.jpg)
ភ្នំពេញ: តារាសម្តែងស្រីរាងស្រឡូនកញ្ញា សាឡាត់ ស្រីឡាង ធ្លាប់ល្បីមានទំនាក់ទំនងស្នេហាជាមួយតារាអ៊ីនធើណិត លោក សឹក សិលា នៅពេលនេះ កំពុងតែបានធ្វើឲ្យមហាជនភ្ញាក់ផ្អើលស្រឡាំងកាំង ដោយសារតែ សាឡាត់ ស្រីឡាង ស្រាប់តែត្រូវបានភរិយារបស់លោក លៀក លីដា ម្ចាស់ផលិតកម្ម LD Picture បានបង្ហោះសារព្រលះចំៗថា ជានារីដណ្ដើមប្ដីគេ។
គណនីហ្វេសប៊ុកមានឈ្មោះថា «Panhchaka June» ត្រូវបានគេស្គាល់ថាជាភរិយាលោក លៀក លីដា បានបង្ហោះសារនៅក្នុងបណ្តាញហ្វេសប៊ុករៀបរាប់ពីការផិតក្បត់របស់ស្វាមីខ្លួនជាមួយតារាសម្តែងល្បីឈ្មោះ ដែលមានការគាំទ្រច្រើនពីទស្សនិកជនក្នុងរឿង «មន្តស្នេហ៍ក្រមុំបាយឆា» កញ្ញា សាឡាត់ ស្រីឡាង ដោយមានទាំងការទិញរថយន្ត និងផ្ទះឲ្យតារាស្រីរូបនេះទៀតផង។
ភរិយារបស់លោក លៀក លីដា បានបង្ហោះសារដំបូងទាក់ទងនឹងទំនាក់ទំនងស្នេហារបស់ស្វាមីជាមួយតារាស្រីវ័យក្មេងគ្រងតំណែងតួរឯកជាច្រើនរឿងថា៖ «Srey Lang Salath នៅសុខសុខឲ្យគេស្អប់ ចង់ពេញមួយប្រទេស បើអញ Post យប់មិញមានគេមកអង្វវរឲ្យអញថយៗ ខ្លះ អញថយតិចៗហើយ តែនាងឯងនេះ ប្រភពមកពីណា អញកាលជាប្រពន្ធអញមិនដែរហៅប្តីពេញពេញមាត់ផង........»។
កញ្ញា សាឡាត់ ស្រីឡាង ត្រូវបានភរិយាលោក លៀក លីដា ទម្លាយរឿងទំនាក់ទំនងស្នេហាជាមួយស្វាមីអ្នកនាង។
ចំណែកឯសារចុងក្រោយវិញ គឺបានត្រឹមតែរងចាំការតបតពីភាគីម្ខាងទៀត គឺលោក លៀក លីដា និងកញ្ញា សាឡាត់ ស្រីឡាង ព្រមទាំងរងចាំពាក្យបណ្តឹងរបស់តារាស្រីល្បីឈ្មោះកញ្ញា ស្រីឡាង និងធ្វើការឡាយវីឌីអូបកស្រាយជុំវិញចម្ងល់ទាំងឡាយរបស់មហាជនទាក់ទងនឹងរឿងបញ្ហាគ្រួសារមានការផិតក្បត់របស់ស្វាមីផងដែរ។
ចំពោះតារាស្រីដែលមានភាពលេចធ្លោរក្នុងរយៈពេលចុងក្រោយប៉ុន្មានឆ្នាំនេះ និងមានការគាំទ្រពីទស្សនិកជនជាច្រើនកញ្ញា សាឡាត់ ស្រីឡាង មិនទាន់ឃើញមានការតបតអ្វីទៅកាន់ភរិយាលោក លៀក លីដា ម្ចាស់ផលិតកម្ម LD Picture ទេ។
ភ្នំពេញ ប៉ុស្តិ៍ ក៏មិនទាន់អាចបានការបកស្រាយពី សាឡាត់ ស្រីឡាង ដូចគ្នា ដោយសារតែលេខទូរស័ព្ទដែលធ្លាប់ទាក់ទងមិនអាចធ្វើការទំនាក់ទំនងបាន តែនាងបែរជាមានតែការឡាយវីឌីអូបដិសេធរឿងទំនាក់ទំនងស្នេហាជាមួយលោក សឹក សិលា។
លោក លៀក លីដា បានចូលរោងការជាមួយភរិយាជាអ្នកជំនួញ កាលពីថ្ងៃទី ១ ខែមីនា ឆ្នាំ ២០១៥ ដោយមានវត្តមានតារាសិល្បៈចូលរួមជាច្រើននាក់។ ចំណងស្នេហាជិត ៤ ឆ្នាំរបស់លោក និងភរិយា បានបង្កើតតំណក់ឈាមកូនស្រីដ៏គួរឲ្យស្រឡាញ់ពីរនាក់៕
ភរិយាលោក លៀក លីដា ថាគ្រាពពោះបែកពីស្វាមី បានតារាសម្ដែង នេត សុចរិយា កំដរផ្ដល់ភាពកក់ក្ដៅ។ រូបថត ហ្វេសប៊ុក
តារាសម្ដែង សាឡាត់ ស្រីឡាង និងលោក លៀក លីដា។ រូបថត ហ្វេសប៊ុក
