ភ្នំពេញៈ នាថ្ងៃទី ២៦ ខែកញ្ញា ឆ្នាំ ២០១៥ នឹង​មាន​ព្រឹត្តិការណ៍​ប្រចាំ​ឆ្នាំមួយ​គឺ «សន្និសីទ និង​ពិព័រ​ណ៍​ស្តី​ពី​ដំណើរ​ឆ្ពោះ​ទៅ​កាន់​ភាព​ជោគជ័យ​នៅ​ក្នុងការ​ទទួល​អាហា​រូប​ករណ៍​​» សម្រាប់ សិស្ស និស្សិត​ខ្មែរ​ ដែល​​ប្រាថ្នា​ចង់​បាន​​អាហារូបករណ៍​សិក្សា​នៅ​ក្រៅ​ប្រទេស​​ថ្នាក់​បរិញ្ញាបត្រ និង​បរិញ្ញ​បត្រ​ជាន់​ខ្ពស់ នៅ​ឯ​សាល​​សន្និសីទ​​នៃ​វិទ្យាស្ថាន​បច្ចេកវិទ្យា​​នៃ​កម្ពុជា​ ក្រោមអធិបតី​ភាពរដ្ឋមន្រ្តី​ក្រសួង​​អប់រំ យុវ​ជន​ និង​កីឡា លោក ហង់ ជួន​ណារ៉ុន ដោយ​​ចាប់ផ្តើម​ពីម៉ោង ៨ ព្រឹក​បន្ត​រហូត​ដល់​ម៉ោង ៥ ល្ងាច។​