The Phnom Penh Post Search

Search form




Logo of Phnom Penh Post newspaper Phnom Penh Post - សិល្បករ​អ៊ីតាលី​ប្រើ​ភ្លើង​ឡាស៊ែរ​បញ្ចាំង​លើ​រាងកាយ​អាក្រាត​តារាម៉ូដែល​ខ្មែរ

សិល្បករ​អ៊ីតាលី​ប្រើ​ភ្លើង​ឡាស៊ែរ​បញ្ចាំង​លើ​រាងកាយ​អាក្រាត​តារាម៉ូដែល​ខ្មែរ

រូបភាព​មុខមាត់​នៃ​តារា​ម៉ូដែល​នោះ​មិន​ត្រូវ​បាន​បង្ហាញ​ឲ្យ​ឃើញ​ច្បាស់​ក្រឡែត​នោះ​ទេ។
រូបភាព​មុខមាត់​នៃ​តារា​ម៉ូដែល​នោះ​មិន​ត្រូវ​បាន​បង្ហាញ​ឲ្យ​ឃើញ​ច្បាស់​ក្រឡែត​នោះ​ទេ។ រូបថត Gian Claudio di Cecco

សិល្បករ​អ៊ីតាលី​ប្រើ​ភ្លើង​ឡាស៊ែរ​បញ្ចាំង​លើ​រាងកាយ​អាក្រាត​តារាម៉ូដែល​ខ្មែរ

ភ្នំពេញ: យុគសម័យ​ហ្វូតូសប ការ​កែច្នៃ​រូបភាព​ពិតជា​ងាយស្រួល​ខ្លាំង​ណាស់​ដោយ​គ្រាន់តែ​ប្រើ​កុំព្យូទ័រ​យួរ​ដៃ ឬ​ទូរស័ព្ទ​ទំនើប​ប៉ុណ្ណោះ​។ តែ​ជាង​ថតរូប​មកពី​កោះ​ស៊ីស៊ីលី​នៃ​ប្រទេស​អ៊ីតាលី​ដែល​ស្នាក់​នៅក្នុង​រាជធានី​ភ្នំពេញ បាន​ប្រើ​ទិចនិក​គំនូរ​រូបភាព​ខ្សែ​ឆ្នូតៗ​លើ​រាងកាយ​តារា​ម៉ូដែល​អាក្រាត​ជាមួយ​នឹង​ពន្លឺ​ភ្លើង​ឡាស៊ែរ និង​កាមេរ៉ា​របស់​លោក​ផ្ទាល់​។

លោក ជីអាន ខ្លូឌីអូ ឌី សេកូ (Gian Claudio di Cecco) ជា​ជាង​ថតរូប និង​ជា​អ្នក​ប្រើ​ទិចនិក​រូប​បញ្ចាំង​ដែល​បាន​ឆ្លៀត​ពេល​ពី​ក្រុង​ប៊ែរឡាំង​មក​ភ្នំពេញ បាន​ថ្លែង​ថា​៖ «​អ្វី​ទាំងអស់​ដែល​អ្នក​បាន​ឃើញ​ក្នុង​រូប​របស់​ខ្ញុំ​គឺ​សុទ្ធតែ​ពិតប្រាកដ​ទាំងអស់​។ ខ្ញុំ​មិន​បាន​កែកុន​អ្វី​ឡើយ​»។

តារាម៉ូដែល​អាក្រាតកាយ​បំភ្លឺ​ដោយ​ពន្លឺ​ភ្លើង​ឡាស៊ែរ។
តារាម៉ូដែល​អាក្រាតកាយ​បំភ្លឺ​ដោយ​ពន្លឺ​ភ្លើង​ឡាស៊ែរ។ Gian Claudio di Cecco

ស្ថិត​ក្នុង​វ័យ​៤៧​ឆ្នាំ​លោក​បាន​ក្លាយ​ជា​វិចិត្រករ​គំនូរ​ពន្លឺ​តាំងពី​លោក​ចេះ​កាន់​កាមេរ៉ា​មក​ម្ល៉េះ​។

ចំពោះ​ទិចនិក​នៃ​ការ​ថត លោក​បាន​បង្ហើប​ប្រាប់​ថា នៅពេល​បើក​កាមេរ៉ា​រយៈពេល​ប៉ុន្មាន​វិនាទី ឥទ្ធិពល​សិល្បៈ​ដ៏ល្អ​ឯក​មួយ​អាច​ត្រូវ​បាន​បង្កើត​ឡើង​ដោយ​គ្រាន់តែ​ធ្វើ​ចលនា​ប្រភព​ពន្លឺ​ទៅ​វត្ថុ​នោះ​ប៉ុណ្ណោះ។

ឌី សេកូ បាន​ប្រាប់​ថា​៖ «​ជួនកាល មាន​គេ​សួរ​ខ្ញុំ​ថា រូបភាព ឬ​គំនូរ​នោះ​ពិត​ឬ​អត់​? ហើយ​ខ្ញុំ​បាន​តប​វិញ​ថា ពិត​ទាំង​២​យ៉ាង វា​គឺជា​គំនូរ​លាយ​នឹង​រូបភាព​ដ៏​រស់រវើក​»។

