The Phnom Penh Post Search

Search form

វិចិត្រករ​អាមេរិក​នៅ ​សៀមរាប លក់​រឿងនិទាន​អណ្ដើក​យក្ស​ តម្លៃ ៣៥០ ដុល្លារ

Content image - Phnom Penh Post
ស្នាដៃ​របស់​លោក​ វូដ ដែល​ត្រូវតាំង​បង្ហាញ​នៅថ្ងៃ​ពុធ​។ រូប សហការី

វិចិត្រករ​អាមេរិក​នៅ ​សៀមរាប លក់​រឿងនិទាន​អណ្ដើក​យក្ស​ តម្លៃ ៣៥០ ដុល្លារ

សៀមរាប: ពិព័រណ៍​រឿងនិទាន និង​រូបភាព​ដែល​ដកស្រង់​ចេញពី​សៀវភៅ​រឿង​បែបប្លែក​ជា​ប្រធានបទ​សំខាន់​របស់ Anniversary Art Show ដែលនឹង​បើក​សម្ពោធ​នៅ​ថ្ងៃពុធ និង​ព្រហស្បតិ៍ នាសប្ដាហ៍​នេះ​នៅ​វិចិត្រសាល 111 East Gallery។

លោក ប្រាយ​អេន វូដ (Brian Wood) សហស្ថាបនិក​វិចិត្រសាល​បានឲ្យ​ដឹងថា​ គោលបំណង​ពិព័រណ៍​នេះ​បានកើត​ឡើង​ពីស្នាដៃ​ខិតខំ​រយៈពេល ៤ ឆ្នាំ​ដែល​បុរសម្នាក់​បាន​ចាត់ទុក​ខ្លួនឯង​ជា​វិចិត្រករ​ក្មេងខ្ចី​រៀន​ចងក្រង​នូវ​សៀវភៅ​ផ្ទាល់ខ្លួន ព្រមទាំង សិល្បៈ​ចម្លាក់​ឈើ និងដែក​លម្អិត​រចនា​ជា​សៀវភៅថ្មី។

លោកបាន​ប្រាប់ ភ្នំពេញ ប៉ុស្ដិ៍ ថា៖ «ខ្ញុំបាន​ក្លាយជា​វិចិត្រករ​តាំងពី​កុមារ​ហើយ​ខ្ញុំ​គិតថា​ខ្ញុំនៅតែ​ក្មេងខ្ចី។ ខ្ញុំ​កើតមក​គឺបែប​នេះហើយ។ តាំងពី​តូច​ក្រូចឆ្មារ​ខ្ញុំ​ស្រឡាញ់​គំនូរ ការ​គូរឌីហ្សាញ​កសាង​ច្នៃប្រឌិត​សុបិន និង​តាក់តែង​ចម្រៀង ហើយ​ខ្ញុំ​នៅតែ​ធ្វើវា​ដល់​សព្វ​ថ្ងៃនេះ»។

លោក វូដ នឹងអាន​ចេញពី​សៀវភៅ​ក្រោម​ចំណងជើង​ថា «ទឹក និង​ភ្លើង» ដែល​មានតែ ៨ ច្បាប់​ត្រូវបាន​បោះពុម្ព​ឡើង​មុនពេល​ដាក់លក់ ៣៥០ ដុល្លារ​ក្នុងមួយ​ក្បាល។

លោក​បាន​ចាត់ទុក​វាជា «ព្រេង​និទាន​ដ៏​ទាក់ទាញ» នៃ​ត្រី​ឆ្លាម និង​ដូហ្វីន ដែល​វិវត្ដ​ទៅជា​មនុស្សថ្ម និងក្រួស ព្រមទាំង​អ្វីដែល​បាន​កើតឡើង​ចំពោះ​ពួកគេ​បន្ទាប់។ លោក​មិនបាន​ប្រាប់​លម្អិត​នោះទេ ដោយ​ខ្លាច​បែកធ្លាយ​សាច់រឿង​ទាំងមូល។

