The Phnom Penh Post Search

Search form

Logo of Phnom Penh Post newspaper Phnom Penh Post - វិចិត្រ​ករ​គំនូរ​ផ្ដាម​ប្រាថ្នា​​ក្រង​ស្នាដៃ​ជា​សៀវភៅ




វិចិត្រ​ករ​គំនូរ​ផ្ដាម​ប្រាថ្នា​​ក្រង​ស្នាដៃ​ជា​សៀវភៅ

រូប​គំនូរ​ដែល​បាន​មក​ពីការ​ផ្ដាម​ពុម្ព​លើ​ក្រដាស​។ រូបថត KIMBERLEY MCCOSKER
រូប​គំនូរ​ដែល​បាន​មក​ពីការ​ផ្ដាម​ពុម្ព​លើ​ក្រដាស​។ រូបថត KIMBERLEY MCCOSKER

វិចិត្រ​ករ​គំនូរ​ផ្ដាម​ប្រាថ្នា​​ក្រង​ស្នាដៃ​ជា​សៀវភៅ

ភ្នំពេញ: ព្រំ ពុទ្ធវិសាល វ័យ​២៨​ឆ្នាំ ជា​វិចិត្រករ​កម្ពុជា​ដ៏​ជំនាញ​ម្នាក់​ដែល​ប្រើ​វិធី​ព្រីន​ដើម្បី​បង្ហាញ​ស្នាដៃ​របស់​ខ្លួន។ រូប​ភាព​សម្រិត​សម្រាំង​របស់​លោក បច្ចុប្បន្ន​នេះ​ត្រូវបាន​ដាក់​បង្ហាញ​នៅ​ពិព័រណ៍​លើក​ទី​២ របស់​មូល​និធិ​អាស៊ី «បើក​ក្រុង បើក​ចិត្ដ​» ឬ Open City, Open Mind។

ការ​ព្រីន​រូប​ភាព និង​​ការ​ផ្ដិត​រូប​ពី​ចម្លាក់​ មិន​មែន​ជា​ទិចនិក​ពេញ​និយម​ក្នុង​ប្រទេស​កម្ពុជា​ទេ​។ តើ​លោក​បាន​រៀន​ជំនាញ​នេះ​មក​ពីណា?​

ក្នុង​ឆ្នាំ​២០១១ មាន​គ្រូ​ម្នាក់​ដែល​មក​​ពី​ម៉ិកស៊ិក​ឈ្មោះ​ថា ហ្វើរណាន់ដូ អាសេវេស ហ៊ូម៉ាណា លោក​បាន​មក​សាកល​វិទ្យាល័យ​វិចិត្រ​សិល្បៈ​ដើម្បី​បើក​​សិក្ខា​សាលា​ស្ដីពី​ជំនាញ​នេះ​។ ខ្ញុំ​បាន​ចូល​រួម​ក្នុង​សិក្ខា​សាលា​បណ្ដុះ​បណ្ដាល​របស់​គាត់​ពីពេល​នោះ​មក​។

តើ​មាន​​​ផល​លំបាកអ្វី​ខ្លះ​ចំពោះ​​ការ​ផ្ដិត​រូប​ពី​ចម្លាក់​នេះ?

ន​ៅពេល​ខ្ញុំ​ចាប់​ផ្ដើម​ផ្ដាម​លើ​​ស្ពាន់​ដំបូង វា​មាន​​ការ​លំបាកជាង​ការ​ផ្ដាម​លើ​ក្រដាស​ឆ្ងាយ​​ណាស់។ វា​អាច​ត្រូវ​ការ​ពេល ១ សប្ដាហ៍​ដើម្បី​រៀបចំ​បន្ទះ​ស្ពាន់​មួយ​ដែល​អាច​យក​មក​ផ្ដាម​ ដែល​ទាម​ទារ​ឲ្យ​មាន​ការ​យកចិត្ដ​ទុក​ដាក់​បំផុត​។ ការ​ផ្ដាម​លើ​ស្ពាន់​ពិតជា​លំបាក​ ពីព្រោះ​វិចិត្រករ​ត្រូវ​ប្រឈម​នឹង​បញ្ហា​អាស៊ីត​ និង​សារធាតុ​គីមី​មួយ​ចំនួន​ទៀត​ ដូចជា ម្សៅ​លឿង​ ដែល​អាច​ប៉ះពាល់​ដល់​សួត។

