The Phnom Penh Post Search

Search form

Logo of Phnom Penh Post newspaper Phnom Penh Post - វិមាន​អសុរកាយ​នៅ​កោះពេជ្រ ផ្ដល់ការ​កម្សាន្ត​បែប​លស់​ព្រលឹង​




វិមាន​អសុរកាយ​នៅ​កោះពេជ្រ ផ្ដល់ការ​កម្សាន្ត​បែប​លស់​ព្រលឹង​

Content image - Phnom Penh Post
ទិដ្ឋភាព​វិមាន​អសុរកាយ ដែល​ស្ថិត​នៅក្នុង​តំបន់​កោះពេជ្រ។ Daniel Nass

វិមាន​អសុរកាយ​នៅ​កោះពេជ្រ ផ្ដល់ការ​កម្សាន្ត​បែប​លស់​ព្រលឹង​

ភ្នំពេញ: កោះពេជ្រ​ដែល​ជាបណ្ដុំ​តំបន់​កម្សាន្ត​ទាំង​កុមារ និង​យុវវ័យ «វិមាន​អសុរកាយ» ​ស្ថិត​នៅ​ភាគខាង​កើត​ច្រាំង​ទន្លេ​ បាន​បើកទ្វារ​ស្វាគមន៍​អ្នកចង់​បាន​បទពិសោធ​កម្សាន្ត​បែប​ខ្មោច​លង​បន្លាច។

តម្លៃតែ ២ ដុល្លារ អ្នក​ក្លាហាន​ចិត្ដ​សឿង​អាចដើរ​ឆ្លង​កាត់​ផ្លូវគួរ​ឲ្យ​ព្រឺ​ក្បាល​នៃផ្ទះ​ខ្មោច​កោះពេជ្រ​ រំលេច​នូវពន្លឺ​ភ្លើង​ព្រាលៗ និង​សំឡេង​ថ្ងួច​ថ្ងូររួម​ជាមួយ​ដៃខ្មោច​ទាញ​ជើង​ពន្លូត​ចេញក្បែ​រផ្លូវ​ដើរ​។ វា​ពិតជា​គួរឲ្យ​ខ្លាច​ តែមិន​ប៉ុន្មាន​នោះទេ។

អ្នកនាង លួន ធីតា ជាអ្នក​បើក​ដំណើរ​ការ​ផ្ទះខ្មោច​បាន​ប្រាប់ថា៖ «យើង​មិនធ្វើ​ខ្មោចគួរ​ឲ្យខ្លាច​ខ្លាំង​ពេក​នោះទេ​ពីព្រោះ​យើង​ក៏បារម្ភ​ពី​អាយុ​ជីវិត​ខ្មោច​ផងដែរ​។ បើ​ភ្ញៀវ​ខ្លាច​ខ្លាំង​ ពួកគេ​នឹង​មិនមក​លេង​ទៀតទេ»។

ផ្ទះខ្មោច ដែល​សម្បូរ​ផ្លូវ​ដើរ​តូចៗ​ច្រើន​ស្ថិត​នៅក្នុង​ឃ្លាំង​កម្ពស់​មួយ​ជាន់​ មាន​ខ្មោច​បំពេកូន​ ខ្មោច​ស្រែក​ថ្ងូរ​​ និង​ខ្មោច​បន្លាច​ ១០ នាក់​។ ខ្លះពួន​ឆ្មក់​តាម​ផ្លូវ​ដើរ ខណៈខ្លះ​ទៀត​សំយុង​ក្បាល​ធ្លាក់​ពីលើ​ពិតាន។ វាជា​ជំនួញ​ចំណាយ​ដើម​ទុនតិច​តែ​វា​ប៉ះពាល់​ដល់​ផ្នែក​ចិត្ដ​សាស្ដ្រ​ខ្លាំង​។ ដើរកាត់​ក្នុង​សាល​ងងឹត​ដោយ​រំពឹង​ចង់​ដឹងចង់​ឃើញ​ជំហាន​ព្រឺក្បាល​បន្ទាប់​អាច​ជារឿង​ដ៏​ឈឺចាប់។

Content image - Phnom Penh Post
ការ​សម្ដែង​ជាខ្មោច​លង​បន្លាច​ភ្ញៀវ​ដែល​ចូលមក​លេង។ Daniel Nass