លោក វូដ បាន​ពន្យល់​បន្ថែមពី​ការនឹកឃើញ​អំពី​ដំណើរ​រឿង អណ្ដើក​សមុទ្រ​យក្ស​ហែល​សំដៅរ​កលោក ខណៈ​កម្សាន្ដ​លើ​ដែនកោះ​ប៉ាស៊ីហ្វិក​កំពុង​គិត​សាច់រឿង​បន្ទាប់។

លោកបាន​បន្ដថា៖ «អណ្ដើក​នេះ Tatou បាន​បន្ដ​និយាយ​រកខ្ញុំ ទោះ​មិនមែនជា​ការពិត​ក៏ដោយ។ វាបាន​ប្រាប់​ខ្ញុំនូវ​សាច់រឿង​បន្ទាប់ ពេលខ្ញុំ​ចង់ដឹង។ វា​ថែមទាំង​បាន​ណែនាំ​ឲ្យកាន់​ជក់ ប៊ិក​ញញួរ និង​ពន្លាក​វិធីឆ្លាក់​មូលដ្ឋាន​ផងដែរ»។

ខណៈ​ស្នាដៃ​ដើម​ត្រូវបាន​លក់​អស់ លោក វូដ បាន​ផលិតនូវ​ពិព័រណ៍​ស្នាដៃ​ដែល​មិនបាន​បោះពុម្ព​រយៈពេល ២ សប្ដាហ៍។ លោកនៅ​មិនទាន់​បង្ហើយ​រូបភាព​បន្ថែម ៣០ ទៀត​នៅពេល​លោក​ប្រាប់ ភ្នំពេញ ប៉ុស្ដិ៍ តែ​អះអាងថា ក្រោម​ការណែនាំ​របស់​អណ្ដើក​យក្ស Tatou លោកនឹង​បញ្ចប់​កិច្ចការ​ទាំងស្រុង​ឲ្យបាន​ទាន់​ពេលវេលា។

រូបភាព​ស្រោប​ស៊ុម​ទាំងអស់ ដែល​ទំនងជា​ទាក់ទាញ​អ្នក​និយម​សាក់រូប នឹង​ដាក់លក់​ក្នុងតម្លៃ​ចន្លោះ ១០០ ទៅ ៥០០ ដុល្លារ។ លោក វូដ បានមក​កាន់​ខេត្ដ​សៀមរាប​តាំងពី​ឆ្នាំ២០១២ មុននឹង​សម្រេច​រស់នៅ​ទីនោះ ក្នុងឆ្នាំ ២០១៤ ហើយ​បង្កើត​វិចិត្រសាល 111 East Gallery and Hollywood Hot Dogs លើដី​ផ្សារចាស់។

វិចិត្រករ​អាមេរិក​រូបនេះ​នឹងអាន​រឿង​នៅពេល​បើកសម្ពោធ​ពីរល្ងាច​ចន្លោះ​ម៉ោង ៧ ដល់ម៉ោង ១០ យប់ ដោយ​ស្វាគមន៍​ភ្ញៀវ​ជាមួយ​ស្រាសំប៉ាញ អមដោយ​តន្ដ្រីរងំ​ផងដែរ៕

អត្ថបទគួរចាប់អារម្មណ៍

  • គម្រោង​ធំៗ​ជាច្រើន​អាច​នឹង​លេច​ឡើង​នៅ​តាម​មាត់ទន្លេ

    ក្រុមហ៊ុន​អភិវឌ្ឍន៍​ដ៏ធំ​មួយ​របស់​ចិន​មាន​ប្លង់​រចនា​ក្នុង​ការ​អភិវឌ្ឍ​នៅ​តាម​បណ្តោយ​ឆ្នេរ​ទន្លេ​ដែល​គម្រោង​នោះ​រួម​មាន​ខុនដូ​ប្រណីត អគារ​ការិយាល័យ ខណៈ​បច្ចុប្បន្ន​ទីតាំង​នោះ​ត្រូវ​បាន​គ្រប់គ្រង​ដោយ​កំពង់ផែ​ស្វយ័ត​រាជធានី​ភ្នំពេញ​។