ពិព័រណ៍​ចុងក្រោយ​បំផុត​របស់​លោក ដែល​បាន​តាំង​បង្ហាញ​រប៉ាត់រប៉ាយ​នៅ​ហាង​កាហ្វេ និង​បារ៍ឌូផ្លេញ លើ​វិថី​លេខ ២៧៨ លោក ឌី សេកូ បាន​គូរ​គំនូរ​លើ​រាងកាយ​តារា​ម៉ូដែល​អាក្រាត​ចំនួន​៤​រូប​ក្នុង​បន្ទប់​ងងឹត​។ ជាមួយ​នឹង​ការ​ប្រើ​ពន្លឺ​ឡាស៊ែរ​ដើម្បី​បង្កើត​រូបភាព​ខ្វាត់ខ្វែង​ក្នុង​រយៈពេល​ដ៏ខ្លី​គឺ​វា​ទាមទារ​ឲ្យ​លោក​ធ្វើ​កិច្ចការ​កាន់តែ​រហ័ស​បំផុត​រហូត​ទទួល​បាន​រូបភាព​ដ៏ល្អ​ឥតខ្ចោះ។

លោក បាន​ទទួល​ស្គាល់​ថា ក្រៅពី​បញ្ហា​ប្រឈម​ជាមួយ​នឹង​បច្ចេកទេស ការ​ស្វែងរក​តារាម៉ូដែល​កម្ពុជា​ដែល​ហ៊ាន​បង្ហាញ​រូបអាក្រាត ពិតជា​កិច្ចការ​កាន់តែ​លំបាក​ថែម​ទៀត​។

លោក ជីអាន ខ្លូឌីអូ ឌី សេកូ សិល្បករបង្កើតរូបភាពពីពន្លឺឡាស៊ែរ។
លោក ជីអាន ខ្លូឌីអូ ឌី សេកូ សិល្បករ​បង្កើត​រូបភាព​ពី​ពន្លឺ​ឡាស៊ែរ។ រូបថត សហការី

វិចិត្រករ​រូប​នេះ បាន​អះអាង​ថា​៖ «នៅ​អឺរ៉ុប អ្នក​ជា​ជាង​ថតរូប​ជំនាញ ហើយ​នាង​ជា​តារាម៉ូដែល​អាជីព ដែល​ពេល​ខ្លះ​ត្រូវ​ថត​ឈុត​ស្រាត គឺ​ស្រាត​តែ​ម្ដង ពីព្រោះ​វា​ជា​កិច្ចការ​របស់​នាង។ ប៉ុន្ដែ​នៅក្នុង​ប្រទេស​ដែល​មាន​វប្បធម៌​ផូរផង់ ភាព​អាក្រាតកាយ​ប្រាកដ​ជា​ត្រូវ​គេ​ពេបជ្រាយ​»។

ចៃដន្យ លោក ឌី សេកូ អាច​រក​បាន​តារាម៉ូដែល​៤​នាក់ ដែល​ម្នាក់​ជា​ម៉ូដែល​អាជីព និង​៣​នាក់​ទៀត​ជា​អ្នក​ស្ម័គ្រចិត្ដ​ដែល​ហ៊ាន​ស្រាត​។ ថ្វីដ្បិត​តែ​មុខ​របស់​ពួកគេ​មើល​មិន​ឃើញ​ច្បាស់ និង​អត្ដសញ្ញាណ​មិន​ត្រូវ​បាន​បង្ហាញ​យ៉ាងណា​ក៏ដោយ ក៏​លោក​បាន​បង្ហើប​ប្រាប់​ថា ម្នាក់​ក្នុង​ចំណោម​ពួកគេ​គឺជា​តារា​ល្បី​របស់​កម្ពុជា​។ រូបភាព​នៃ​តារាម៉ូដែល​នោះ​មិន​ត្រូវ​បង្ហាញ​ឲ្យ​ឃើញ​ច្បាស់​ក្រឡែត​ទេ​ដោយ​គ្រាន់តែ​អាច​សង្កេត​តាមរយៈ​ចលនា និង​ឥរិយាបថ ព្រមទាំង​សណ្ឋាន​មុខមាត់​ប៉ុណ្ណោះ។

លោក​បាន​បញ្ជាក់​ថា​៖ «​ចំពោះ​ខ្ញុំ មុខមាត់​ក្នុង​រូបភាព​មិនមែន​ជា​ចំណុច​សំខាន់​នោះ​ទេ​។ ខ្ញុំ​ព្យាយាម​ផ្ដិត​យក​រូបភាព​នៃ​រាងកាយ​របស់​ពួកគេ​។ ដូច្នេះ​ខ្ញុំ​បាន​ជជែក និង​លេងសើច​ជាមួយ​ពួកគាត់ ពីព្រោះ​ខ្ញុំ​ចង់​ដឹង​ពី​ពួកគាត់​ជា​តារាម៉ូដែល​»។

ថ្វីដ្បិត​តែ​លោក ឌី សេកូ ធ្វើការ​ជាង​ថតរូប​ហ្វាសសិន និង​បែប​អាជីវកម្ម​រយៈពេល​២៥​ឆ្នាំ និង​កំពុង​តែ​ដាក់​លក់​រូបភាព​តារាម៉ូដែល​ឡាស៊ែរ​អាក្រាត​កាយ​តម្លៃ​៣០០​ដុល្លារ​ក្នុង​មួយ​ផ្ទាំង​៕

អត្ថបទគួរចាប់អារម្មណ៍