ខ្មោច​ក្នុងផ្ទះ​លស់​ព្រលឹង​ត្រូវ​បានយក​លំនាំតាម​រឿង​ព្រេង​និទាន​ខ្មែរ ទោះ​ក្រុម​ការងារ​ត្រូវ​បន្ថយភាព​សាហាវ​ ដែលមិន​បំភ័យ​ភ្ញៀវ​ខ្លាំង​។

យោង​តាម​អ្នកនាង ធី​តា ពួកគេ​ចង់​បង្ហាញ​ថា ភ្ញៀវ​គ្រប់រូប​នឹងមិន​យល់​ច្រឡំ​រវាង​អ្នក​សម្ដែង​ជា​ខ្មោច និង​ខ្មោច​ពិត​ប្រាកដ​នោះទេ។

ជាមួយ​ស្លាក​រំឭក​នៅមាត់​ច្រកថា «ហាម​ចូល​អ្នកមាន​ជំងឺ​ខ្សោយ​បេះដូង​» អ្នកនាង​ ធីតា ​ថា​ សកម្មភាព​ខ្មោច​លងនេះ​ត្រូវ​បាន​កំណត់​ឲ្យ​ប្រើ​ពេល ១០ នាទី​តែការ​អនុវត្ដ​ជាក់​ស្ដែងតែ ៥ នាទី​ប៉ុណ្ណោះ។ ប៉ុន្ដែ​ភ្ញៀវ​ទាំងអស់​មិនសុទ្ធ​តែភ័យ​ខ្លាច​នោះទេ​ ដូច​ កញ្ញា ណូ សានីម អាយុ ២២ ឆ្នាំ និយាយ​ដោយ​មិន​ភិតភ័យ​ថា៖ «ខ្ញុំមិន​ខ្លាច​អីទេ​ តែពួក​ម៉ាក​ខ្ញុំខ្លាច​ឱបខ្ញុំ​តាំងពី​ដើម​ដល់​ចប់»។

Content image - Phnom Penh Post
អ្នកចូល​លេង​នៅផ្ទះ​ខ្មោច​រួច​គក់ទ្រូង និង​ផ្ទុះ​សំណើច។ Daniel Nass

យ៉ាងណា​មិញ​ដំណើរ​ក្នុង​ផ្ទះខ្មោច​មិនគួរ​ធ្វើ​ឡើង​លំៗ​ឡើយ​។ មាន​ចំណុច​​ភ័យ​បះសក់​ជាច្រើន​កន្លែង​ មុន​ភ្ញៀវ​ឆ្លងកាត់​ដំណាក់​កាល​ចុង​ក្រោយ ​ដែល​មាន​ខ្មោច​អូស​ប៉ែល។ ផ្ទះខ្មោច​ដំណើរ​ការ​រាល់ថ្ងៃ ​តែនៅ​ថ្ងៃ​បុណ្យ​ហាឡូវីន​ ទី​៣១ ខែ​តុលា​ នេះ ​អ្នកនាង ធីតា បាន​ប្រាប់ថា ខាង​មុខផ្ទះ​ខ្មោច​នឹង​មាន​កម្មវិធី​ទាក់ទាញ​ភ្ញៀវ​ឲ្យកាន់​តែ​ច្រើន​ដោយការ​ដាក់​ខ្មោច​តាម​ផ្លូវ​ដើរ​ផ្នែក​ខាងក្រៅ​ និង​ការគូរ​មុខខ្មោច​ឲ្យភ្ញៀវ​ផងដែរ។

កញ្ញា​បន្ថែមថា៖ «យើង​បាន​បញ្ចូល​ឈុតឆាក​ព្រឺព្រួច​លាយ​ឡំការ​កម្សាន្ដ​ព្រមគ្នា​តែម្ដង»។

ផ្ទះខ្មោច​កោះពេជ្រ​ស្ថិតនៅ​ខាង​ក្រោយ​​ឧទ្យាន​កម្សាន្ដ​កោះ​ពេជ្រ​ ដែលមាន​តម្លៃ​សំបុត្រ ២ ដុល្លារ​ និង​ចាប់ផ្ដើម​បើកទ្វារ​ពីម៉ោង ៤ រសៀល៕​

Daniel Nass និង​ Vandy Muong

អត្ថបទគួរចាប់អារម្មណ៍