The Phnom Penh Post Search

Search form




Logo of Phnom Penh Post newspaper Phnom Penh Post - រកឃើញ​ម្ចាស់​ជយលាភី​ ពី​ការប្រកួត​ជ្រើសរើស​ចុងភៅ​ឆ្នើម​វ័យក្មេង​លើក​ដំបូង​ប្រចាំ​ឆ្នាំ​ ២០១៩

រកឃើញ​ម្ចាស់​ជយលាភី​ ពី​ការប្រកួត​ជ្រើសរើស​ចុងភៅ​ឆ្នើម​វ័យក្មេង​លើក​ដំបូង​ប្រចាំ​ឆ្នាំ​ ២០១៩

Content image - Phnom Penh Post
ក្រុម​បេក្ខជន​ចូល​ប្រកួត​ជ្រើសរើស​ចុងភៅ​ឆ្នើម​វ័យក្មេង​ជា​លើកដំបូង​ប្រចាំ​ឆ្នាំ​ ២០១៩ កាលពី​ថ្ងៃទី​ ៨ ខែ​មិថុនា​។ រូបថត សហការី

រកឃើញ​ម្ចាស់​ជយលាភី​ ពី​ការប្រកួត​ជ្រើសរើស​ចុងភៅ​ឆ្នើម​វ័យក្មេង​លើក​ដំបូង​ប្រចាំ​ឆ្នាំ​ ២០១៩

ភ្នំពេញៈ ទីបំផុត​បេក្ខនារី​ជា​ចុងភៅ​មកពី​ភោជនីយដ្ឋាន​ Topaz កញ្ញា បូ ណារិននី បាន​ទទួល​ជ័យជម្នះ​ពី​ការប្រកួត​ជ្រើសរើស​ចុងភៅ​ឆ្នើម​វ័យក្មេង​លើក​ដំបូង​នៅ​ឆ្នាំ​ ២០១៩ ឬ Young Chef Talent Competitions Service 2019 ខណៈ​ការប្រកួត​ធ្វើ​នៅ​ថ្ងៃទី​ ៨ ខែ​ មិថុនា ឆ្នាំ​ ២០១៩ កន្លង​មក​ដោយ​មាន​បេក្ខជន-បេក្ខនារី​ចូលរួម​ប្រកួត​មាន​ចំនួន ៧​ ​រូប​ មកពី​ភោជនីយដ្ឋាន និង​សណ្ឋាគារ​ចំនួន​ ៤ នៅ​រាជធានី​ភ្នំពេញ​ក្នុង​ភោជនីយដ្ឋាន​ខេមា​នៅ​មហាវិថី​ព្រះនរោត្តម​។

កញ្ញា បូ ណារិននី បាន​ក្លាយ​ជា​ម្ចាស់​ជយលាភី​នៃ​ការប្រកួត​ជ្រើសរើស​អ្នក​មាន​ទេពកោសល្យ​វ័យក្មេង​ថ្នាក់ជាតិ​ផ្នែក​សិល្បៈ​បម្រើ​ម្ហូបអាហារ​តាម​តុ​ដែល​ធ្វើឡើង​នៅ​ថ្ងៃ​ទី​ ៨ ខែ​ មិថុនា ឆ្នាំ​ ២០១៩ នៅ​ភោជនីយដ្ឋាន​ខេមា​នៅ​មហាវិថី​ព្រះនរោត្តម​នឹង​ធ្វើការ​ប្រកួត​ម្តង​ទៀត​ថ្នាក់​អាស៊ាន​នៅ​ទីក្រុង​ហុងកុង ប្រទេស​ចិន នៅ​ខែ​វិចិ្ឆកា ឆ្នាំ​ ២០១៩ ខាង​មុខ​នេះ​។

កញ្ញា ហន រស្មី អ្នកសម្របសម្រួល​ផ្នែក​ទំនាក់ទំនង​ព័ត៌មាន​នៃ​សមាគម​ភោជនីយដ្ឋាន​កម្ពុជា​បង្ហើប​ឲ្យ​ដឹង​ពី​ចំនួន​បេក្ខជន​ចូលរួម​ក្នុង​ការប្រកួត​នេះ​ថា​៖ «​ការប្រកួត​នេះ យើង​បាន​ចម្រាញ់​យក​ម្ចាស់​ជយលាភី​តែ​ម្នាក់​ទេ ខណៈ​មាន​បេក្ខជន-បេក្ខនារី​ចូលរួម​ប្រកួត​ចំនួន​ ៧ ​រូប​ដោយ​ក្នុង​នោះ​មាន​ប្រុស ៤ ​រូប និង​ស្រី ៣ ​រូប ​ដែល​មកពី​ភោជនីយដ្ឋាន និង​សណ្ឋាគារ​ចំនួន ៤ មាន​ភោជនីយដ្ឋាន​តូប៉ាហ្ស (Topaz) ភោជនីយដ្ឋាន​ខេមាសណ្ឋាគារ​សូហ្វីតែល និង​សណ្ឋាគារ​រ៉ាហ្វល់ឡឺរ៉ូយ៉ាល់ (Raffle Le Royal) នៅក្នុង​រាជធានី​ភ្នំពេញ​»​។

