The Phnom Penh Post Search

Search form




Logo of Phnom Penh Post newspaper Phnom Penh Post - រូបថត​​​​​​​អនុប្រធានាធិបតី​ស្ដ្រី​ស្បែក​ខ្មៅដំបូងលើក្រប​ទស្សនាវដ្តី Vogue ត្រូវ​គេ​រិះគន់​រាងលើស​បន្តិច​




រូបថត​​​​​​​អនុប្រធានាធិបតី​ស្ដ្រី​ស្បែក​ខ្មៅដំបូងលើក្រប​ទស្សនាវដ្តី Vogue ត្រូវ​គេ​រិះគន់​រាងលើស​បន្តិច​

Content image - Phnom Penh Post
អានណា វីនធួរ (ស្ដាំ) បកស្រាយ​រូបភាព​ទស្សនាវដ្ដី​របស់​ខ្លួន​ ដែលមាន​រូប​លោកស្រី កាម៉ាឡា ហាររីស (ឆ្វេង)។ រូបថត AFP

រូបថត​​​​​​​អនុប្រធានាធិបតី​ស្ដ្រី​ស្បែក​ខ្មៅដំបូងលើក្រប​ទស្សនាវដ្តី Vogue ត្រូវ​គេ​រិះគន់​រាងលើស​បន្តិច​

ក្រុងញូវយ៉ក: រូបភាព​ក្រប​មុខ​​ទស្សនាវដ្ដី Vogue របស់​លោក​ស្រីអនុ​ប្រធានាធិបតីជាប់​ឆ្នោត​ថ្មី​នៅ​​អាមេរិក កាម៉ាឡា ហាររីស បាន​បង្ក​ឱ្យ​មាន​ចម្រូង​ចម្រាស​ ដោយ​ក្រុម​អ្នក​រិះ​គន់​និយាយ​ថា វា​ធ្វើ​ឱ្យ​អាប់​ឱន​ដល់​កេរ្ដិ៍​ឈ្មោះ​អ្នក​នយោបាយ​ ដែល​បង្ខំ​ឱ្យ​ការីនិពន្ធ អានណា វីនធួរ (Anna Wintour) ចេញ​មុខ​មក​ការពារ​រូបភាព​ទស្សនាវដ្ដី​របស់​ខ្លួន​កាល​ពីថ្ងៃ​អង្គារ​។

ការ​រិះ​គន់​ក្រប​ទស្សនាវដ្ដី​បាន​រីក​សាយ​ភាព​ពេញ​បណ្ដាញ​សង្គម​ តាំងពី​វា​ត្រូវបាន​ចុះ​ផ្សាយ​កាលពី​អាទិត្យ ដោយ​អ្នក​ប្រើ​ប្រាស់​បណ្ដាញ​សង្គម​បាន​លើក​ឡើង​ថា ពួកគេ​មើល​ឃើញ​ពី​អត្ដចរឹក​មិន​ល្អ​ ពេល​លោកស្រី ហាររីស ពាក់​ស្បែក​ជើង​កីឡា​ថា​ជា​ការ​ធ្វើ​ឱ្យ​អាប់​ឱន​ចំពោះ​ស្ដ្រី​ស្បែក​ខ្មៅ​ទី១ អាមេរិក​ដែល​បាន​ជាប់​ឆ្នោត​ជា​អនុប្រធានាធបតី​។

រូបភាពដែល​លោក​ស្រី ហាររីស ក៏​បាន​ពាក់​អាវ​ឯកសណ្ឋាន​ និង​ខោ​ខូវប៊យ ត្រូវ​បាន​ថត​ដោយ​ជាង​ថតអាមេរិក ថៃល័រ មីតឆែល ដែល​ក្នុង​ឆ្នាំ​ ២០១៨ ក្លាយ​ជា​ជាង​ថតរូប​ស្ដ្រី​ស្បែក​ខ្មៅ​ដំបូង​ដែល​ថត​រូប​ក្រប​ទស្សនាវដ្ដី​ Vogue ជា​មួយ​តារា​ប៉ុប​ ប៊ីយុនសេ (Beyonce)​។

