The Phnom Penh Post Search

Search form

Logo of Phnom Penh Post newspaper Phnom Penh Post - សាណូហ្វី​​កម្ពុជា រួម​ចំណែក​លើក​កម្ពស់​ការ​យល់​ដឹង​ពី​ជំងឺ​ឆ្កែ​ឆ្កួត




សាណូហ្វី​​កម្ពុជា រួម​ចំណែក​លើក​កម្ពស់​ការ​យល់​ដឹង​ពី​ជំងឺ​ឆ្កែ​ឆ្កួត

Content image - Phnom Penh Post
មនុស្សជា​ច្រើនចូលរួម​ទិវា​ពិភពលោក​ប្រឆាំងជំងឺឆ្កែឆ្កួត នៅ​កម្ពុជា។ រូបថត សហការី

សាណូហ្វី​​កម្ពុជា រួម​ចំណែក​លើក​កម្ពស់​ការ​យល់​ដឹង​ពី​ជំងឺ​ឆ្កែ​ឆ្កួត

ភ្នំពេញ: ជំងឺ ឆ្កែឆ្កួត គឺជា​ជំងឺ​បណ្តាល​មក​ពី​វីរុស​ដែល​អាច​បង្ការ​បាន ប៉ុន្តែ​វា​កាច​សាហាវ​អាច​នឹង​កំពុង​សម្លាប់​មនុស្ស​ពី ៣៥ ០០០ ទៅ ៥០ ០០០ នាក់ ទូទាំង​ពិភព​លោក​ជា​រៀង​រាល់​ឆ្នាំ​តាម​ការ​សិក្សា​របស់​វិទ្យាស្ថាន ប៉ាស្ទ័រ​កម្ពុជា ក្នុង​ចន្លោះ​ពី​ថ្ងៃ​ទី ១ ខែ​មករា ដល់​ទី ៣១ ខែធ្នូ ឆ្នាំ ២០១៤ មាន​មនុស្ស ២១ ៧៨២ នាក់ ត្រូវ​បាន​បញ្ជូន​មក ឬ មក​ដោយ​ខ្លួន​ឯង ដល់​មជ្ឈមណ្ឌល​បង្ការ​ជំងឺ​ឆ្កែឆ្កួត​នៃ​វិទ្យា​ស្ថាន​ប៉ាស្ទ័រ​កម្ពុជា​ដើម្បី​ចាក់​ថ្នាំ​បង្ការ​ជំងឺ​ឆ្កែ​ឆ្កួត​សរុប​មាន​ចំនួន ១២៦ ៣៨២ លើក។

ទន្ទឹម​នឹង​នោះ​ដែរ​ ក្រុមហ៊ុន សាណូហ្វី កម្ពុជា ក៏​បាន​រៀប​ចំ​យុទ្ធនាការ​មួយ​ដើម្បី​លើក​កម្ពស់​ការ​យល់​ដឹង​និង​ចូល​រួម​ក្នុង​ទិវា​ពិភព​លោក​ប្រឆាំង​ជំងឺ​ឆ្កែឆ្កួតឆ្នាំ ២០១៥ កាល​ពី​ថ្ងៃ​ទី ២៨ ខែ​កញ្ញា​កន្លង​ទៅ​នេះ ក្រោម​ប្រធាន​បទ «រួមគ្នា បញ្ចប់​ជំងឺ​ឆ្កែឆ្កួត»។

លោកស្រី Nguyen Thi Ngoc Minh នាយិកា​ក្រុមហ៊ុន​សាណូហ្វី កម្ពុជា បាន​មាន​ឲ្យ​ដឹង​ថា យោង​តាម​អង្គការ​សុខភាព​ពិភព លោក ៤០% នៃ​ជន​រងគ្រោះ​ពី​ជំងឺ​នេះ គឺ​ក្មេង​ដែល​មាន​អាយុ​ក្រោម ១៥ ឆ្នាំ ហើយ​ជា​រៀង​រាល់​ឆ្នាំ មាន​មនុស្ស​ច្រើន​ជាង ១៥ លាន នាក់​ទូទាំង​ពិភព​លោក​ដែល​បាន​ចាក់​វ៉ាក់​សាំង​ការពារ​ជំងឺ​នេះ​ក្រោយ​ពេល​សត្វ​ខាំ។

ជំងឺ​នេះ​អាច​ចម្លង​តាម​រយៈ​ទឹក​មាត់​ឆ្កែ និង​ឆ្មា​នៅ​ពេល​វា​ខាំ ក្រញៅ ឬ លិទ្ធ​ត្រង់​កន្លែង​មាន​របួស​ដោយ​វា​ចម្លង​វីរុស Lyssaviruses ទៅ​ជា​លិកា​ក្រោម​ស្បែក និង​សាច់​ដុំ។

ចំពោះ​អ្នក​ត្រូវ​បាន​ខាំ ឬ​ក្រញៅ ឬ បាន​រង​របួស​តាម​រូប​ភាព​ណា​មួយ​ក្តី ដោយ​សត្វ​ឆ្មា ឬ ឆ្កែ ត្រូវ​ប្រញាប់ ទៅ​ជួប គ្រូពេទ្យ​កាន់​តែ​ឆាប់​កាន់​តែ​ល្អ។ បើ​អ្នក​សង្ស័យ​ថា​អ្នក​បាន​ឆ្លង​ជំងឺ​នេះ សូម​ទៅ​ពិគ្រោះ​យោបល់​ជាមួយ​វេជ្ជបណ្ឌិត​ជា​បន្ទាន់ ដើម្បី​ទទួល​បាន​នូវ​ដំបូន្មាន ឬ​ការ​ចាក់​វ៉ាក់​សាំង​បង្ការ។

បើ​ក្នុង​សហគមន៍​មាន​ជំងឺ​ឆ្កែឆ្កួត អ្នក​ត្រូវ​បង្ខាំង​សត្វ​ឆ្កែ​របស់​អ្នក​ទុក​ក្នុង​បរិវេណ​ផ្ទះ និង​ចាក់​ថ្នាំ​បង្ការ​ជំងឺ​ឆ្កែឆ្កួត​ដល់​ឆ្កែ​របស់​អ្នក និង​ទៅ​ជួប​គ្រូ​ពេទ្យ​សុំ​ប្រឹក្សា ឬ​ចាក់​វ៉ាក់​សាំង​ជា​បន្ទាន់ ប្រសិន​បើ​ចាំ​បាច់៕

អត្ថបទគួរចាប់អារម្មណ៍