The Phnom Penh Post Search

Search form

វី ឌីណែត កូន​កំពូល​តារា​សំនៀង​ស្អក ហួ ឡាវី បាន​ឱកាស​ដើរ​តួកុន

Content image - Phnom Penh Post
តារាចម្រៀង​ម្ចាស់​ពាន​កម្មវិធី​ប្រឡង​ចម្រៀង​ Cambodian Idol លោក នី រតនា និង​តារា​ចម្រៀង​ វី ឌីណែត។ វុទ្ធី

វី ឌីណែត កូន​កំពូល​តារា​សំនៀង​ស្អក ហួ ឡាវី បាន​ឱកាស​ដើរ​តួកុន

ភ្នំពេញ: ឱកាស​ក្លាយ​ជាអ្នក​សម្តែង​ភាពយន្ត ពី​ក្រុម​តារា​ចម្រៀង​ប្រុស​ស្រី ដែល​ជ្រក​ក្រោម​ទ្រនំ​ហង្សមាស នៅ​រយៈ​ចុង​ក្រោយ​នេះ ត្រូវ​បាន​គេ​មើល​ឃើញ​ថា ហាក់​ងាយ​ដូចការ​បក​ចេក ជាមួយ​នឹង​គោលការណ៍​ពី​ថៅកែ​ផលិតកម្ម​នេះ ដែល​ស្ថានីយទូរទស្សន៍​ល្បី ជា​ជំនួយការ​រុញ​ការងារ​អ្នកសិល្បៈ​ឲ្យ​ល្បី​ដល់​កម្រិត​កំពូល។

ខណៈ​គណនី​ហ្វេសប៊ុក​ផ្លូវការ​របស់​ក្រុមហ៊ុន​ហង្សមាស​បន្ថែម​ពីការ​ផ្សព្វផ្សាយ​ភាពយន្ត​កំពុង​ដំណើរការ​ថត សម្តែង​ដោយ​កំពូល​តារា​ល្បី ផលិតកម្ម​ក៏លើក​ស្ទួយ​ផងដែរ នូវ​ពន្លក​តារា​ថ្មី ដូចជា​លោក នី រតនា សូស វីហ្សា និង កញ្ញា វី ឌីណែត នៃ​ឱកាស​ធ្វើ​តួឯក​រឿង​ភាគ​ថ្មី។

ទើប​តែ​ធ្វើការ​សម្ពោធ​ភាពយន្ត​ភាគ​ខ្មែរ​រឿង «សិសិររដូវ​ក្នុង​បេះដូង» ដែល​មាន​ការចូលរួម​សម្តែង​ពី​តារា​ចម្រៀង​ល្បីៗ ប្រចាំ​ផលិតកម្ម​រស្មីហង្សមាស ដូចជា កញ្ញា សុគន្ធ នីសា លោក ហ្សូណូ និង ឆន សុវណ្ណារាជ នៅ​ផ្សារ​ទំនើប​អ៊ីអន ម៉ល កាល​ពី​សប្ដាហ៍​មុន​មិន​តែប៉ុណ្ណោះ រស្មីហង្សមាស​ក៏​រំលេច​គម្រោង​នឹង​ផលិត​ភាពយន្ត​ជាច្រើន​បន្ត​បន្ទាប់​ទៀត ដែល​ក្នុង​នោះ គេ​ឃើញ​តាមរយ:​ហ្វេសប៊ុក​ផេច RHM Family បាន​បង្ហាញ​វង់​ភ័ក្ត្រ​តារា​ចម្រៀង​រលក​ក្រោយ​ចំនួន ៤ រូប មាន កញ្ញា វី ឌីណែត កញ្ញា សួស វីហ្សា លោក នី រតនា និង លោក ធែល ថៃ ដែល​កំពុង​នឹង​ត្រៀម​ខ្លួន​គ្រង​តំណែង​ជា​តួឯក​ក្នុង​ខ្សែ​ភាពយន្ត​ភាគ​ថ្មី។ រំលេច​ពិធី​ក្រុង​ពាលី​កាលពី​សប្ដាហ៍​កន្លង​ទៅ​ថ្មីៗ​នេះ រឿង «រាជបុត្រ​កង្កែប» ឬ «ជួប​ស្នេហ៍​អ្នកមាន» ដែល​រួម​សម្ដែង​ដោយ​តារា​ទាំង ៤ ដួង​នឹង​ចាប់ផ្តើម​ថត​ពាក់​កណ្តាល​ខែ​កញ្ញា​នេះ​ហើយ។

