The Phnom Penh Post Search

Search form

សុខ ពិសី ពិបាក​ចិត្ត​នឹង​ព័ត៌មាន​ស្នេហ៍​ថៅកែ

Content image - Phnom Penh Post
លោក​ សេង​ បង្ហោះ​រូបនារី​ដែល​គេ​សន្និដ្ឋាន​ថា​ជា សុខ ពិសី​។ ហ្វេសប៊ុក

សុខ ពិសី ពិបាក​ចិត្ត​នឹង​ព័ត៌មាន​ស្នេហ៍​ថៅកែ

ភ្នំពេញ: ជាមួយ​នឹង​ភាព​ជោគជ័យ​លើ​វិថី​សិល្បៈ ក្នុង​ទ្រនំ​ដ៏​កក់ក្តៅ​ផលិតកម្ម​សាន់ដេ តារា​ចម្រៀង​សំនៀង​មាយា កញ្ញា សុខ ពិសី បែរជា​ត្រូវ​បាន​គេ​ទម្លាយ​ព័ត៌មាន​ដ៏​ភ្ញាក់ផ្អើល​ថា រាជិនី​សាន់ដេ កញ្ញា សុខ ពិសី និង​ម្ចាស់​ផលិតកម្ម​ផ្ទាល់​តែម្តង បាន​លួច​បង្កាត់​ភ្លើង​ស្នេហ៍​ជាមួយ​គ្នា​យ៉ាងយូរ​ក្រោម​ដំបូល​ផ្ទះ​តែមួយ។

ប្រភព​ស្និទ្ធ​នឹង​សាន់ដេ​បង្ហើប​ទៀត​ថា សុខ ពិសី បាន​បង្កើត​ចំណង​ស្នេហ៍​ជាមួយ​ថៅកែ​សាន់ដេ ខាង​លើ​យូរឆ្នាំ​ហើយ ដោយ​រួមរស់​ក្រោម​ដំបូល​ផ្ទះ​តែមួយ​ថែម​ទៀត​ផង។ ពួកគេ​ទៅណា​មក​ណា​ជាមួយ​គ្នា ប៉ុន្តែ​មិន​ហ៊ាន​ថតរូប បង្ហាញ​ជា​សាធារណៈ​ទេ ដោយ​រូបខ្លះ​បិទបាំង ខ្លាច​ធ្លាយ​ដំណឹង​ស្នេហ៍ ដែល​ពួកគេ​ខំ​បិទ​បាំង។ ថៅកែ​វ័យក្មេង​សាន់ដេ​ឈ្មោះ លោក​សេង តែងតែ​លើក​តម្កើង​តួស្រី​របស់​ខ្លួន​រូបនេះ​ខុសពី​តារា​ផ្សេងៗ ដែល​កំពុង​ស្ថិត​ក្នុង​ទ្រនំ​ជាមួយ​គ្នា ហើយ​តារា​ទាំង​នោះ​ក៏មាន​ទឹកដម​សំនៀង​ពីរោះ​ជាង សុខ ពិសី ផងដែរ។

ទោះ​បីជា​យ៉ាងណា ព័ត៌មាន​នេះ ក៏ត្រូវ​បាន​អ្នក​នៅក្នុង​មជ្ឈដ្ឋាន​សិល្បៈ លើក​ឡើង​ផងដែរ​ថា ជារឿង​ពិត​ដែល​ពិបាក​នឹង​និយាយ​បើក​ចំហ ប៉ុន្តែ​កញ្ញា សុខ ពិសី ក្នុង​ជំនួប​នឹង ភ្នំពេញ​ប៉ុស្តិ៍ នាង​បាន​លើក​ឡើង​ថា៖ «រឿង​ព័ត៌មាន​នេះ មិនមែន​ទើបតែ​ត្រូវ​បាន​គេ​លើក​មក​និយាយ​ពេលនេះ​ទេ។ វា​កើត​ឡើង​ច្រើន​ឆ្នាំ​ហើយ តែ​ពេលនេះ​មិន​ដឹងថា រឿងអី​ត្រូវបាន​ព័ត៌មាន​គេចុះ​ផ្សាយ​ទៀត​ទេ»។

