ភ្នំពេញ៖ នៅថ្ងៃសុក្រទី ២០ ខែ មីនា ឆ្នាំ ២០២០ ចាប់ពីម៉ោង ៣ រសៀលដល់ម៉ោង ៥ ល្ងាច នៅវិចិត្រសាលនៃគម្រោងសិល្បៈស-ស និងពិធីសិក្ខាសាលាស្តីពីភោជនាហារ ដោយសិល្បការិនីឥណ្ឌូនេស៊ី អេលៀ ណូលរ៍ហ្វីស្តា ក្រោមការគាំទ្រពីមូលនិធិរៃ (Rei Foundation)។
បើតាមសេចក្តីប្រកាសព័ត៌មានឲ្យដឹងថា៖ «កម្មវិធីសិក្ខាសាលាមួយនេះ អេលៀ ណូលរ៍ហ្វីស្តា នឹងចែករំលែកអំពីគំនិត ដែលបានរៀបរាប់ខាងលើ និងពិភាក្សារួមគ្នា ជាមួយនឹងអ្នកចូលរួមសិក្ខាសាលា ខណៈពេលដែលយើងកំពុងចម្អិន ឬបរិភោគ។ នាអំឡុងពេលធ្វើនិវាសដ្ឋានសិល្បៈនៅក្នុងប្រទេស កម្ពុជា គាត់ក៏បានស្វែងយល់អំពីម្ហូបអាហារ ដោយភាគច្រើនមាននៅអំទ្បុងយុគសម័យខ្មែរក្រហម ដែលទាក់ទងនឹងរបបអាហារត្រូវបានគេកំណត់ ជាមួយភាពអត់ឃ្លាន ដែលបានកើតឡើងក្នុងរបបខ្មែរក្រហម។
ប្រធានបទមួយនេះ គឺត្រូវបានបន្តពីការស្រាវជ្រាវរបស់គាត់នាពេលកន្លងមក អំពីប្រទេស ឥណ្ឌូនេស៊ី នៅក្នុងអំឡុងពេល មានភាពចលាចលផ្នែកនយោបាយនៅក្នុងឆ្នាំ ១៩៦៥ និងនៅប្រទេស រ៉ូម៉ានី ក្រោមសម័យកាលនៃប្រទេសកុម្មុយនីស្ត។
សិល្បការិនី រូបគាត់ក៏មានបំណងធ្វើការស្រាវជ្រាវគម្រោងនេះ ទាក់ទងជាមួយនឹងវប្បធម៌ចំណីអាហារនៅតំបន់អាស៊ីអាគ្នេយ៍ (អាស៊ាន) ដែលជាទីកន្លែង ដែលមានប្រភពអង្ករយកមកធ្វើជាអាហារដ៏ចម្បង ហើយក៏មានទំនាក់ទំនងជាមួយនឹងប្រវត្តិសាស្រ្ត សាសនា និងស្ថានភាពនយោបាយផងដែរ។
កម្មវិធីពិសោធន៍គឺជាកម្មវិធីនិវាសដ្ឋានសិល្បៈមួយ សម្រាប់សិល្បករខ្មែរ ក៏ដូចជាសិល្បករអន្តរជាតិ ដើម្បីស្នាក់នៅ និងធ្វើការពេញម៉ោងរយៈពេល ពី ៦ ទៅ ៨ សប្តាហ៍ នៅក្នុងទីតាំងរបស់គម្រោងសិល្បៈស-ស នៅទីក្រុងភ្នំពេញ។ ក្នុងអំឡុងពេលនិវាសដ្ឋាននេះ យើងលើកទឹកចិត្តឲ្យសិល្បករសាកល្បងដកបទពិសោធក្នុងការងារសិល្បៈរបស់គាត់។ នៅក្នុងកម្មវិធីពិសោធន៍នឹងមិនស្នើឲ្យសិល្បករបង្កើតស្នាដៃសម្រាប់តាំងពិព័រណ៍ទេ។ កម្មវិធីនេះ នឹងផ្តល់ឲ្យសិល្បករមានសេរីភាពក្នុងការបង្កើតសិល្បៈ និងធ្វើអ្វីក៏បានដែលសិល្បករចង់។ សិល្បករនឹងត្រូវជំរុញឲ្យសាកល្បងវិធីសាស្រ្តថ្មីៗ នៅក្នុងការប្រើប្រាស់សម្ភារ គំនិតថ្មីៗ ឬក៏វិធីសាស្រ្តថ្មីៗ ក៏ដូចជាការប្រឈមនឹងការបង្កើតឲ្យមានលទ្ធភាពសិល្បៈ។
ចំពោះសិល្បការិនី អេលៀ ណូលរ៍ហ្វីស្តា កើតនៅឆ្នាំ ១៩៨៣ គាត់គឺជាសិល្បករចក្ខុវិញ្ញាណ និងជាសហស្ថាបនិកនៃក្រុមសិល្បៈបាគូដាប៉ាន់ (BAKUDAPAN) និងបានផ្តួចផ្តើមសហការបង្កើតនៅក្រុមបាគូដាប៉ាន់ សិក្សាអំពីម្ហូបអាហារ។
សិល្បការិនី អេលៀ ណូលរ៍ហ្វីស្តា បានបញ្ចប់ការសិក្សាពីវិទ្យាស្ថានវិចិត្រសិល្បៈ ឥណ្ឌូនេស៊ីផ្នែករចនា។ គាត់ចាប់អារម្មណ៍ស្រាវជ្រាវ ទៅលើឧបករណ៍សិល្បៈផ្សេងៗជាច្រើន រួមមាន វិធីសាស្រ្តអប់រំ និងប្រព័ន្ធនៃការចាត់ចែងម្ហូបអាហារ។ អេលៀ ណូលរ៍ហ្វីស្តា ក៏បានចូលរួមក្នុងការតាំងពិព័រណ៍ និងនិវាសដ្ឋានសិល្បៈ ជាច្រើនរួមមានទាំងនៅក្នុងស្រុក និងអន្តរជាតិផងដែរ។ សម្រាប់ព័ត៌មានបន្ថែម សូមចូលទៅក្នុងគេហទំព័រ www.elianurvista.com៕