.jpg)
ស្ដ្រីអេស្ប៉ាញ ដូឡូរ៉េស ល្បីឈ្មោះព្រោះមុខមាត់ដូចដូណាល់ ត្រាំ។
ក្រុងម៉ាឌ្រីដ: គេថា មនុស្សក្នុងលោកអាចមានភិនភាគស្រដៀងគ្នា ហើយសម្រាប់លោកប្រធានាធិបតីអាមេរិក ដូណាល់ ត្រាំ ក៏មានស្ដ្រីជនបទអេស្ប៉ាញម្នាក់ មានមុខមាត់ស្រដៀងនឹងលោកដែរ។
អ្នកស្រី ដូឡូរ៉េស ឡេស អង់តេតូ បានរស់នៅជាមួយស្វាមីនៅកសិដ្ឋានក្នុងក្រុង កាបាណាដេ បេហ្គាន់ទីណូស រយៈពេល ៤០ ឆ្នាំ។ ដ្បិតអត់មានកុំព្យូទ័រ ឬទូរស័ព្ទទំនើប អ្នកស្រី ទទួលប្រជាប្រិយភាពខ្លាំង ពេលអ្នកស្រីត្រូវបានថតរូបដោយអ្នកកាសែត Paula Vazquez។
លោក Paula ប្រាប់កាសែតភាសាអេស្ប៉ាញ Faro de Vigo ថា៖ «អ្នកស្រី រៀបចំដើរទៅកាន់កសិដ្ឋានដើម្បីប្រមូលផលស្ពៃក្ដោប។ ដូច្នេះ ខ្ញុំបានដើរទៅក្បែរគាត់ ខណៈមិត្ដស្រីខ្ញុំថតរូបគាត់់»។
មិត្ដស្រី ក៏បានបង្ហោះរូបនោះចូលអ៊ីនស្ដាក្រាម ដោយនាងអត់សម្គាល់ពីភិនភាគរវាងអ្នកស្រី ដូឡូរ៉េស ទៅនឹងមេដឹកនាំអាមេរិកឡើយ។
ប៉ុន្ដែអ្នកដទៃចុច «favorite» ជាង ៨ ពាន់ដង និងចែករំលែកជាង ៤ ៧០០ ដង។
កូនស្រីអ្នកស្រី ឈ្មោះ អាណា បាននិយាយថា មនុស្សម្នាជាច្រើនដែលរស់នៅក្បែរខាង បាននាំគ្នាហៅអ្នកស្រីជា បងប្អូនជីដូនមួយលោក ដូណាល់ ត្រាំ៕
HR
