The Phnom Penh Post Search

Search form




Logo of Phnom Penh Post newspaper Phnom Penh Post - វី ឌីណែត ក្លាយ​ជា​ម្ចាស់ពាន I Am A Singer Cambodia​ 2​




វី ឌីណែត ក្លាយ​ជា​ម្ចាស់ពាន I Am A Singer Cambodia​ 2​

Content image - Phnom Penh Post
កញ្ញា វី ឌីណែត នា​ពេល​ទទួលពានកម្មវិធី​ I Am A Singer Cambodia 2​ ឆ្នាំ ២០២០។ រូប ហ្វេសប៊ុក, តារា​ចម្រៀងស្រី​ ជ្រក​នៅទ្រនំហង្សមាស កញ្ញា វី ឌីណែត កូនស្រីលោក ហួរ ឡាវី។ រូបថត ហុង មិនា

វី ឌីណែត ក្លាយ​ជា​ម្ចាស់ពាន I Am A Singer Cambodia​ 2​

ភ្នំពេញ៖ ក្រោយ​ពី​បាន​បង្ហាញ​សមត្ថភាព​ច្រៀង​ប្រកួត​​ប្រជែង​​​នឹង​បេក្ខជន-បេក្ខនារី​ ដែល​ជា​តារា​ចម្រៀង​អាជីព​ផ្សេងៗ​ទៀត​​​ចំនួន ៦ រូប យ៉ាង​តានតឹង​បំផុត​ចំនួន​ ​២ វគ្គ នៅ​​​​ក្នុង​វគ្គ​ផ្តាច់ព្រ័ត្រ​នៃ​កម្មវិធី​ប្រកួត​ចម្រៀង​លំដាប់​ពិភព​លោក​ I Am A Singer Cambodia 2 ឬ​ I Am A Singer Cambodia ​​រដូវកាល​ទី​២ ​កាល​ពី​រាត្រី​ថ្ងៃទី ​២៦ ខែ ​កញ្ញា ឆ្នាំ ២០២០​​​ កញ្ញា វី ឌីណែត ត្រូវ​​​បាន​​គេ​ប្រកាស​លទ្ធផល​ក្លាយជា​ម្ចាស់​ពាន​។

លទ្ធផល​​ប្រកាស​ឈ្មោះ​​​ជយលាភី​​​ម្ចាស់​ពាន​ I Am A Singer Cambodia ​​រដូវ​កាល​ទី​២ ​​​បាន​ទៅ​លើ​កញ្ញា វី ឌីណែត ដែល​ជា​​​បុត្រី​ច្បង​របស់​តារា​ចម្រៀង​អធិរាជ​​​សំឡេង​ស្អក​លោក ហួរ ឡាវី​​ ដែល​ពាក់​ស្លាក​លេខ​ ​៧ ខណៈ​​​ការ​វិនិច្ឆ័យ​ដែល​បាន​​​ពី​ការ​ផ្ញើ​​សារ​​របស់​​​​មហាជន​ ​ដើម្បី​សម្រេច​​សេចក្តី​​​បូក​ផ្សំ​ទាំង ​២​ វគ្គ បញ្ចូល​គ្នា​​​​នៅ​ក្នុង​ថ្ងៃ​ប្រកួត​​វគ្គ​ផ្តាច់ព្រ័ត្រ​។

ហាក់​ដូចជា​​និស្ស័យ ​ដែល​កញ្ញា វី ​​ឌីណែត ​​ចាប់​ឆ្នោត​ច្រៀង​គូ​ជាមួយ​នឹង​​តារា​កិត្តិយស​​ប៉ះ​ចំ​ម្ចាស់​ពាន​ ​Cambodian Idol រដូវ​​កាល​ទី​១ គឺ​​លោក នី រតនា បក​ស្រាយ​បទ​ «មហាឈឺ»​ នៅ​វគ្គ​ទី​២ នៃ​ការ​ប្រកួត​វគ្គ​ផ្តាច់​ព្រ័ត្រ​ ក្រោយ​ពី​ការ​​​ច្រៀង​ទោល​​នៅ​​វគ្គ​ទី​១ រួច​​មក​នោះ​។

ចំណែក​ឯ​តារា​ចម្រៀង​ប្រុស​ស្រី​ ៦ ដួង ទៀត​ ក៏​បាន​ចាប់​​ឆ្នោត​ច្រៀង​ជាមួយ​​​​តារា​ចម្រៀង​​​កិត្តិយស​​ល្បីៗ​ប្រចាំ​​​ផលិតកម្ម​ហង្សមាស​ និង​ផលិតកម្ម​ផ្សេង​ៗ​​​ដែរ​ដូចជា​​កញ្ញា ប៉ាច គីមមួយ ​ច្រៀង​​គូ​ជាមួយ​​​លោក ណុប បាយ៉ារិទ្ធ​ ជា​​​​គ្រូ​បង្វឹក​ និង​​គណៈកម្មការ​នៃ​កម្មវិធី​ Cambodian Idol និង​ The Voice Cambodia ឯ​​កញ្ញា ឈីន រតនៈ ច្រៀង​គូ​ប៉ះ​ជាមួយ​នឹង​​លោក ឆន ​សុវណ្ណរាជ​ ជា​គ្រូ​បង្វឹក​ និង​គណកម្មការ​ Cambodian Idol និង​ The Voice Cambodia ដែរ​។

