.jpg)
ឪពុក និងកូនៗរាំរបាំរាំបង្វិលខ្លួន បន្តប្រពៃណីសាសនារបស់ពួកគេ។ AFP
ក្រុងដាម៉ាស៖ កុមារា អាណាស អាល់-ខាររ៉ាត់ អាយុ ៣ ឆ្នាំលើកដៃម្ខាងឡើង ស្របពេលរ៉ូបវែងពណ៌សវិលប៉ោងឡើងពេលក្មេងតូចរូបនេះបង្វិលខ្លួន។
ជំនាញរាំរបស់កុមារារូបនេះមានដុងពីក្រុមគ្រួសារ ដែលឪពុកជាអ្នករាំឈ្មោះ មូយាដ ក៏កំពុងតែរាំក្បែរខ្លួន នៅមុខមហាជនកំពុងរំពៃមើល។
ឪពុក បាននិយាយនៅក្នុងភោជនីយដ្ឋានមួយក្នុងក្រុងដាម៉ាសថា៖ «អាណាស រៀនបង្វិលខ្លួនមុនពេលរៀននិយាយ។ គាត់គឺជាអ្នករបាំអ៊ិស្លាមដ៏ក្មេងបំផុតនៅស៊ីរី»។
ការបង្វិលខ្លួន ជាចលនាបែបសមាធិតាមរយៈក្រុមនិកាយស៊ូហ្វ៊ីព្យាយាមទាក់ទងជាមួយអាទិទេព បានបង្ហាញឱ្យឃើញអ្នករាំបង្វិលខ្លួនតាមចង្វាក់នៃកាយវិការអ្នកធ្វើការបួងសួងរហូតដល់ចប់។
ដោយមានការពេញនិយមនៅអ៊ីរ៉ាក់ អាហ្វហ្គានីស្ថាន និងតួកគី ការរាំដែលមានប្រភពចេញពីក្រុមស៊ូហ្វ៊ី ការគោរពប្រណិប័តន៍ផ្ដោតលើដួងវិញ្ញាណចំពោះសាសនាអ៊ិស្លាម បង្កើតឡើងដោយសាវ័ក និងកវី ចាឡាល់ អាល់-ឌីន រូមី។
ការបង្វិលខ្លួន ជាចលនាបែបសមាធិតាមរយៈក្រុមនិកាយស៊ូហ្វ៊ីព្យាយាមទាក់ទងជាមួយអាទិទេព។ AFP
ក្រុមគ្រួសារ ការរ៉ាត់ ជាមានកេរ្ដិ៍ឈ្មោះមួយក្នុងទីក្រុងដាម៉ាស និងបានជំរុញបង្កើនអ្នករាំរបាំសាសនា ២០ នាក់ ដែលតែងតែសម្ដែងក្បាច់រាំអំឡុងពេលរដូវបុណ្យរ៉ាម៉ាដនពិសិដ្ឋ។
លោក មូយាដ ចាប់ផ្ដើមរៀនបង្វិលខ្លួនតាំងពីកុមារភាព ដែលបង្រៀនដោយជីតារបស់លោក បន្ទាប់មក ពូ ចុងក្រោយនេះឪពុក។
នៅអាយុ ២៨ ឆ្នាំ ពេលនេះលោកមានហាងលក់គ្រឿងក្រអូបក្នុងផ្សារដាម៉ាសដ៏ល្បីមួយ តែបំណងប្រាថ្នាពិតប្រាកដរបស់លោកគឺការអនុវត្ដការរាំសាសនារបស់ក្រុមស៊ូហ្វ៊ី។
លោកបាននិយាយថា៖ «និកាយស៊ូហ្វ៊ី ជាទូទៅផ្ដោតលើការគោរពបូជា និងលើកតម្កើង។ ការបង្វិលខ្លីគ្រាន់តែជាវិធីមួយក្នុងការជួបអាទិទេព»។
លោក មូយាដ បានបន្ដថា លោកអាចបង្វិលខ្លួនបានច្រើនជុំក្នុង ១ នាទីដោយគ្មានរង្គើរចេញពីអ័ក្ស។ បន្ទាប់មក ពួកគេចុះតាមជណ្ដើរទៅកាន់ទីធ្លាដើម្បីហ្វឹកហាត់បង្វិលខ្លួនតាមចលនារបស់អ្នកបួងសួងជាមួយបងប្អូនប្រុសលោក មូយាដ គឺលោក ម៉ាមូដ។
ឪពុកជាអ្នករាំឈ្មោះ មូយាដ ជាអ្នកបង្ហាត់បង្ហាញដល់កូនៗនូវរបាំរាំបង្វិលខ្លួន។ AFP
បុរសវ័យ ៣៤ ឆ្នាំរូបនេះកំពុងបង្រៀនកុមារពីរបៀបកាន់ដៃគ្នាពេលបង្វិលខ្លួន។
លោក ម៉ាមូដ បាននិយាយពេលបង្ហាញកាយវិការងើយទៅលើមេឃថា៖ «ដោយការលើកដៃឡើងលើ យើងកំពុងតែអង្វរសុំមេត្ដាធម៌ពីអាទិទេព និងនាំអ្នកបួងសួងទៅកាន់ឋានសួគ៌។ ការដាក់ដៃលើដើមទ្រូងគឺជាសញ្ញាពីការស្ដាប់បង្គាប់ និងការបន្ទាបខ្លួននៅចំពោះមុខព្រះជាម្ចាស់»។
ភោជនីយដ្ឋានដ៏មានប្រជាប្រិយភាពបំផុតភាគច្រើនក្នុងទីក្រុងបានផ្ដល់ការសម្ដែងក្បាច់រាំតាមសាសនា ដើម្បីទាក់ទាញអតិថិជន។
លោក ម៉ាមូដ បានបន្ដថា៖ «យើងរង់ចាំរដូវបុណ្យរ៉ាម៉ាដនយ៉ាងអន្ទះសាក្នុងការចែករំលែកក្បួនតម្រានេះដល់មនុស្សដទៃ។ ការបង្វិលខ្លួនគឺជាការប្រណិប័តន៍នៅគ្រប់ពេលវេលា និងគ្រប់ទីកន្លែង តែវាកាន់តែស័ក្ដិសិទ្ធិអំឡុងពេលបុណ្យរ៉ាម៉ាដន»៕ HR
ក្រុមគ្រួសារ ការរ៉ាត់ ជាមានកេរ្ដិ៍ឈ្មោះមួយក្នុងទីក្រុងដាម៉ាស និងបានជំរុញបង្កើនអ្នករាំរបាំសាសនា ២០ នាក់។ AFP
ក្រុមគ្រួសារ ការរ៉ាត់ ជាមានកេរ្ដិ៍ឈ្មោះមួយក្នុងទីក្រុងដាម៉ាស និងបានជំរុញបង្កើនអ្នករាំរបាំសាសនា ២០ នាក់។ AFP
ក្រុមគ្រួសារដែលបន្តប្រពៃណីរបាំបង្វិលខ្លួន ជាចលនាបែបសមាធិតាមរយៈក្រុមនិកាយស៊ូហ្វ៊ី។ AFP
