.jpg)
តារាសម្តែងស្រី ចម្រៀង និងគ្រូរបាំព្រះកាយ ច័ន្ទ វ័យ២៥ ឆ្នាំ។ រូបថត ហុង មិនា, តារាស្រីស្រស់ ព្រះកាយ ច័ន្ទ រាងស្ល៊ីម។ រូប ហ្វេសប៊ុក
ភ្នំពេញ៖ តារាសម្តែង តារាចម្រៀង និងជាគ្រូបង្រៀនរបាំបុរាណសម័យ ដែលក្តោបទីផ្សារថតកុនបានសុទ្ធតែតួឯករហូតក្លាយជាតារាម៉ូយ ប្រចាំផលិតកម្មប៉ុស្តិ៍លេខ ៥ កញ្ញា ព្រះកាយ ច័ន្ទ សុខៗ ស្រាប់តែកើតចម្ងល់សួរនាំទៅមហាជន ពាក់ព័ន្ធនឹងរឿងបញ្ហាស្នេហា ថាតើស្រ្តីអាចសារភាពស្នេហ៍ប្រាប់បុរសបានដែរឬទេ? ឡើងផ្អើលតាមបណ្តាញសង្គម។
កញ្ញា ព្រះកាយ ច័ន្ទ តារាចម្រៀង និងសម្តែងស្រីមានរាងស្ល៊ីម ដែលមានប្រវត្តិផុសចេញពីសិល្បការិនីបុរាណ និងមានលោកឪពុកជាអតីតសិល្បករជើងចាស់ ផ្នែកលោ្ខនបាសាក់នោះ បានបង្ហើរសារថា៖ «ហេតុអ្វីបានជាមនុស្សប្រុសមានសិទ្ធិសារភាពថា ស្រឡាញ់មនុស្សស្រីបាន? ហើយហេតុអ្វីបានមនុស្សស្រីមិនមានសិទ្ធិ ក្នុងការសារភាពថា ស្រឡាញ់មនុស្សប្រុសវិញបានទេ? សូមមតិខ្លះមកណា...តែសម្រាប់ខ្ញុំ ខ្ញុំគិតថា ការស្រឡាញ់មិនចាំបាច់លាក់បាំងអារម្មណ៍ខ្លួនឯងនោះទេ បើខ្ញុំមានមនុស្សខ្ញុំលួចស្រឡាញ់ ខ្ញុំនឹងប្រាប់គេ»។
មុននឹងផ្តល់ជាមតិយោបល់នោះ ក៏លាន់មាត់ដោយន័យបែបភ្ញាក់ផ្អើលមួយរំពេចថា៖ «អីយ៉ា! ស្រីស្រស់រាងស្ល៊ីម កញ្ញា ព្រះកាយ ច័ន្ទ ទំនងជាចង់ប្រាប់ថា នាងកំពុងតែរកបានម្ចាស់បេះដូងហើយទេដឹង បានខំប្រឹងជជីកសួរនាំគេឯង រឿងសិទ្ធិជាអាទិភាពនៃអ្នកដែលអាចសារភាពស្នេហ៍មុនគេបាន យ៉ាងទទូចដល់ថ្នាក់ហ្នឹងនោះ!»។ ក្រោយមកក៏មានអ្នកផ្តល់ជាមតិយោបល់ទៅ ព្រះកាយ ច័ន្ទ ជាហូរហែថា៖ «មិនមែន មិនមានសិទ្ធិសារភាពនោះទេ គ្រាន់តែមនុស្សស្រីយើងមានភាពខ្មាសអៀនច្រើនជាងមនុស្សប្រុសតែប៉ុណ្ណឹង។ ពេលមនុស្សប្រុសតាមស្រឡាញ់មនុស្សស្រី វាជារឿងធម្មតា ប្រុសគេក្លាហាន។ ពេលមានមនុស្សស្រីតាមស្រឡាញ់មនុស្សប្រុស គេថាមិនសមជាស្ត្រីសោះ ស្រីអីបន្ទាបតម្លៃខ្លួនម៉េះ ឬគេថាជាស្រ្តីអាស ឬស្រ្តីអីហេរកប្រុសម្ល៉េះ?»។
ទោះជាយ៉ាងណាកញ្ញា ព្រះកាយ ច័ន្ទ ក៏មិនបានបញ្ជាក់ថា រូបនាងកំពុងតែមានស្រឡាញ់ត្រូវសារភាពស្នេហ៍មុនដែរទេ ខណៈភ្នំពេញប៉ុស្តិ៍មិនអាចទំនាក់ទំនងសួរនាំតាមទូរស័ព្ទបានឡើយ។
តែឃើញសារតារាជាគ្រូបង្ហាត់របាំបុរាណសម័យ ព្រះកាយ ច័ន្ទ តបសារជាមួយមហាជនវិញដែរថា៖ «មែនតា! បងហេតុអីត្រូវខ្លាច គ្រាន់តែនិយាយថាស្រឡាញ់ ហើយបើគេមិនស្រឡាញ់ក៏អត់ទៅ យើងបានដឹងហើយមិននៅស្រឡាញ់គេតែឯងទៀត។ យើងទន់ភ្លន់ តែមិនទន់ជ្រាយ ហើយការសារភាពវាមិនទៅប៉ះពាល់តម្លៃអីនោះទេ ចុះមនុស្សគេអត់តម្លៃ ឬដែលសារភាពប្រាប់ស្រី្តមុនគេ»៕