តារា​ចម្រៀង​កំព្រា​ម្តាយ ក្នុង​គ្រោះ​មួយ​ប៉ប្រិច​ភ្នែក​របស់​ខ្លួន កញ្ញា សុខ ពិសី ពោល​ថា៖ «ខ្ញុំ​មិន​សប្បាយ​ចិត្ត​ទេ នឹង​ព័ត៌មាន​បែបនេះ​ផ្ទុះ​ឡើង ហើយ​ជាមួយ​មេ​កើយ​ទៀត។ វា​ពិតជា​មិនល្អ​មែន​សម្រាប់​ខ្ញុំ ហើយ​ក៏​ប៉ះពាល់​នឹង​ការងារ​ខ្ញុំ​ផងដែរ»។

បន្ទរ​សម្ដី​ហ្មង​សៅ​នេះ តារា​ចម្រៀង សុខ ពិសី បាន​ប្រាប់​ថា៖ «វាជា​រឿង​ធម្មតា​ហើយ ខ្ញុំជា​តារា​កន្លង​មក​ក៏ធ្លាប់​ថតរូប​បែប​នេះ ក្នុង​ចេតនា​លេង​សើច​ជាមួយ​មិត្តភក្ដិ​រួម​អាជីព ហើយ​ក៏ធ្លាប់​ថតរូប​របៀប​នេះ ជាមួយ​បង សិរីមន្ត​ផង តែ​រូបនេះ​គេ​មិនបាន​យក​មក​ផ្គូផ្គង​ផង ម៉េចក៏​យក​តែ​រូបថត​នេះមក​និយាយ​អ៊ីចឹង»។

កញ្ញា សុខ ពិសី ក៏បាន​ប្រាប់​ទៀត​ថា៖ «បើ​ខ្ញុំមាន​ស្នេហា​មែន​នោះ ខ្ញុំក៏​នឹង​មិន​លាក់​បាំង​ដែរ តែ​នេះ ខ្ញុំក៏​មិន​ដឹង​ថា បកស្រាយ​យ៉ាងណា​ដែរ ខណៈ​គេ​យករូប​បែប​នោះ ហើយ​និងថា ខ្ញុំនឹង​ថៅកែ​ជាម្ចាស់​ស្នេហ៍​នឹង​គ្នា ទាំងខ្ញុំ​មិន​បាន​ប្រព្រឹត្ត​ឬក៏​ដឹងអី​សោះ​មុន​នេះ»។

នាង​ប្រាប់ថា៖ «ខ្ញុំមិន​ដឹងថា រូបភាព​នោះ​យ៉ាង​ណាទេ តែ​ក្នុង​គណនី​ហ្វេសប៊ុក​ខ្ញុំ ខ្ញុំមិន​ដែល​បាន​បង្ហោះ​វាទេ បើ​ចង់ដឹង​ច្បាស់​មានតែ​គាត់ (ថៅកែ) ពី​រូបភាព​ទាំង​នោះ»។

កញ្ញា សុខ ពិសី ទទូច​ទៀត​ថា៖ «ខ្ញុំ​មិន​ចង់ដឹង និង​មិន​ចង់ឮ​ទេ​ព័ត៌មាន​បែប​នេះ។ ខ្ញុំ​សព្វថ្ងៃ​គិតតែ​ពី​ការងារ​សិល្បៈ​ជា​ឆ្នាំងបាយ​ខ្ញុំ បើខ្ញុំ​អត់​សិល្បៈ​ដូច​វាយ​ឆ្នាំង​បាយ​អ៊ីចឹង ហើយ​ខ្ញុំក៏​មិនចង់​មាន​ព័ត៌មាន​ស្អី ប៉ះពាល់​ថៅកែ​ដែរ ព្រោះ​គាត់​ជាមេ ខ្ញុំ​គោរព​គាត់។ គាត់​ផ្តល់​ឱកាស​ការងារ​ឲ្យខ្ញុំ ត្រឹម​ហ្នឹង​ហើយ ដែល​ខ្ញុំមិន​សប្បាយ​ចិត្ត​ព័ត៌មាន​អ៊ីចឹងៗ​លេច​ឡើង ហើយ​ទាំង​មិនមែន​ជាការ​ពិត​ទៀត»៕

