បាន​បញ្ជាក់​ថា ប៉ុន្ដែ​ពេល​នេះ​ មិនទាន់មានអ្នក​ណា​អាច​ប្រើ​រូបមន្ដ​ត្រឹម​ត្រូវ​ដែល​ផលិត​បាន​ជា​បង្អែម​សណ្ដែក​រូបរាង​បន្លែ និង​ផ្លែ​ឈើ​ពណ៌​សម្បុរ​ភ្លឺ​រលោង​ឡើយ​។ វា​ជា​រូបមន្ដ​សម្ងាត់​​ដែល​កញ្ញា​មិន​អាច​លាត​ត្រដាង​បាន​។

កញ្ញាបាន​ពន្យល់​​ថា​៖ «​បើ​ខ្ញុំ​បង្រៀន​សិស្ស វាហាក់​ដូចជា​ខ្ញុំ​លក់​ជំនួញ​របស់​ខ្លួន​ឯង​ដែរ​។ ប៉ុន្ដែខ្ញុំ​មិន​ប្រកែប្រកាន់​អ្វី​ឡើយ​ ប្រសិន​បើ​មាន​គេ​ប្រកប​របរ​ដូច​ខ្ញុំ​ច្រើន​ ពីព្រោះ​វា​ជា​ទីផ្សារ​សេរី​ ហើយ​ខ្ញុំ​ជឿ​ជាក់​ទៅ​លើ​ស្នាដៃ​របស់​ខ្ញុំ​ផ្ទាល់​»។

យុវតី​រូបនេះ បាន​បន្ដថា បង្អែម​សណ្ដែក​របស់​កញ្ញាបច្ចុប្បន្ន​​ទទួល​បាន​ប្រជា​ប្រិយ​ខ្លាំង​សម្រាប់​បម្រើ​នៅ​ក្នុង​កម្មវិធី​ជប់លៀង​ផ្សេងៗ​។

កញ្ញា​ថា​​៖ «​វា​ល្បី​ខ្លាំង​ណាស់​ក្នុង​ចំណោម​យុវវ័យ​ដែលកុម្ម៉ង់​ទិញ​ជា​កាដូ​ពេល​ទទួលភ្ញៀវ​ក្នុង​ពិធីមង្គលការ​។ ពួកគេ​ចូលចិត្ដ​​ការ​តុប​តែង​ និង​រសជាតិ​ស្ករ​គ្រាប់​ផ្លែឈើ​ ហើយ​ពួកគេ​ថតរូប​មុន​ពេល​ញ៉ាំ​ទៀតផង​ដើម្បី​ផ្ញើ​ជូន​ក្រុមគ្រួសារ និង​មិត្ដភក្ដិ​បាន​ឃើញ»។

ពេល​នេះ សហគ្រិន​វ័យ​ក្មេង​រូប​នេះ​សង្ឃឹម​បង្កើន​មុខ​ជំនួញ​ដែល​ទើប​មាន​អាយុ ១ ខែ​របស់​ខ្លួន​ ដោយ​បាន​លើក​ឡើងថា​៖ «​ថ្ងៃ​អនាគត ខ្ញុំ​នឹង​ធ្វើបង្អែម​​ជាច្រើនរសជាតិថែម​ទៀត​ ហើយ​ខ្ញុំ​នឹង​បើក​ហាង​សមរម្យ​មួយ​ផងដែរ»៕

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។