ដូចនឹង​ការប្រកាស នៅ​ព្រឹក​ថ្ងៃ​ទី ១៤ ខែ​កញ្ញា ផលិតកម្ម​ហង្សមាស បាន​ធ្វើ​ពិធី​ក្រុង​ពាលី​រឿង​ថ្មី របស់​ខ្លួន ដោយ​ក្នុង​នោះ​មាន​តារា​ចម្រៀង ប្រចាំ​ផលិតកម្ម​ហង្សមាស​ជាច្រើន​ដួង ចូលរួម​សម្ដែង។ អ្វីដែល​ពិសេស​នោះ គឺ​កូនស្រី​របស់ លោក ហួ ឡាវី គឺ​កញ្ញា វី ឌីណែត បាន​ចាប់​ដៃគូ​ជាមួយ​នឹង តារា​ចម្រៀង​លោក នី រតនា សម្ដែង​ជា​តួឯក​ក្នុង​រឿង «រាជបុត្រ​កង្កែប» ឬ «ជួប​ស្នេហ៍​អ្នកមាន»។

សាទរ​នឹង​ឱកាស​ឡើង​គ្រង​តំណែង​ជា​តួឯក​ភាពយន្ត​ភាគ ក្រោយ​អាជីព​ចម្រៀង​ក៏​នៅ​ក្មេង​ខ្ចី ម្ចាស់​ពាន Cambodian Idol លោក នី រតនា ឲ្យដឹង​ថា៖ «ខ្ញុំ​ពិតជា​ត្រូវ​បាន​ផលិតកម្ម​រៀបចំ​ឲ្យ​សម្តែង​ភាពយន្ត ធ្វើជា​តួឯក​ជាមួយ កញ្ញា វី ឌីណែត កូនស្រី​លោកពូ ហួ ឡាវី មែន»។

យ៉ាងណា​ដូច​ទៅ​នឹង​តារា​ផ្សេង​ដែល​ប្រកាន់​ខ្ជាប់​គោលការណ៍​ហង្សមាស​ដែរ លោក នី រតនា មិន​បាន​ទម្លាយ​លម្អិត​អំពី​ខ្សែ​ភាពយន្ត​ឡើយ។ ភ្ជាប់​នឹង​រូបថត​ក្នុង​ក្រុង​ពាលី តារា​ចម្រៀង​ថែម​អាជីព​សម្ដែង​រូបនេះ​បាន​ត្រឹម​អំពាវនាវ​ថា៖ «ឥឡូវ​នេះ! យើង​ខ្ញុំ​ទាំងអស់​គ្នា​បាន​មក​ចូលរួម​ពិធី​ក្រុង​ពាលី ថត​ខ្សែ​ភាពយន្ត​ថ្មី​របស់​ក្រុមហ៊ុន​ហង្សមាស វីដេអូ ក្នុង​រឿង រាជបុត្រ​កង្កែប ឬ ជួប​ស្នេហ៍​អ្នកមាន! សូម​បងប្អូន​កុំភ្លេច​រង់ចាំ​តាមដាន​ទស្សនា​ទាំងអស់​គ្នា អរគុណ​សម្រាប់​ការគាំទ្រ»។

ជាមួយគ្នា​នោះ តារា​ចម្រៀង​ស្រី និង​ជា​កូនស្រី​កំពូល​តារា​ចម្រៀង​ជើងចាស់ សំឡេង​ស្អក​លោក​ហួ ឡាវី កញ្ញា​វី ឌីណែត ក៏មិន​បាន​និយាយ​អ្វី​ច្រើន​ទាក់ទិន​នឹង​ឱកាស​នាង​សម្តែង​តួឯក​រឿង​ភាគ​ថ្មី​របស់​ផលិតកម្ម​ហង្សមាស ដែល​ល្បី​ចាយ​ទុន​ច្រើន​ដើម្បី​ផលិត​នោះ​ទេ ដោយ​នាង​បាន​ប្រាប់​ពី​អារម្មណ៍​ថា៖ «ខ្ញុំ​សប្បាយ​ចិត្តខ្លាំង ដែល​បាន​ផលិតកម្ម​ផ្តល់​ឱកាស​ឲ្យ​ខ្ញុំ​បាន​ថត​ភាពយន្ត។ ខ្ញុំ​នឹង​ប្រឹង​សម្តែង​ឲ្យល្អ តែ​បើ​ថា​ពិបាក​ដូចជា​មិន​ប៉ុន្មាន​ទេ ព្រោះ​ថា កន្លង​មក​ខ្ញុំ​ជា​តារា​ចម្រៀង ក៏​សម្តែង​បទ​ចម្រៀង​ច្រើន​ដែរ អ៊ីចឹង​គិតថា​នឹង​ទៅ​រួច»៕