អត្ថបទគួរចាប់អារម្មណ៍

  • គម្រោង​ធំៗ​ជាច្រើន​អាច​នឹង​លេច​ឡើង​នៅ​តាម​មាត់ទន្លេ

    ក្រុមហ៊ុន​អភិវឌ្ឍន៍​ដ៏ធំ​មួយ​របស់​ចិន​មាន​ប្លង់​រចនា​ក្នុង​ការ​អភិវឌ្ឍ​នៅ​តាម​បណ្តោយ​ឆ្នេរ​ទន្លេ​ដែល​គម្រោង​នោះ​រួម​មាន​ខុនដូ​ប្រណីត អគារ​ការិយាល័យ ខណៈ​បច្ចុប្បន្ន​ទីតាំង​នោះ​ត្រូវ​បាន​គ្រប់គ្រង​ដោយ​កំពង់ផែ​ស្វយ័ត​រាជធានី​ភ្នំពេញ​។

  • ស្ថាបត្យកម្ម និង​វិចិត្រសិល្បៈ គឺ​មិន​អាច​ញែក​ដាច់​ពី​គ្នា​បាន​ឡើយ

    នៅក្នុង​បន្ទប់​សិក្សា​ក្នុង​ផ្ទះ​ធំ​មួយ​នៅ​តាម​មាត់ទន្លេ​ក្នុង​រាជធានី​ភ្នំពេញ លោក ថាង សុធា វ័យ​ ៣៥ ​ឆ្នាំ​កំពុង​ពិនិត្យ​មើល​ប្លង់​រចនា 3D របស់​បន្ទប់​គេង​នៃ​អាផាតមិន​មួយ​ដែល​ជា​ផ្នែក​នៃ​គម្រោង​កែលម្អ​ចុងក្រោយ​បំផុត​ដែល​លោក​បាន​ចូលរួម​ធ្វើ​កាលពី​ប៉ុន្មាន​ឆ្នាំ​មុន នៅ​លើ MacBook ដើម្បី​បំផុស​គំនិត​សម្រាប់​ការងារ​នាពេល​អនាគត​។

  • ត្រី​ចិញ្ចឹម​ប្រមាណ​ ១២ ​តោន​ងាប់​ដោយ​កម្ដៅ​ពេល​ទឹក​ស្រក

    កំពង់ឆ្នាំងៈ យ៉ាង​ហោចណាស់​ត្រី​ចិញ្ចឹម​តាម​ដង​ទន្លេ​ស្ថិត​ក្នុង​សង្កាត់​ខ្សាម និង​ផ្សារឆ្នាំង ខេត្ត​កំពង់ឆ្នាំង​ប្រមាណ​ជា​ ១២ ​ពាន់​គីឡួ​បាន​ងាប់​ក្នុង​រយៈពេល​ ៣ ​ថ្ងៃ ព្រោះ​តែ​ទឹក​បាន​ស្រក​ចុះ​ជា​គំហុក និង​ក្ដៅ​ខ្លាំង​។ នេះ​បើ​យោង​តាម​ការរៀបរាប់​របស់​ប្រជានេសាទ​ក្នុង​តំបន់​នោះ​ដែល​មាន​ប្រមាណ​ជា​ ៧០ ​គ្រួសារ​។

  • ព្រះរាជអាជ្ញា​ភ្ជាប់​រឿង​ហិង្សា​នៅ​ស្ពាន​នាគ​ជា​ចលនា​បដិវត្តន៍​ពណ៌

    ភ្នំពេញៈ សាលាឧទ្ធរណ៍​នៅ​ព្រឹក​ថ្ងៃ​ពុធ​ម្សិលមិញ​បាន​បញ្ចប់​សវនការ​ជំនុំជម្រះ​សំណុំ​រឿង​ហិង្សា​នៅ​ស្ពាន​នាគ​កាលពី​ខែ​កក្កដា ឆ្នាំ ២០១៤ ដោយ​ព្រះរាជអាជ្ញា និង​មេធាវី​ការពារ​ដើមបណ្ដឹង​សម្រេច​ភា្ជប់​ករណី​ហិង្សា​នោះ​ទៅ​នឹង​បដិវត្តន៍​ពណ៌ បន្ទាប់ពី​សវនការ​រយៈពេល​ ៣ ​ថ្ងៃ​ជាប់ៗ​គ្នា​។ ទោះ​ជា​យ៉ាងណា​ក៏ដោយ​ភាគី​ជនរងគ្រោះ​ថា​គ្មាន​អំពើ​កុបកម្ម​កើតឡើង​ទេ​ និង​ស្នើ​ដល់​តុលាការ​ឲ្យ​ដោះលែង​ពួកគេ​។