.jpg)
គូស្នេហ៍ស្រឡាញ់ភេទដូចគ្នាដែលបានរៀបការស្របច្បាប់អស់ ៣០ ឆ្នាំ។ រូបថត AFP
ក្រុងកូប៉ិនហាក៖ រយៈពេល ៣០ ឆ្នាំ ក្រោយពីដាណឺម៉ាក ក្លាយជាប្រទេសដំបូងអនុញ្ញាតឲ្យរៀបការភេទដូចគ្នាស្របតាមសហភាពច្បាប់ ដោយពិភពលោកកាន់តែអាចទទួលយកនូវទំនោរនេះ។ ប៉ុន្ដែនៅក្នុងឆ្នាំ ១៩៨៩ វាក្លាយជាទំនោរបែបថ្មី។
លោក Ivan Larsen បានរំឭកថា៖ «វាជាកម្មវិធីដែលរៀបចំឡើងរៀងរាល់ថ្ងៃនៅសាលាក្រុងភ្នំពេញ។ ប៉ុន្ដែសម្រាប់យើង ជាលើកដំបូងក្នុងប្រវត្ដិសាស្រ្ត បុរស ២ នាក់ អាចទទួលយកនូវបទពិសោធនេះ»។
លោក Ivan Larsen បានជួបដៃគូជាចិត្ដវិទូ Ove Carlsen កាលពីជាង ៣០ ឆ្នាំមុន។ កាលពីថ្ងៃទី ១ ខែ តុលា ឆ្នាំ ១៩៨៩ ដាណឺម៉ាក បានអនុញ្ញាតឲ្យមានអាពាហ៍ពិពាហ៍ភេទដូចគ្នាជាលើកដំបូងនៅក្នុងសហភាពស៊ីវិល លោក Larsen ដែលជាលោកឪពុកនៅព្រះវិហារដាណឺម៉ាក បានរៀបការជាមួយដៃគូស្របច្បាប់។
នៅពេលអ្នកទាំង ២ ត្រៀមប្រារឰពិធីខួបអាពាហ៍ពិពាហ៍ ពួកគេបានរំឭកប្រាប់ពីប្រវត្ដិស្នេហាដល់ AFP ថា៖ «យើងត្រូវបានគេប្រាប់ថា យើងអាចហៅភ្ញៀវ ២៥ នាក់ មកកាន់សាលាក្រុងនេះ។ យើងមានតែ ៣ នាក់»។
ទោះបីជាវាផ្ទុយស្រឡះដែលប្ដីប្រពន្ធស្រឡាញ់ភេទដូចគ្នាផ្សេងទៀតព្យាយាមបិទបាំងសកម្មភាពប្រចាំថ្ងៃទាំងស្រុង លោក Ivan និងលោក Ove រីករាយនឹងការបើកទូលាយពីជីវិតឯកជនជាប្រវត្តិសាស្ត្រ។
លោក Ove Carlsen បាននិយាយថា៖ «យើងគិតថា វាពិតជាសំខាន់ក្នុងការជជែកអំពីអ្វីដែលបានកើតឡើងនៅប្រទេស ដាណឺម៉ាក ក្នុងការផ្សព្វផ្សាយសារថា វាមិនអីទេ (ស្រឡាញ់ភេទដូចគ្នា) ហើយវាអាចទៅរួច»។
មុនឆ្នាំ ១៨៦៦ អ្នកស្រឡាញ់ភេទដូចគ្នានៅប្រទេស ដាណឺម៉ាក ត្រូវបានកាត់ទោសប្រហារជីវិត ហើយពួកគេត្រូវរស់នៅដោយលាក់បាំងរហូតដល់ឆ្នាំ ១៩៩៣៕ AFP/HR