  • ស្ថាបត្យកម្ម និង​វិចិត្រសិល្បៈ គឺ​មិន​អាច​ញែក​ដាច់​ពី​គ្នា​បាន​ឡើយ

    នៅក្នុង​បន្ទប់​សិក្សា​ក្នុង​ផ្ទះ​ធំ​មួយ​នៅ​តាម​មាត់ទន្លេ​ក្នុង​រាជធានី​ភ្នំពេញ លោក ថាង សុធា វ័យ​ ៣៥ ​ឆ្នាំ​កំពុង​ពិនិត្យ​មើល​ប្លង់​រចនា 3D របស់​បន្ទប់​គេង​នៃ​អាផាតមិន​មួយ​ដែល​ជា​ផ្នែក​នៃ​គម្រោង​កែលម្អ​ចុងក្រោយ​បំផុត​ដែល​លោក​បាន​ចូលរួម​ធ្វើ​កាលពី​ប៉ុន្មាន​ឆ្នាំ​មុន នៅ​លើ MacBook ដើម្បី​បំផុស​គំនិត​សម្រាប់​ការងារ​នាពេល​អនាគត​។

  • ត្រី​ចិញ្ចឹម​ប្រមាណ​ ១២ ​តោន​ងាប់​ដោយ​កម្ដៅ​ពេល​ទឹក​ស្រក

    កំពង់ឆ្នាំងៈ យ៉ាង​ហោចណាស់​ត្រី​ចិញ្ចឹម​តាម​ដង​ទន្លេ​ស្ថិត​ក្នុង​សង្កាត់​ខ្សាម និង​ផ្សារឆ្នាំង ខេត្ត​កំពង់ឆ្នាំង​ប្រមាណ​ជា​ ១២ ​ពាន់​គីឡួ​បាន​ងាប់​ក្នុង​រយៈពេល​ ៣ ​ថ្ងៃ ព្រោះ​តែ​ទឹក​បាន​ស្រក​ចុះ​ជា​គំហុក និង​ក្ដៅ​ខ្លាំង​។ នេះ​បើ​យោង​តាម​ការរៀបរាប់​របស់​ប្រជានេសាទ​ក្នុង​តំបន់​នោះ​ដែល​មាន​ប្រមាណ​ជា​ ៧០ ​គ្រួសារ​។

  • ព្រះរាជអាជ្ញា​ភ្ជាប់​រឿង​ហិង្សា​នៅ​ស្ពាន​នាគ​ជា​ចលនា​បដិវត្តន៍​ពណ៌

    ភ្នំពេញៈ សាលាឧទ្ធរណ៍​នៅ​ព្រឹក​ថ្ងៃ​ពុធ​ម្សិលមិញ​បាន​បញ្ចប់​សវនការ​ជំនុំជម្រះ​សំណុំ​រឿង​ហិង្សា​នៅ​ស្ពាន​នាគ​កាលពី​ខែ​កក្កដា ឆ្នាំ ២០១៤ ដោយ​ព្រះរាជអាជ្ញា និង​មេធាវី​ការពារ​ដើមបណ្ដឹង​សម្រេច​ភា្ជប់​ករណី​ហិង្សា​នោះ​ទៅ​នឹង​បដិវត្តន៍​ពណ៌ បន្ទាប់ពី​សវនការ​រយៈពេល​ ៣ ​ថ្ងៃ​ជាប់ៗ​គ្នា​។ ទោះ​ជា​យ៉ាងណា​ក៏ដោយ​ភាគី​ជនរងគ្រោះ​ថា​គ្មាន​អំពើ​កុបកម្ម​កើតឡើង​ទេ​ និង​ស្នើ​ដល់​តុលាការ​ឲ្យ​ដោះលែង​ពួកគេ​។