ចំពោះ​​កញ្ញា តាក់ ម៉ា វិញ​ច្រៀង​គូ​ប៉ះ​ចំ​អ្នកនាង សុគន្ធ នីសា ខណៈ​​លោក ឃុន វុត្ថា ច្រៀង​​ជាមួយ​នឹង​​លោក ខាន់ ចេមស៍​​ តារា​ចម្រៀង​​មក​ពី​ផលិតកម្ម​សាន់ដេ​ ហើយ​លោក សុំ សុវណ្ណារ៉ាក់ ច្រៀង​ប៉ះ​ចំ​ម្ចាស់​ពាន​​ I Am A Singer Cambodia1 ​គឺ​លោក ដួង វីរៈសិដ្ឋ​ រីឯ​លោក គង់ ចំរើន ច្រៀង​ជាមួយ​​នឹង​កញ្ញា ឈិន ម៉ានិច្ច​ ដែល​ជា​ម្ចាស់​ពាន​កម្មវិធី​ Cambodian Idol 2។​​

សម្រាប់​កម្មវិធី​លំដាប់​ពិភព​លោក​ I Am A Singer Cambodia រដូវ​កាលទី ២ បាន​ឆ្លង​កាត់​វគ្គ​ប្រឡង​ជម្រុះ​អស់​រយៈពេល ​១២​ សប្តាហ៍ ​តាមរយៈ​ការ​បញ្ចេញ​អស់​ពី​សមត្ថភាព​របស់​បេក្ខជន​ ក្រោម​ការ​ដាក់​ពិន្ទុ​យ៉ាង​សុក្រឹតភាព​​ពី​គណៈកម្មការ​ការ​យក​ចិត្ត​​​​ទុក​​ដាក់​ពី​សំណាក់​គ្រូបង្វឹក និង​ការ​បោះ​ឆ្នោត​គាំទ្រ​ពី​សំណាក់​ទស្សនិកជន​ ហើយ​​​​នៅ​ទី​បំផុត​កម្មវិធី​លំដាប់​ពិភព​លោក​​​​មួយ​​នេះ​ក៏​បាន​រក​ឃើញ​ជយលាភី​ម្ចាស់ពាន​ ​គឺ​បាន​ទៅ​លើ កញ្ញា វី ឌីណែត​ ដោយ​ទទួល​បាន​​ការ​ផ្ញើសារ​គាំទ្រ​ច្រើន​ជាង​​​​គេ​​។

ថ្លែង​​ទាំង​ទឹក​​មុខ​រលើប​រលើម​ប្រកប​​ដោយ​​អារម្មណ៍​រំភើប​ ចំពោះ​លទ្ធផល​បាន​​ក្លាយ​ជា​​​ម្ចាស់​ពាន​នោះ​ កញ្ញា វី ឌីណែត ហាក់​ដូច​ជា​​មិន​​មាន​អ្វី​ក្រៅ​ពី​ពាក្យ​ពេចន៍​អរគុណ​​​ឡើយ ​សម្រាប់​ការ​​ខិតខំ​ប្រឹងប្រែង​រហូត​សម្រេច​​ក្តី​បំណង​មួយ​​នេះ​ទាល់​តែ​បាន​ ខណៈ​​​គេ​​នៅ​​ចាំ​បាន​ថា កាល​ពី​​កម្មវិធី I Am A Singer ​Cambodia រដូវកាល​ទី​១ កញ្ញា​ក៏​ធ្លាប់​បាន​ចូល​ប្រកួត​ផង​ដែរ​។

កញ្ញា វី ឌី​ណែត បាន​បង្ហាញ​ចំណាប់​អារម្មណ៍​​ថា៖ «នាង​ខ្ញុំ​ ពិត​ជា​រំភើប​ចិត្ត​ខ្លាំង​រក​​អ្វី​មក​ប្រៀប​បាន​ឡើយ ហើយ​ក៏​ថ្លែង​អំណរគុណ​យ៉ាង​ជ្រៀលជ្រៅ​ចំពោះ​ការ​ស្រឡាញ់​ និង​គាំទ្រ​ពី​សំណាក់​បង​ប្អូន​ប្រិយមិត្ត​។ ហើយ​នាង​ខ្ញុំ​ ក៏​មិន​ភ្លេច​ដែរ​ចំពោះ​លោក​​គ្រូ​ភ្លេង​របស់​នាង​ខ្ញុំ ដែល​គាត់​បាន​ខំ​ប្រឹង​តាក់​តែង​ទំនុក​ច្រៀង​ និង​ភ្លេង​សម្រាប់​នាង​ខ្ញុំ​រហូត​មក​»៕​

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។