Content image - Phnom Penh Post
កញ្ញា បូ ណារិននី មកពី​ភោជនីយដ្ឋាន Topaz ជយលាភី​លេខ​ ១​។ រូបថត សហការី

កញ្ញា ហន រស្មី បន្ត​ឲ្យ​ដឹងថា​៖ «​អ្នក​ឈ្នះ​ការប្រកួត​នេះ​ទទួល​បាន​ពាន​ ១ វិញ្ញាបនបត្រ​ ១ និង​រង្វាន់​សម្រាប់​ការឈ្នះ​នេះ​ដែរ​គឺ​នឹង​មាន​ឱកាស​ចូលរួម​ការប្រកួត​ចុងភៅ​ថ្នាក់​តំបន់​អាស៊ាន​នៅ​ទីក្រុង​ហុងកុង ប្រទេស​ចិន​នៅ​ខែ​វិច្ឆិកា​ខាង​មុខ​។ យើង​មិន​មាន​រង្វាន់​ជា​ប្រាក់​ឡើយ សម្រាប់​បេក្ខជន​ជយលាភី ដោយ​យើង​ចាត់ទុក​ការបញ្ចូន​គាត់​ឲ្យ​ទៅ​ប្រកួត​លក្ខណៈ​អន្តរជាតិ​នោះ​គឺជា​ប្រាក់រង្វាន់​»​។

ដោយសារ​ចង់​រក​បេក្ខជន​ដែល​មាន​ទេពកោសល្យ និង​មាន​ជំនាញ​សិល្បៈ​ផ្នែក​ចម្អិន​ម្ហូបអាហារ​សេវាកម្ម​នោះ សមាគម​មេ​ចុងភៅ​កម្ពុជា​សហការ​ជាមួយ​នឹង​សមាគម​ភោជនីយដ្ឋាន​កម្ពុជា​បាន​រៀបចំ​ការប្រកួត​ជ្រើសរើស​ចុងភៅ​ឆ្នើម​វ័យក្មេង​ជា​លើក​ដំបូង​ប្រចាំ​ឆ្នាំ​ ២០១៩ ខណៈ​ការប្រកួត​បាន​រៀបចំ​ឡើង​នៅ​ភោជនីយដ្ឋាន​ខេមា​នៃ​មហាវិថី​នរោត្តម​។

ទោះបី​ដំណើរការ​លើកដំបូង​មែន​ក្តី បើ​តាម​ស្តាប់​ពី​ឆន្ទៈ និង​ស្មារតី​នៃ​សមាគម​ទាំង ២ គឺ​ទំនង​ជា​នឹង​ត្រូវ​មាន​ការរៀបចំ​ប្រកួត​ជ្រើសរើស​ចុងភៅ​ឆ្នើម​វ័យក្មេង​នេះ មាន​លក្ខណៈ​ប្រចាំ​ហើយ​លទ្ធផល​ចុងក្រោយ​គឺ​ត្រូវ​ចម្រាញ់​យក​ជយលាភី​តែ ១ ​រូប​។

លោក រីឆាត ហ្គីឡេត ជា​ប្រធាន​សមាគម​មេចុងភៅ​កម្ពុជា​ធ្លាប់​បាន​ឲ្យ​ដឹង​ពី​គោលបំណង​នៃ​ការប្រកួត​ថា នេះ​គឺជា​ការរៀបចំ​លើក​ដំបូង​ដោយ​ចង់​ផ្សព្វផ្សាយ​ក៏ដូចជា ចង់​បើក​ឱកាស​ទូលាយ​សម្រាប់​ក្រុម​បេក្ខជន ជាពិសេស​អ្នក​មាន​ចំណូលចិត្ត និង​ជំនាញ​ចម្អិន​ម្ហូបអាហារ​ទើប​ខាង​សមាគម​មេចុងភៅ​កម្ពុជា​ដែល​បាន​សហការ​ជាមួយ​សមាគម​ភោជនីយដ្ឋាន​កម្ពុជា​រៀបចំ​ឡើង ដើម្បី​ចែករំលែក​ដល់​បេក្ខជន​មាន​ជំនាញ​ខាង​ចុងភៅ​៕

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។