The Phnom Penh Post Search

Search form




Logo of Phnom Penh Post newspaper Phnom Penh Post - សិល្បៈ​ចម្លាក់​ស្មិត​ជា​មរតក​ពី​បរម​បុរាណ​ អាច​រង​ការប្រឈម​ខ្វះ​អ្នក​អភិរក្ស​បន្ត

សិល្បៈ​ចម្លាក់​ស្មិត​ជា​មរតក​ពី​បរម​បុរាណ​ អាច​រង​ការប្រឈម​ខ្វះ​អ្នក​អភិរក្ស​បន្ត

Content image - Phnom Penh Post
ចម្លាក់​ប្រាសាទ​អង្គរវត្ត​ដ៏ប្រណីត​តូច​ច្រឡឹង​ដែល​សង់​ពី​ស៊ីម៉ងត៍​សម្រាប់​ការដាក់​តាំង​លម្អ​មុខ​សណ្ឋាគារ​។ រូបថត ហ្វេសប៊ុក

សិល្បៈ​ចម្លាក់​ស្មិត​ជា​មរតក​ពី​បរម​បុរាណ​ អាច​រង​ការប្រឈម​ខ្វះ​អ្នក​អភិរក្ស​បន្ត

ខេត្តសៀមរាបៈ ខណៈ​ក្រុម​ទេសចរ​ជាតិ និង​អន្តរជាតិ​ជាច្រើន​មកពី​ទិសទី​នានា​នៃ​ពិភពលោក​ចាប់​អារម្មណ៍​នឹង​សម្រស់​នៃ​សំណង់​ប្រាសាទ​បុរាណ​អង្គរវត្ត ដែល​ជា​សម្បត្តិ​បេតិកភណ្ឌ​ពិភពលោក​អង្គការ​យូណេស្កូ​នោះ តែ​ហាក់​ដូច​មិន​សូវ​មាន​អ្នក​យក​ចិត្ត​ទុកដាក់​នឹង​ទម្រង់​សិល្បៈ​ជាង​ចម្លាក់​ស្មិត​ដែល​ទំនង​ជា​កេរមរតក​វប្បធម៌​ខ្មែរ​តាំងពី​សម័យមុន​អង្គរ​នោះ​សោះ​ទៅវិញ​។

លោក អ៊ិត សុភាព ជា​សិប្បករ​ចម្លាក់​ស្មិត វ័យ ៤៤ ​ឆ្នាំ​ដែល​ចេះ​ជំនាញ​ចម្លាក់​សូន​រូប ឬ​ចម្លាក់​ស្មិត​មិន​បាន​រៀន​នៅ​សាលា​វិចិត្រសិល្បៈ ដោយ​គ្រាន់​តែ​រៀន​បន្ត​ពី​ឪពុក​តាំងពី​វ័យក្មេង និង​បាន​ឆ្លងកាត់​តែ​វគ្គ​បណ្តុះបណ្តាល​បន្ថែម​ពី​ក្រសួង​វប្បធម៌ និង​វិចិត្រសិល្បៈ​ក្នុង​កម្មវិធី​ចុះ​បង្រៀន​ដល់​មូលដ្ឋាន​នៅ​ខេត្ត​សៀមរាប​របស់​អង្គការ​យូណេស្កូ (UNESCO) នោះ​កំពុង​តែ​សម្តែង​ការព្រួយបារម្ភ​ពី​ការប្រឈម​នឹង​ការធ្លាក់ចុះ​អ្នករៀន​ជំនាញ​សិល្បៈ​ចម្លាក់​ស្មិត​លើ​គ្រឿង​ស្ពាន់ និង​ស៊ីម៉ងត៍​នេះ​។

លោក អ៊ិត សុភាព ដែល​ប្រកបរបរ​ជាង​ចម្លាក់​ស្មិត​រយៈពេល ២០ ​ឆ្នាំ​មក​ហើយ​ដោយ​មាន​លំនៅឋាន​ស្ថិត​នៅ​ស្រុក​ក្រឡាញ់ ខេត្ត​សៀមរាប ខណៈ​ក្នុង​ចំណោម​បងប្អូន ៤ ​នាក់​បាន​ប្រកបរបរ​នេះ​មាន ៣ ​នាក់​បាន​ដូរ​មុខរបរ​ថ្មី​អស់​ហើយ​គឺ​នៅ​សល់​តែ​លោក​ម្នាក់​ប៉ុណ្ណោះ ព្រោះ​តែ​មិន​អាច​រកប្រាក់​ចំណូល​ទ្រទ្រង់​ជីវភាព​បាន​។

Content image - Phnom Penh Post
សិប្បករ​ចម្លាក់​ស្មិត​កំពុង​ផ្ចិតផ្ចង់​សង់​ប្រាសាទ​អង្គរវត្ត​ដ៏តូច​ច្រឡឹង​។ រូបថត សហការី

