ខ្នើយ​ដ៏ទន់​ល្មើយ​ស័ក្ដិសម​នឹង​បន្ទប់​ពណ៌​សក្បុស​ដូច​សំឡី ដែល​វិចិត្រករ​បាន​កែច្នៃ​គូរ​គំនូរ​បែប​ខ្វៀក​រំលេច​នូវ​កាយវិការ​ស្នេហា​យ៉ាង​ស្អិតល្មួត​រវាង​បុរស​ភេទ​ដូចគ្នា​ក្នុង​ស្ថានភាព​ននលគក​គួរ​ឲ្យ​ស្រើបស្រាល។ រូបភាព​ទាំង​នេះ​ទទួល​ឥទ្ធិពល​ពី​សិល្បករ​បារាំង​លោក ហ្សង់ កុកតូ (Jean Cocteau)។ បន្ទប់​ស្នាក់នៅ​ដ៏រ៉ូមេនទិក​ទាំង​១០​នោះ​ក៏​ត្រូវ​បាន​ដាក់​ឈ្មោះ​របស់​គូស្នេហ៍​បុរស​ស្នេហា​ភេទ​ដូច​គ្នា បាន​ផ្សារភ្ជាប់​ទៅ​នឹង​ទំនាក់ទំនង​របស់​កវី​និពន្ធ​បារាំង​ដ៏ល្បីល្បាញ​លោក អាកតួរ រីមបូដ និង ប៉ូល វែរឡែនន៍ (Arthur Rimbaud and Paul Verlaine) ដែល​នាម​របស់​អ្នក​ទាំង​ពីរ​បាន​ក្លាយ​ជា​និមិត្តរូប​នៃ​សណ្ឋាគារ​មួយ​ក្នុង​រាជធានី​ភ្នំពេញ។