វិចិត្រករ ព្រំ ពុទ្ធវិសាល ធ្វើការ​គូរ​ឆ្លាក់​លើ​ថ្ម​​។ រូបថត KIMBERLEY MCCOSKER
វិចិត្រករ ព្រំ ពុទ្ធវិសាល ធ្វើការ​គូរ​ឆ្លាក់​លើ​ថ្ម​​។ រូបថត KIMBERLEY MCCOSKER

តើ​ទិចនិក​​ប្លែក​ៗ​អ្វី​ខ្លះ​ដែល​លោក​យក​មក​ប្រើ?

មាន​ស្ទីល​ធំ​ចម្បង ៣។ យើង​ផ្ដាម​រូប​ដោយ​ប្រើ​បន្ទះ​ស្ពាន់​ ផ្ដាម​ដោយ​ប្រើ​បន្ទះ​ជ័រ និង​លើ​ថ្ម​ ដែល​យើង​ប្រើ​ខ្មៅ​ដៃ​គូ និង​ប្រើ​សម្រាប់​ជា​តែម​។ ខ្ញុំ​បាន​ផលិត​គំរូ​នីមួយៗ​សម្រាប់​ដាក់​តាំង​បង្ហាញ​នៅ​ពិព័រណ៍​ មូលនិធិ​អាស៊ី​ ដូច្នេះ​មនុស្ស​ម្នា​អាច​ស្គាល់​អំពី​សមិទ្ធផល​ច្រើន​ដែល​យើង​មាន​ក្នុង​ប្រទេស​កម្ពុជា។

ប្រធាន​​បទពិសោធ​គឺ Open City, Open Mind។ តើ​មាន​អត្ថន័យ​ដូច​ម្ដេច​ដែល​លោក​ព្យាយាម​បង្ហាញ​ក្នុង​សា្នដៃ​នេះ?

ខ្ញុំ​បាន​ក្ដី​ស្រមៃ​របស់​ខ្ញុំ​នឹក​គិត​អំពី​រូប​ភាព​នៃ​ទីក្រុង​។ អ្វី​ដែល​គួរ​ឲ្យ​ចាប់​អារម្មណ៍​បំផុត​គឺ​សម្ភារ​ដែល​ខ្ញុំ​បាន​ប្រើ​ ប៉ុន្ដែ​ខ្ញុំ​ក៏​ចង់​បង្ហាញ​ទស្សនិកជន​អំពី​ជ្រុង​​នៃ​បរិស្ថាន ​មាន​ម៉ូតូ ឡាន អគារ ដើម​​ឈើ និង​ទីធ្លា​ផង​ដែរ​។

តើ​លោកបាន​ធ្វើ​អ្វី​ទៀត​ក្រៅ​ពី​គំនូរ​ព្រីន​នេះ?​

ខ្ញុំ​ជា​គ្រូ​ផ្នែក​គំនូរ ហើយ​ខ្ញុំ​បាន​គូរ​រូប​ជា​ច្រើន​ក្នុង​សៀវភៅ​កាល​ពី​ពេល​មុន ពីព្រោះ​ធ្លាប់​ធ្វើ​ការ​ឲ្យ​អង្គការ​ក្រៅ​រដ្ឋាភិបាល​ ដែល​ជួយ​ដល់​កុមារ​។ នា​ពេល​អនាគត ខ្ញុំ​គ្រោង​ចង​ក្រង​គំនូរ​ព្រីន​ទាំង​នេះ​ជា​សៀវភៅ។

Open City, Open Mind បាន​បើក​ទ្វារ​ស្វាគមន៍​មហាជន​រហូត​ដល់​ថ្ងៃ​ទី១១ ខែ​មិថុនា​ នៅ​វិចិត្រ​សាល​សហគមន៍​របស់​អង្គការ​មូលនិធិ​ ផ្ទះ​លេខ ៥៩ ផ្លូវ​លេខ ២៤២ ៕

អត្ថបទគួរចាប់អារម្មណ៍