រូបភាព​លើក​នេះ វីនធួរ បាន​ជ្រើស​រើស​នូវ​រូបភាព​បែប​សុភាព​រាប​សា​សាមញ្ញ​សម្រាប់​ការ​ចេញ​ផ្សាយ​ខែ​កុម្ភៈ​ ជា​ជាង​រូបភាព​បែប​ផ្លូវការ​របស់​លោក​ស្រី ហាររីស ក្នុងឈុត​សម្លៀក​បំពាក់​ពណ៌​​​ផ្ទៃ​មេឃ​ប្រ៊េន Michael Kors ដែល​ត្រូវបាន​ដោយ​អ្នកស្រី មីតឆែល​ ផង​ដែរ​។

Content image - Phnom Penh Post
រូបថត​​​​​​​អនុប្រធានាធិបតី​ស្ដ្រី​ស្បែក​ខ្មៅដំបូងលើក្រប​ទស្សនាវដ្តី Vogue ដ៏ល្បីល្បាញ។ រូបថត AFP

ការ​សរសេរ​ក្នុង​កាសែត​ Washington Post អ្នក​វិភាគ​​ផ្នែក​ហ្វាសសិន Robin Givhan បាន​និយាយ​ថា រូបភាព​ក្របមុខ​​នេះ​ «​រាង​លើស​បន្ដិច​» និង​មិន​បាន​ផ្ដល់​ការ​គោរព​ចំពោះ​លោកស្រី ហាររីស ឡើយ​។

អ្នក​ប្រើ​ប្រាស់​បណ្ដាញ​សង្គមបាន​រិះគន់​ការ​ប្រើ​ប្រាស់​ពន្លឺ​លើ​រូបថត និង​បាន​ចោទ​សួរ​ថា តើ​ទស្សនាវដ្ដី​នេះ​បាន​ជួយ​កែ​សម្រួល​ដល់​សម្បុរ​ស្បែក​របស់​លោក​ស្រី​ផង​ដែរ​ទេ​។

អ្នកស្រី វីនធួរ អាយុ ៧១ ឆ្នាំ ដែល​មាន​​ដើម​កំណើត​មក​ពី​ចក្រ​ភព​អង់គ្លេស បាន​ឱ្យ​ដឹង​ក្នុង​សេចក្ដីថ្លែងការណ៍​ប្រាប់អ្នកសារព័ត៌មាន New York Times ការ៉ា ស្វីស័រ​ថា​៖ «​ច្បាស់​ណាស់ យើង​បាន​ឮ​ និង​ដឹង​អំពី​ប្រតិកម្ម​ចំពោះ​រូប​ភាព​ក្រប​ទស្សនាវដ្ដី​នោះ ហើយ​ខ្ញុំ​គ្រាន់តែ​ចង់​និយាយ​ថា យើង​មិន​មាន​បំណង​អាក្រក់​ណាមួយ​ទេ ដែល​ធ្វើ​ឱ្យ​អាប់​ឱន​ដល់​ជ័យ​ជម្នះ​របស់​អនុប្រធានាធិបតី​ជាប់​ឆ្នោត​នោះទេ​»។

លោកស្រី ហាររីស អាយុ ៥៦ ឆ្នាំ មិន​បាន​តប​នឹង​ប្រតិកម្ម​ជា​សាធារណៈ​នោះទេ តែ​ប្រភព​ស្និទ្ធិ​នឹង​លោក​ស្រី​បាន​ប្រាប់​បណ្ដាញ​ផ្សព្វ​ផ្សាយ​អាមេរិក​ថា លោកស្រី​មាន​ការ​ភ្ញាក់​ផ្អើល​ចំពោះ​ជម្រើស​រូបភាព​ដ៏​សាមញ្ញ​បែប​នេះ៕ AFP/HR

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