អត្ថបទគួរចាប់អារម្មណ៍

  • សណ្ឋាគារ​ប្រណីត​នៅ​កោះរ៉ុង បើក​ជា​ផ្លូវការ

    ភ្នំពេញៈ សណ្ឋាគារ​ដ៏ប្រណីត Royal Sands នៅលើ​កោះរ៉ុង​របស់​លោក គិត ម៉េង បាន​បើក​ដំណើរការ​ជា​ផ្លូវការ​កាលពី​ថ្ងៃ​ម្សិលមិញ ដែល​គេ​រំពឹង​ថា​នឹង​ទាក់ទាញ​ភ្ញៀវទេសចរ​កាន់តែ​ច្រើន​។

  • ដំរី​ដែល​ចូល​ចម្ការ​អ្នក​ភូមិ​បាន​គេច​ទៅ​ភ្នំ​ដងរែក

    ឧត្តរមានជ័យៈ ក្រុម​មន្ត្រី​បាន​និយាយ​ថា​សត្វ​ដំរី​ញី​មួយ​ក្បាល​ដែល​បាន​ចូល​លុកលុយ​ក្នុង​ចម្ការ​អ្នកភូមិ​រំដួល​ចាស់ ឃុំ​អម្ពិល ស្រុក​បន្ទាយ​អម្ពិល ខេត្ត​ឧត្តរមានជ័យ​កាលពី​ព្រឹក​ថ្ងៃ​អាទិត្យ​នោះ​បាន​គេច​ខ្លួន​ចូល​ទៅ​ក្នុង​តំបន់​ជួរ​ភ្នំ​ដងរែក​វិញ​ហើយ ខណៈ​ដែល​ក្រុម​មន្ត្រី​ជំនាញ​បរិស្ថាន និង​អាជ្ញាធរ​កំពុង​បន្ត​ឃ្លាំ​មើល​ពី​ដំណើរ​របស់​វា​។

  • ព្រះមហាក្សត្រ​អំពាវនាវ​ឲ្យ​ធានា​ការពារ​យុត្តិធម៌​ និង គោរព​សិទ្ធិ​មនុស្ស

    ភ្នំពេញៈ ក្រោយពី​ឈ្នះ​អាសនៈ​ទាំង​ ៥៨ ដោយ​មិន​មាន​អតីត​បក្ស​សង្គ្រោះ​ជាតិ​ដែល​ជា​គូប្រកួត​ដ៏ស័ក្តិសម​នឹង​គ្នា​សម្រាប់​ការបោះឆ្នោត​ព្រឹទ្ធសភា​ពី​ខែ​កុម្ភៈ គណបក្ស​កាន់​អំណាច​ដែល​ទទួល​ជ័យជម្នះ​បាន​បន្ត​គ្រប់គ្រង​ស្ថាប័ន​នីតិប្បញ្ញត្តិ​ជាថ្មី​ដោយ​បើក​សម័យប្រជុំ​លើក​ដំបូង នីតិកាល​ទី​ ៤ ​នៃ​ព្រឹទ្ធសភា​ពី​ម្សិលមិញ​ក្រោម​ព្រះរាជាធិបតីភាព​ព្រះមហាក្សត្រ​ព្រះបាទ​សម្តេច​ព្រះនរោត្តម សីហមុនី ដែល​ព្រះអង្គ​អំពាវនាវ​ឲ្យ​មាន​ការធានា​ការពារ​យុត្តិធម៌ និង​គោរព​សិទ្ធិ​មនុស្ស និង​រួម​សាមគ្គី​គ្នា​ជា​ធ្លុង​មួយ​។

  • នាយក​រដ្ឋមន្ត្រី​បញ្ជា​ឲ្យ​ដកហូត​កោះ​ ៣០ ​មក​វិញ និង​ឲ្យ​ពិនិត្យ​អ្នក​នៅ​ពី​ក្រោយ​ការទន្ទ្រាន​យក​ដី

    ព្រះសីហនុៈ លោក​នាយករដ្ឋមន្ត្រី ហ៊ុន សែន បាន​បញ្ជា​ឲ្យ​ដកហូត​កោះ​ដែល​មិន​បាន​អភិវឌ្ឍ​ប្រមាណ​ ៣០ ​មក​វិញ​ ខណៈ​អត្តសញ្ញាណ​របស់​ម្ចាស់​ក្បាល​ដី​ចំនួន​ ៥៨៤ ​ដែល​មាន​ទាំង​មន្ត្រី​មាន​អំណាច​កំពុង​ត្រូវបាន​ពិនិត្យ​រឿង​នៅ​ពី​ក្រោយ​ខ្នង​ការកាប់​ទន្ទ្រាន​យក​ដី​ដ៏ក្តៅគគុក​នៅ​កោះរ៉ុង ហើយ​មន្ត្រី​ជាន់ខ្ពស់​ខ្លះ​នឹង​មិន​ត្រូវ​ឲ្យ​ចូលរួម​បង្កើត​រដ្ឋាភិបាល​ថ្មី​នៅ​​អាណត្តិ​ក្រោយ​ឡើយ​។