ជាង​ចម្លាក់​ស្មិត​រូប​នេះ​បាន​លើក​ជា​សំណូមពរ​ដល់​រដ្ឋាភិបាល​ឲ្យ​ជួយ​លើក​ទឹកចិត្ត និង​រក្សា​កេរដំណែល​សិល្បៈ​បុរាណ​នេះ​ដោយ​ដឹង​នូវ​ប្រវត្តិ​តពី​ឪពុក​ថា​៖ «​បើ​តាម​ឪពុក​ខ្ញុំ [​អតីត​គ្រូបង្រៀន​ផ្នែក​សូន​រូប​នៅ​សាលា​រចនា​] ប្រាប់​ថា សិល្បៈ​ចម្លាក់​ស្មិត​គឺជា​មរតក​ពី​ដូនតា​តាំងពី​សម័យមុន​អង្គរ​មក តែ​ពេល​នេះ​កាន់តែ​ខ្សត់​អ្នក​រៀន​បន្ត និង​លែង​សូវ​មាន​អ្នក​ចាប់​យក​ជា​មុខរបរ ដោយសារ​តែ​ខ្វះ​ការ​ឲ្យ​តម្លៃ​មិន​សូវ​ត្រូវ​បាន​ថ្នាក់ដឹកនាំ​ពាក់ព័ន្ធ​គិតគូរ​អើពើ និង​ខ្សត់​ទីផ្សារ​រកប្រាក់​ចំណូល​។ ម្យ៉ាង​ទៀត​ប្រសិន​បើ​គ្មាន​ការគិតគូរ និង​ថែរក្សា​បន្ត​ទេ អាច​នឹង​ត្រូវ​ប្រទេស​ជិតខាង (​លោក​សំដៅ​ប្រទេស​ថៃ​) គេ​នឹង​ស្នើ​ដាក់​ជា​សម្បត្តិ​បេតិកភណ្ឌ​យូណេស្កូ មុន​យើង​ជា​មិន​ខាន​ទេ នេះ​ជា​ការព្រួយបារម្ភ​របស់​ខ្ញុំ​តទៅ​ថ្ងៃ​មុខ​»​។

សា្នដៃ​ចម្លាក់​ស្មិត​ជា​ប្រាសាទ​អង្គរវត្ត​ដ៏តូច​ច្រឡឹង សម្រស់​ស្រស់ស្អាត ជា​ស្នាដៃ​សិល្បៈ​វប្បធម៌​កូន​ខ្មែរ​ពិតៗ​នោះ ក៏​មិន​ងាយស្រួល​ឡើយ​ក្នុង​ការបង្កើត​គឺ​ត្រូវ​ចំណាយពេល​តិច​បំផុត ៣ ​ខែ​កន្លះ និង​យូរ​បំផុត​ក៏ ៥ ​ខែ​ដែរ ទើប​អាច​សម្រេច​បាន​ផល​។

លោក អ៊ិត សុភាព បាន​បញ្ជាក់​រំឭក​ពី​ស្នាដៃ​ដំបូង​របស់​ឪពុក​លោក និង​មាន​វត្តមាន​រូបលោក​នៅ​ក្មេង​ចូលរួម​ដែរ​នោះ​ថា​៖ «​ស្នាដៃ​ចម្លាក់​ស្មិត​ជា​រូប​អង្គរវត្ត​ដំបូង​គេ​គឺ​មាន​នៅក្នុង​ព្រះបរមរាជវាំង​ភ្នំពេញ​ដែល​ស្ថិត​នៅ​ខាងក្រោយ​នៃ​ព្រះវិហារ​ព្រះកែវ​មរកត​។ សំណង់​នោះ​មាន​លក្ខណៈ​ស្អាត​ផូរផង់​គឺ​មាន​ទម្រង់​ជា​ប្រាសាទ​ដែល​មើល​ទៅ​ឃើញ​មាន​កំពូល​ ៩ ដោយ​កាល​នោះ​គឺ​ត្រូវ​បាន​សម្តេច​ចៅហ្វា​វាំង គង់ សំអុល កុម្ម៉ង់​ឲ្យ​ឪពុក​ខ្ញុំ​សង់​។ ប្រសិន​បើ​សំណង់​ចម្លាក់​ស្មិត​ដែល​កុម្ម៉ង់​បែប​នោះ សម័យ​នេះ​ប្រហែល​មាន​តម្លៃ ១៥ ០០០ ​ដុល្លារ​ដោយ​ប្រើ​ពេល​ធ្វើ ៥ ​ខែ​។ ចំពោះ​សំណង់​ប្រាសាទ​អង្គរវត្ត​តូចៗ​ដែល​មាន​ទំហំ​ប្រវែង​ដូចជា ២ ​ម៉ែត្រ​វិញ​មាន​តម្លៃ​ចន្លោះ​ពី ២ ៥០០ ​ដុល្លារ​ដល់ ៥ ០០០ ​ដុល្លារ​គឺ​អាស្រ័យ​លើ​ទំហំ​ខ្នាត​ដែល​ត្រូវ​ពេល​តិច​បំផុត ៣ ខែ​កន្លះ​ទើប​ធ្វើ​រួចរាល់​»៕

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។